Спорт
Валенсија го доби трилерот против Барселона во Евролигата

Валенсија славеше против Барселона со 84:83 во дуелот меѓу двете шпански екипи во Евролигата. Со овој пораз каталонскиот тим ја загуби предноста на врвот на табелата и сега има пет порази.
Во „Ла Фонтета“ се одигра неизвесен натпревар. Двата тима постојано се менуваа во водство, а Валенсија ја имаше единствената двоцифрена предност во самата завршница од натпреварот.
На три минути до крајот, резултатот на семафорот гласеше 79:69, но ниту тоа не беше доволно Валенсија мирно да го заврши натпреварот.
Во последните 30 секунди, Џејмс Веб промаши шут за три поени по кошот на Лапровитола, а неговата грешка на другиот крај ја искористи Никола Миротиќ и погоди за 81:80 на 14 секунди до крајот.
Шарунас Јасикевичиус ја сакаше својата судбина во свои раце и беше направен брз фаул. Крис Џонс двапати беше прецизен од линијата за слободни фрлања, а потоа Лапровитола го промаши шутот за продолжение.
Хасијел Риверо ја предводеше Валенсија до победата со 16 поени, додека два помалку имаше Бојан Дубљевиќ со шест скока.
Кај Барселона блескаше Николас Лапровитола со 28 поени, седум асистенции и четири скока. Никола Миротиќ го заврши мечот со 11 поени, а Никола Калиниќ не беше шутерски расположен и заврши со четири поени, но и со осум скока.
Кошаркарите на Жалгирис на домашен терен го победија Баерн Минххен со 75:67. Кинан Еванс постигна 32 поени и беше најзаслужниот за триумфот на својот тим против гостите од Минхен.
Олимпија Милано го совлада Монако со 79:71, а Анадолу Ефес беше убедлив против Панатинаикос. Вил Клајбурн со 23 поени го предводеше турскиот состав до триумфот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Таткото на Белингем се карал со директорот на Борусија откако неговиот син бил заменет на полувремето

Борусија Дортмунд одлучи да ги заостри протоколите во соблекувалната и им забрани на сите членови на семејствата на фудбалерите влез во таа зона. Клубот се реши на ваков чекор, по инцидентот што го направија родителите на Џоб Белингам во саботата.
Дортмунд имаше предност во дуелот со Сент Паули од 3:1 во 85-та минута од натпреварот, но не успеа да победи. Дуелот заврши со резултат 3:3.
Тензијата по натпреварот, само ја зголемија родителите на Џобе Белингам, Марк и Дениз, кои биле незадоволни откако го видоа својот син како останува во соблекувалната на полувремето.
Тие го чекале во тунелот по завршувањето на натпреварот раководството на Дортмунд за да се соочат со нив. Според новинарите на „Скај Спортс Германија“, Марк Белингам прво имал емотивен разговор со спортскиот директор на Дортмунд, Себастијан Кел.
Тој ја изрази својата фрустрација од од одлуката на тренерот неговиот син да остане во сблекувалната по првите 45 минути. Но, според овој извор, си зел за право да ги критикува играчите на тимот за кој игра неговиот син.
„Билд“, објави дека Марк Белингам побарал итен состанок со тренерот Нико Ковач.
Џоб Белингам е помалдиот брат на играчот на Реал, Џуд. Тој пристигна во Дортмунд од Сандерленд ова лето за 32 милиони фунти.
Фото/ Принтскрин
Спорт
Тотенхем тргна по потписот на Инкапие, Арсенал би можел да му го украде
Арсенал е подготвен да му зададе уште еден тежок удар на Тотенхем. Во финишот на преодниот рок Арсенал се распрашува за Пјеро Инкапие. Еквадорецот кој може даигра како лев бек, но и како лев стопер е на радорот на Тотенхем.
Тотенхем се обидува да се засили во финишот на преодниот рок. Мета им е Инкапие, клубот е подготвен да ја активира откупната клаузула во неговиот договор од 60 милиони евра.
„Скај Спортс“, тврди дека за Еквадорецот постои интерес и кај Арсенал, бидејќи во клубот работата на трансферите на неколку играчи од одбраната (Зинченко, Виеира, Нелсон).
Минатата недела, Арсенал го „украде“ Ечебери Езе од Кристал Палас, со кого Тотенхем веќе имаше постигнато договор.
Инкапие има уште четири години од договорот со Баер, а германскиот клуб сака да го задржи. Но, „Скај Спорт Германија“ пишува дека 22-годишниот Еквадорец одлучил да го напушти Леверкузен.
Инкапие е уште еден играч од најславната генерација на клубот од Леверкузен кој ова лето сака да замине. Претходно Баер го напуштија голманот Храдецки, капитенот Тах, Вирц, Џака, Фримпонг, Адли.
Спорт
Сака ќе го пропушти, а Едегор под знак прашалник за дербито со Ливерпул

Крилниот напаѓач на Англија, Букајо Сака, ќе го пропушти натпреварот на Арсенал од Премиер лигата против Ливерпул во недела и квалификациските натпревари на Англија за Светското првенство против Андора и Србија следниот месец поради повреда.
Сака ја повреди тетивата во саботата, во победата на домашен терен против Лидс Јунајтед (5:0). Првите проценки се дека крилниот напаѓач нема да може да игра до четири недели, објавува Би-би-си. Англискиот репрезентативец пропушти три и пол месеци од минатата сезона по операција на десната тетива.
Капитенот на Арсенал, Мартин Едегор, е исто така под знак прашалник за натпреварот на „Енфилд“ поради повреда на рамото заработена во победата против Лидс. Едегор изгледаше во болка кога беше заменет во првото полувреме, поради повреда на рамото.
Foto/ EPA/ADAM VAUGHAN