Спорт
Ван Бастен: Одигра само неколку добри натпревари, Антони не вреди 100 милиони евра
Манчестер јунајтед го реализира вториот најскап трансфер во клупската историја. За 100.000.000 евра од Ајакс пристигна Антони. Повеќе пари за нов играч Манчестер јунајтед потроши само за Пол Погба, чии трансфер во 2018 година изнесуваше 105.000.000 евра.
Трансферот на Антони предизвика реакции, што и можеше да очекува. Многумина се сомневаат дека тој вреди за тие пари. Еден од ние е легендарниот Марко ван Бастен.
„100 милиони евра за Антони? Не, далеку е од тоа“, изјави Ван Бастен за „Зиго спорт“ на прашањето дали 22-годишниот Бразилец вреди толку пари.
Антони има постигнато 24 гола и 22 асистенции на 82 настапи за Ајакс од 2020 година, а има освоено две титули во холандското првенство и еден холандски куп додека играше под водство на Ерик тен Хаг, актуелниот менаџер на Манчестер јунајтед.
„Антони досега не покажа многу. Секако дека одигра неколку добри натпревари, но неговата ефикасност во последните две години не беше висока“, изјави Ван Бастен, кој пред две години го критикуваше Ајакс кога за Антони на Сао паоло им платија 25.000.000 евра.
„Во Ајакс имаат голема уста, постојано велат дека нашата младинска академија е одлична. А потоа купуваат млад играч за големи пари. Тука нешто не е во ред. Ако клубот се пофали дека нашата академија е толку голема, тогаш е смешно да оди во Бразил и купи млад играч за 25 милиони евра“, изјави тогаш Ван Бастен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.