Спорт
Валенсија со прекрасен гол во 93. минута со победа, нов пораз за Еспањол

Борбата за опстанок во шпанската Ла лига најавува дека ќе биде многу поинтересна од борбата за титулата, откако Валенсија успеа да стигне до 2:1 победа над Реал Валјадолид за да излезе од зоната за испаѓање, а Еспањол доживеа нов пораз, овојпат со драматични 4:2 од Вилјареал.
На „Месталја“, работите не тргнаа најдобро за домаќините, откако Кајл Ларин ги донесе гостите во водство уште во шестата минута, но „лилјаците“ успеја да израмнат преку Муктар Дијахаби во 60. минута. Трите поени беа осигурани во 93. минута преку 20-годишниот Хавиер Гуера Морено, кој постигна прекрасен гол.
Со трите поени, Валенсија се искачи на 17. место со 33 поени, два повеќе пред Хетафе, кои денеска го отпуштија тренерот Кике Санчез Флорес.
Javi Guerra, 20 añitos y menos de 90 min en 1ª División. pic.twitter.com/YfePJqIJR1 https://t.co/t3KY0c4qbT
— Lassana (@_Lassana_) April 27, 2023
Ако Валенсија останува со добри шанси за опстанок, истото не може да се каже за Еспањол, кои остануваат претпоследни со 38 поени. Хави Пуадо им донесе водство на Еспањол против Вилјареал во финишот на првото полувреме, но домаќините израмнија преку Етјен Капуе во 53. минута, за десет минути подоцна Дани Парехо во повторениот обид од пенал да донесе 2:1 водство. Еспањол израмнија преку Хоселу во 73. минута, но финишот им припадна на домаќините кои постигнаа два гола, преку Џексон во 80. и пак преку Капуе во 93. минута од мечот за победа.
ЛА ЛИГА, 31.КОЛО
Валенсија – Реал Валјадолид 2:1
Вилјареал – Еспањол 3:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лукман официјално побара трансфер

Сагата околу Адемола Лукман (27) и неговото заминување од Аталанта доби нов заплет. Нигерискиот напаѓач ги потврди медиумските извештаи и објави дека поднел официјално барање за трансфер, обвинувајќи го клубот дека го блокирал неговиот трансфер во Интер и покрај, како што тврди, задоволителната понуда од 45 милиони евра. Тој ја сподели својата верзија на приказната во објава на Инстаграм.
„Во текот на изминатите три години во Аталанта, дадов апсолутно сè. Не само како фудбалер, туку и како личност. Секогаш го носев дресот со гордост и се обидував да го претставувам овој клуб и градот Бергамо со срце, страст и посветеност.
Дојдов тука со надеж дека ќе му помогнам на овој посебен клуб да расте и заедно создадовме спомени што засекогаш ќе останат во мене. Освојувањето на Лигата на Европа и стоењето рамо до рамо со моите соиграчи таа вечер во Даблин, славејќи со нашите навивачи, беше еден од најгордите моменти во мојата кариера досега.
Аталанта, а особено нејзините навивачи, станаа дел од мене. Ова место ми беше како дом од моментот кога пристигнав и секогаш се обидував да ја вратам таа љубов, дури и кога работите не беа лесни.
Затоа е толку тешко да се напише ова. Го сакав секој момент, но чувствувам дека сега, по три прекрасни години во Бергамо, е вистинското време да продолжам понатаму и да доживеам нова авантура.
Клубовите во минатото ѝ пристапуваа на Аталанта и јас секогаш останав лојален. Сепак, јас и сопствениците на клубот се согласивме дека сега е вистинското време и клубот јасно стави до знаење дека доколку пристигне фер понуда, ќе ме пуштат да си заминам. И покрај тоа што сега добив понуда во согласност со она што верував дека е договорено, клубот за жал ја блокира можноста од причини што не ги разбирам.
Како резултат на тоа, и по многу месеци прекршени ветувања и она што го сметам за лош третман кон мене како човечко суштество и како професионален фудбалер, за жал чувствувам дека немам друг избор освен да зборувам за она што верувам дека е исправно. Чувствувам дека тоа е доволно. Можам да потврдам дека поднесов официјално барање за трансфер.
На навивачите, срцето на овој клуб, сакам да го кажам следново: Навистина ми е жал што дојде до ова. Се надевам дека можете да ја разберете оваа неверојатно тешка ситуација. Едноставно се борам за она што мислам дека е фер и исправно“, заклучи Лукман.
За време на својата кариера, Лукман играше за Чарлтон, Евертон, РБ Лајпциг, Фулам и Лестер. Аталанта за него плати 10,85 милиони евра пред три години и оттогаш има 118 настапи, 52 гола и 25 асистенции за клубот од Бергамо. Минатата година ја освои Лигата на Европа со Аталанта и беше прогласен за најдобар африкански фудбалер.
Фото/ Принскрин
Спорт
(Видео) Легендарниот капитен Сон во солзи се збогува со Тотенхем

Хјонг-Мин Сон го одигра последниот натпревар за Тотенхем. Кореецот, по десет години, 173 гола, се збогува со клубот. Сон кариерата ќе ја продолжи во Лос Анџелес.
И тоа е она што ќе се памети од пријателскиот натпревар меѓу Њукасл и Тотенхем (1:1), одигран во Сеул.
Џонсон му донесе водство на Тотенхем во 4-та минута од играта, а Барнс израмни во 38-та минута.
Oh son heung min you’re so so loved😭🤍 pic.twitter.com/JhOUSjbWro
— ☀️🌙 (@narharisonshine) August 3, 2025
За жал, тоа не беше сè на овој пријателски натпревар, за да бидат работите доста алармантни за Тотенхем, по само 11 минути на теренот се повреди Џејмс Медисон.
Тој остана на да лежи со болна гримаса, се чини дека станува збор за сериозна повреда.
James Maddison looks like he's gone down with a serious injury. Gutted for him. pic.twitter.com/Lr2iDWk0YP
— Football Tweet ⚽ (@Football__Tweet) August 3, 2025
Спорт
Леклер бесен на Ферари: Мора да ме слушате

Возачот на Ферари, Шарл Леклер, изненади со освојувањето на пол-позицијата за Големата награда на Унгарија во саботата, а еден ден подоцна мораше да се задоволи со четвртото место на трката.
Леклер го презеде водството од самиот почеток и брилијантно се држеше до втората промена на гумите, кога падна во редоследот зад двајцата возачи на Мекларен, и беше престигнат од Џорџ Расел во Мерцедес.
Дури и пред Британецот да успее да го загрози, Леклер имаше порака за својот тим, кој го повика во боксот пет круга пред Пјастре, што го чинеше во борбата и за подиумот и за победата.
„Ова е неверојатно фрустрирачко. Ја изгубивме целата конкурентност. Мора да ме слушате, би нашол друг начин да се справам со тие проблеми. Сега автомобилот не може да се вози, не може. Ќе биде чудо ако завршиме на подиумот“, рече Леклер.
И чудото не се случи, бидејќи Расел го престигна Леклер на осум круга до крајот на трката, а возачот на Ферари беше казнет и за агресивната одбрана од возачот на Мерцедес.
Победата на Големата награда на Унгарија ја однесе возачот на Мекларен, Ландо Норис, кој се одбрани од нападите на тимскиот колега Оскар Пјастри, во последните три круга, додека Расел беше трет, повеќе од 20 секунди зад двоецот на Мекларен и исто толку пред Леклер.
Формула 1 сега има летна пауза што трае до Големата награда на Холандија во „Зандворт“, која е на програмата од 29 до 31 август.
Foto/ EPA/Zsolt Czegledi