Спорт
ВАР го исфрли Леганес од Ла Лига
Синоќа заврши сезоната во Ла Лига. Титулата по пауза од три години ја освоија фудбалерите на Реал Мадрид, а покрај нив во Лигата на шампионите ќе играат Барселона, Атлетико Мадрид и Севилја. Виљареал, Реал Сосиедад и Гранда ќе играат во Лига Европа, а од Ла лига испаднаа Еспањол, Мајорка и Леганес.
Последното коло не можеше да мине без контроверзии. Шпанците обвинуваат дека имало завера против Леганес.
Леганес во последното коло го пречека Реал, му беше потребна победа и во исто време Селта да не го совлада Еспањол за да остане во лигата. Селта одигра 0:0 против Еспањол, а Леганес два пати успеваше да ја стигне предноста на Реал, но не успеа да постигне гол за победа.
На овој меч се случи спорен момент кој покрена жестока дебата во Шпанија. Во 84 минута по обидот на Бустинза топката во раката го погоди Лука Јовиќ. ВАР реши дека немало елементи судијата Гиљермо Квадра да покаже на белата точка.
На социјалните мрежи одлуката на судијата е наречена „измама на годината“.
Поранешниот судија Хуан Андухар Оливер се согласува со мнозинството дека Леганес се оштетени.
„Чист пенал! Јасно е дека раката на Јовиќ не е во природна положба. Кога ќе погледнеме какви пенали беа судени во изминатите кола неразбирливо е зошто ова не е пенал. Лудост!“, рекол Андухар за „Марка“.
За потсетување, во февруари Барселона го искористи правото надвор од преодниот рок да ангажира еден фудбалер. Нивниот избор беше напаѓачот на леганес Мартин Брајтвајт, а откако трансферот беше реализиран ла Лига не му дозволи на Леганес да го надомести заминувањето на својот најдобар играч.
Теоретичарите на заври велат дека Леганес едноставно морале да испадна од Ла Лига…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Удар за Билбао: Алварез суспендиран поради допинг

Атлетик Билбао до крајот на сезоната ќе биде без стандардниот дефанзивец Јерај Алварез. Алварез е суспендиран поради допинг.
На 1 мај оваа година, по натпреварот со Манчестер јунајтед во полуфиналето на Лигата на Европа, искусниот стопер случајно беше избран за контрола на допинг, а резултатире покажаа дека користел забранета супстанца канренон.
Поради допинг, Алварез доби девет месечна суспензија, што значи дека практично сезоната за него заврши. На фудбалот ќе може да му се врати во април.
На Алварез нема да му биде дозволено ниту да тренира со тимот.
Спорт
Сантош повеќе не е селектор на Азербејџан

Со Португалија, Фернандо Сантос редеше успеси, а откако повеќе не е на португалската клупа, во последните три години беше отпуштен три пати.
Фудбалската асоцијација на Азербејџан потврди дека соработката со Фернандо Сантос е прекината.
Два нерешени резултати и девет порази – тоа е учинокот на Сантос како селектор на Азербејџан. Отказ доби по поразот од Исланд, 5:0.
Откако ја прекина соработката со ФС Португалија, Сантос го водеше Бешикташ – 16 натпревари, а полската репрезентација на само шест.
Со Португалија, Сантос беше европски шампион во 2016 година, а три години подоцна ја освои Лигата на нации.
Foto/ EPA
Спорт
Сити и Премиер лигата постигнаа договор околу договорите за спонзорство

Манчестер Сити и Премиер лигата постигнаа договор во спорот околу правилата што ги регулираат договорите за спонзорство.
Сити покрена правна постапка против Премиер лигата, тврдејќи дека новите правила, кои ги регулираат трансакциите со поврзани страни (APT), се нелегални.
„Ниту Премиер лигата ниту клубот нема да коментираат по ова прашање“, се вели во заедничкото соопштение.
Минатата година, независен арбитражен панел пресуди против аспекти од прописите на лигата по тужба поднесена од клубот.
Правилата беа воведени од Премиер лигата за да се спречат клубовите да профитираат од комерцијални договори со компании поврзани со нивните сопственици, за кои се смета дека не се во согласност со фер пазарните вредности.
Во ноември 2024 година, мнозинството клубови од Премиер лига гласаа за усвојување на амандманот на APT, и покрај противењето на Сити.
Оваа судска одлука не е поврзана со онаа за 100 обвиненија против Сити за кршење на финансиските правила на Премиер лигата. Клубот ги негира обвинувањата.
Фото/ Принтскрин