Спорт
ВАДА: Синер сѐ уште е под истрага
Светската антидопинг-агенција (ВАДА) сѐ уште не донела конечна одлука за случајот со Јаник Синер откако Италијанецот двапати беше позитивен на забранетата супстанција клостебол.
Претходно, „Кориере дела сера“ објави дека ВАДА и Италијанската антидопинг-агенција (НАДА) одлучиле да не ја обжалат одлуката на Меѓународната агенција за интегритет во тенис (ИТИА) пред Судот за арбитража во спортот во Лозана.
Во соопштението доставено до Адам Адикот, уредник на англиската верзија на веб-страницата „Убитенис“, се наведува дека истрагата за случајот со Синер сѐ уште е во тек.
„Конечната одлука не е донесена“, се вели во соопштението, со додавање на членовите од Светскиот антидопинг-кодекс, кои наведуваат до кога треба да се донесе конечната одлука.
Доколку дојде до пресврт во оваа приказна и Синер биде суспендиран, ќе ги загуби титулите на Ју-ес опен и Мајами, како и поените за полуфиналето на Индијан Велс и Монте Карло, четврт-финалето на Мадрид, полуфиналето на „Ролан Гарос“, титулата во Хале, четврт-финалето на Вимблдон, четврт-финалето во Монтреал и титулата во Синсинати.
🚨NEW🚨
The WADA has issued me this statement on Jannik #SinnerPART ONE
“WADA’s review of this case is ongoing. No decision has been taken on that yet. For the deadline, read 13. 2. 3.5 of the World Anti-Doping Code.”— Adam_Addicott (@AdamAddicott) September 10, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Галатасарај со Осимен го растури Фенербахче на Жозе Мурињо
Во големото дерби на турскиот фудбал, актуелниот шампион Галатасарај победи со 3:1 на стадионот на Фенербахче. Галатасарај има шест победи со што го изедначи најдобриот старт на клубот во Супер лигата.
Гостите поведоа во 21. минута со автоголот на Доминик Ливаковиќ. Топката по ударот на Лукас Тореира се одби од стативата се одби од грбот на Ливаковиќ и заврши во голот.
Осум минути подоцна беше 2:0 за гостинскиот тим, а во главните улоги беа двајца поранешни играчи на Наполи.
Виктор Осимен, големото засилување на Галата оваа сезона, атрактивно со гради му асистираше на Дрис Мертенс, а ветеранот ја зголеми предноста на својот тим.
Кога во 60. минута 20-годишниот Бразилец Габриел Сара зголеми на 3:0, јасно беше дека Фенербахче ќе го доживее првиот пораз сезонава.
Две минути подцна Џеко од пенал постигна гол за Фенербахче. До крајот на мечот Фенербахче напаѓаше, имаа играчите на Жозе Мурињо две добри шанси но резултатот остана 1:3.
Галатасарај по првите шест кола има исто толку победи, на табелата има пет поени повеќе од Фенербахче.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.