Некогашниот помошник-тренер на Чикаго Булс, Џони Бах, изнесе шокантно тврдење, кое фрла сенка на човечката особина на славниот Мајкл Џордан, кој во текот на кариерата немаше големи скандали во приватниот живот.

Бах му беше помошник на Фил Џексон кога Булси доминираа во НБА-лигата, а познато е дека Џордан беше главната фигура.

Тврдењата се дека Мајкл му бил љубоморен на својот клупски колега Скоти Пипен поради вниманието што тој го добивал од жените.

„Тоа го убиваше Мајкл. Требаше да видите само какви сѐ девојки го чекаа Пипен каде и да се појавеше. Мадона го чекаше во лимузина со хидромасажна када секогаш кога доаѓавме во Лос Анџелес. Џордан беше љубоморен и сакаше да ја заведе. Ѝ велеше дека тој е подобро решение за неа, но Мадона го откачи“, изјави Бах за Basketball network.

За потсетување, поп-дивата Мадона своевремено беше во врска со нивниот клупски колега Денис Родман.

Паоло Дибала и Јувентус се блиску до потпишување на нов договор. Актуелниот договор што го има Аргентинецот со „старата дама“ истекува на крајот од сезоната. Клубот од јули преговара со менаџерот на Дибала околу новиот договор.

„Блиску сме. Останаа уште некои ситници, тогаш ќе можеме да кажеме дека ја завршивме работата“, рекол еден од директорите на Јувентус, Павел Недвед.

Поранешниот играч на Јувентус, информирал дека наскоро клубот ќе ги започне преговори за продолжување на договорот на Хуан Квадрадо.

Тренерот на Челси, Томас Тухел, најавил дека неговиот тим нема да калкулира во ниту едно натпреварување оваа сезона. Ќе се обиде да победи во сите натпреварувања. Челси, синоќа, по изведувањето на пенали, ја победија Астон Вила и се пласираа во осмина-финалето, во Лига купот.

„Премиер лигата и Лигата на шампиони нема да ни бидат пред другите натпреварувања. Сакаме да створиме победнички менталитет“, рекол Тухел.

Челси, ја дели првата позиција со Ливерпул и Манчестер јунајтед, во Премиер лигата. „Сините“, последен пат биле шампиони на Англија во сезоната 2016/2017.

„Она што го направивме минатата сезона нема да има никакво влијание на актуелната сезона. Сакаме да ги освоиме сите трофеи. Сакаме да бидеме конкурентни во сите натпреварувања и на секој натпревар. излегуваме на теренот со цел да победиме“, дополнил Тухел.

Челси во сабота ќе имаат вистински тест, на „Стенфорд Бриџ“, ќе го пречекаат Манчестер сити.