Спорт
„Вака умре Марадона“: обвинителот ја шокира Аргентина на почетокот на судењето
Денеска во Буенос Аирес се одржа првата седница од судењето на лекарскиот тим за смртта на легендарниот Диего Марадона. На почетокот обвинителот Патрисио Ферари ги шокира присутните. Обвинителот покажа фотографија од Марадона во моментот на неговата смрт, која предизвика силни емоции кај семејството и кај присутните.
„Вака умре Марадона“, рече Ферари додека ја држеше фотографијата, нагласувајќи дека тешката здравствена состојба на Марадона е очигледна и дека никој од обвинетите не може да тврди дека не знаел за состојбата на Марадона.
Неговите ќерки Далма и Џанина се расплакаа, а подоцна ги утеши нивната сестра Јана. Драматичната сцена беше емитувана во живо на Јутјуб каналот на Врховениот суд на провинцијата Буенос Аирес и брзо се рашири низ социјалните мрежи.
"Así murió Diego Maradona"
durante el juicio la querella mostró una foto del 10, que recorre el mundo, estaba hinchado pic.twitter.com/TBIL9y1hBH— 𝗔𝗡𝗚𝗘𝗟 fan (@AngeldeBrit_ok) March 11, 2025
Осум лица се на обвинителна клупа, вклучувајќи лекари и медицински сестри кои се грижеа за Марадона во неговите последни денови. Меѓу нив е и неврохирургот Леополдо Луке, кој му бил доктор на Марадона.
Пристигнувањето на медицинскиот персонал во судската зграда во Сан Исидро, предградие на Буенос Аирес, наиде на негодување од луѓето кои се собраа пред зградата и извикуваа „убијци“.
Тензиите беа уште поголеми поради реакцијата на поранешната сопруга на Марадона, Вероника Оједа, која се судри со еден од обвинетите, психијатарот Агустин Косачов. Неколку часа пред судењето, ќерката Далма во телевизиско интервју изјавила дека бара правда и ја повторила теоријата за заговор на моќници кои сакале Марадона да умре.
„Сакаме овие луѓе да кажат кој ги вработил, кој ги плаќал, кој управувал со куќата“, рече Далма.
Обвинителот Ферари во воведниот збор истакна дека по една година истрага е изготвено цврсто обвинение без противречности, врз основа на докази. Според Ферари, постојат силни докази дека обвинетите се одговорни за смртта на Марадона за време на неговото домашно лекување од 11 до 25 ноември 2020 година, во она што се нарекува „куќа на ужасите“.
Обвинителот заклучи дека „семејството и аргентинскиот народ заслужуваат правда“.
Марадона почина на 25 ноември 2020 година, на 60-годишна возраст, поради кардиореспираторна криза во неговата резиденција во Тигре, ексклузивно предградие северно од Буенос Аирес, каде што се опоравуваше од операцијата за отстранување на хематом на главата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Скимо“ дебитираше на ЗОИ
За прв пат во историјата, на Зимските олимписки игри се доделуваа медали во скијашко планинарење, сè попознато по кратенката „скимо“.
Први во новата дисциплина настапија жените, а златото го освои Швајцарката Маријан Фатон. Актуелната светска шампионка патеката ја мина за 2:59.77.
Среброто и припадна на Франција благодарение на Емили Хароп, вицешампионката на светот (+2,38 секунди заостанување), а бронзата ја освои Шпанката Ана Алонсо Родригез, која е актуелна европска шампионка (+10,45 секунди заостанување).
Во машка конкуренција светскиот шампион освои злато. Тоа е Шпанецот Ориол Кардона Кољ. Тој патеката ја мина за 2:34.03.
Русинот Никита Филипов беше одличен во вториот дел од патеката, по скалите. Момчето од Камчатка на тој начин го освои сребрениот медал (+1,52 секунди заостанување).
Иако во поголемиот дел од трката водеа Швајцарците Арно Леита и Џон Кислер, тие не освоија медал. Бронзата ја освои Тибо Анселме, Французинот кој лани беше сребрен на Светското првенство (+2,31 секунди заостанување).
Foto/ EPA
Спорт
И Куртоа му се придружи на Ѓоковиќ во проектот Ле Ман
Голманот на Реал Мадрид, Тибо Куртоа стана малцински сопственик на француски Ле Ман.
Како што беше најавено, Куртоа стана еден од акционерите на францускиот тим, откако минатата година Новак Ѓоковиќ им се приклучи на поранешните Ф1 возачи, Фелипе Маса и Кевин Магнусен како нов малцински сопственик на овој француски тим.
Куртоа ѝ се обрати на јавноста во четвртокот и откри дека им се придружил на други познати личности како дел од инвестициската група „NXTPLAY“, која е фокусирана на развој и раст како дел од проекти за втор мандат.
Ѓоковиќ на својот Инстаграм профил го сподели и искуството од приклучувањето на голманот во францускиот тим.
Foto/ depositphotos
Спорт
Прв спискот на Берокал како селектор на Македонија
Селекторот на кошаркарската репрезентација на Македонија, Жозеп Мариа Берокал, го објави списокот на кошаркари на кои ќе смета за претстојните натпревари од вториот ФИБА „прозорец“ од претквалификациите за Европоското првенство во 2029.
За дуелите од претквалификациите, со селекциите на Луксембург (во Скопје на 27 февруари) и Азербејџан (во Баку на 2 март), новиот предводник на сениорскиот национален тим ќе смета на 16 кошаркари.
Репрезентацијата ќе тренира во Скопје, првиот официјален собир-тренинг е закажан за 23 февруари (понеделник), со почеток во 10. часот, во салата „Градски парк“ (ќе биде од затворен карактер).
На списокот ги нема играчите од Евролигата, Ненад Димитирјевиќ и Ти Џеј Шортс.
СПИСОК НА ПОВИКАНИ КОШАРКАРИ ЗА ФЕВРУАРСКИОТ ФИБА „ПРОЗОРЕЦ“ 2026
Војдан Стојановски – МЗТ Скопје Аеродром
Андреј Магдевски – МЗТ Скопје Аеродром
Марин Петков – МЗТ Скопје Аеродром
Андреј Маслинко – МЗТ Скопје Аеродром
Стојан Ѓуроски – МКК Куманово
Виктор Ефремовски – Работнички
Андреј Митревски – Пелистер
Лука Стојановски – Пелистер
Теодор Симиќ – Кожув
Виктор Ташовски – ТФТ Скопје
Амар Хот – Маџари 2023
Адем Мекиќ – Бора, Косово
Ваљмир Какруки – Сигал Приштина, Косово
Лејсон Зеќири – Башкими, Косово
Андреј Јакимовски – Тренто, Италија
Итан Хап – Сан Пабло Бургос, Шпанија
Извор и Фото/ mkd.basketball

