Спорт
ВАДА му се извини на Мамаду Сако и му плати „значителна“ отштета
Поранешниот фудбалер на Ливерпул, Мамаду Сако го доби судскиот случај против Светската анти-допинг агенција (ВАДА), која ќе му исплати „значителна отштета“ поради лажните тврдења за допинг тест на дефанзивецот.
Во објава пред Кралскиот суд на правдата во Лондон, ВАДА целосно го прифати барањето на Сако, се извини за неправедните обвинувања за користење на хигенамин, супстанција која се наоѓа во средствата за слабеење. Французинот, Сако, кој сега игра за Кристал палас признава дека е задоволен.
„Среќен сум. За мене, за моето семејство, за моите пријатели, за тие кои беа до мене тие тешки години. Не е лесно кога си професионален спортист и си обвинет за допинг, бидејќи тоа е најлошото што може да ти се случи. Секогаш велев дека вистината ќе се појави и тоа дојде денеска. Сега сакам да гледам напред“, изјави Сако.
Сако беше позитивен по мечот од Лига Европа помеѓу Ливерпул и Манчестер јунајтед во март 2016, кога доби 30-дневна суспензија од УЕФА и повеќе не заигра за Ливерпул. Тој тврдеше дека поради ова бил исклучен и од француската репрезентација за Европското првенство во 2016. УЕФА подоцна потврди дека средството не е на листата на забранети супстанции, но ВАДА во 2016 и 2017 тврдеше дека тој се допингувал.
— Mamadou Sakho (@mamadousakho) November 4, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.