Спорт
Вардар блесна во Струмица, домашни победи за Шкендија и Шкупи

Со денешните 4 натпревари се комплетираше второто коло во ПМФЛ.
Најинтересен беше дуелот во Струмица каде домаќинот Академија Пандев загуби од актуелниот шампион Вардар со 1-0.
Стрелец на единствениот погодок на „црвено-црните“ беше Дејан Блажевски од белата точка во 77 минута.
Инаку на мечот беа покажани два црвени картони, по еден во двата тима. Најпрво во 65 минута „поцрвене“ домашниот голман Алчевски, а во 93 минута предвреме натпреварот го заврши и Попзлатанов.
Во Тетово, екипата на Шкендија дојде до победа против Струга Трим Лум од 2-0. Стрелци на головите за домашната екипа беа Тотре во 38. и Дориев во 92 минута.
Во Велес, Борец и Ренова ги поделија бодовите, мечот заврши 1-1.
Поведе домаќинот со голот на Радовиќ во 40 минута, а конечниот резултат го постави Стоименовски, постигна автогол во 89 минута.
На стадионот во скопски Чаир, Шкупи со 3-1 славеше против Македонија ЃП. Стрелци за головите за домашната екипа беа Јусуфи (4 минута), Дарбо (пенал 76) и Дик во 93 минута.
Единствениот гол за гостите беше дело на Емини во 54 минута.
Второ коло, ПМФЛ:
Академија Пандев – Вардар 0-1
Борец – Ренова 1-1
Шкендија – Струга Трим Лум 2-0
Шкупи – Македонија ЃП 3-1
Вчерa:
Работнички – Беласица 2-0
Завчера:
Силекс – Пелистер 2-2
По две одиграни кола, дури 5 екипи се изедначени на врвот на табелата со по 4 бода, а единствени без бодови во воведните мечеви се струмичките екипи, Академија Пандев и Беласица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челзи донесе уште еден Бразилец

Бразилскиот фудбалер Естевао Вилијан официјално стана нов член на Челзи, објави англискиот клуб.
Во јуни 2024 година, Челзи постигна договор со Палмеирас за Естевао да се пресели на „Стенфорд Бриџ“ откако ќе наполни 18 години.
„Многу сум среќен и задоволен што го претставувам Челзи, еден од најголемите клубови во светот. Се надевам дека ќе му помогнам на тимот на најдобар можен начин. Чекав речиси година и пол за да дојдам тука, работев напорно и се трудев најдобро што можам да бидам во најдобра можна форма“, рече Естевао.
Последниот натпревар на Естевао за Палмеирас беше против Челзи во четвртфиналето на Светското клупско првенство, кога постигна гол во поразот од 2:1.
Бразилскиот фудбалер дебитираше за сениорската репрезентација во септември минатата година, за која одигра пет натпревари.
На 17 август, Челзи ќе игра против Кристал Палас во првото коло од Премиер лигата.
Спорт
Астон Вила се засили со напаѓач на Ница

Астон Вила одлучи да доведе нов напаѓач, изборот на клубот е Еван Гесан.
Напаѓачот на Ница, кој има 24 години, е роден во Франција, по потекло од Брегот на Слоновата Коска.
Одиграл 109 натпревари за Ница, постигнал 21 гол и забележал 15 асистенции, но тоа не ги покажува сите негови вредности, бидејќи може да игра на сите позиции во нападот.
Вакво засилување му беше многу потребно на Унаи Емери, бидејќи Астон Вила не ги откупи договорите на Маркус Рашфорд и Марко Асенсио.
На Астон Вила очајно ѝ е потребна силна напаѓачка ротација, под услов Оли Воткинс даостане. Воткинс, според англиските медиуми е цел на Манчестер јунајтед и Њукасл. Неговата иднина зависи од одлуката на Бенјамин Шешко, за чии услуги исто така интерес покажуваат споменатите клубови.
Фото/ Принскрин
Спорт
(Видео) Карабаг ја победи Шкендија, ВАР пенал им пресуди на македонските шампиони

Foto/ EPA/GEORGI LICOVSKI
Фудбалерите на Шкендија, прв пат се порзени сезонава во квалификациите за пласман во Лигата на шампионите. Вечерва во Скопје, Шкендија загуби од Карабаг 0:1.
Клучниот момент се случи во 16.минута, кога по несмасниот старт на Вебстер врз Андраде, ВАР ја смени одлуката на главниот судија и гостите од Азербејџан добија пенал.
Најстрогата казна ја реализира Бајрамов.
Во првиот дел Карабаг имаше уште две добри шанси, а по голот на Карабаг два пати се закани капитенот на Шкендија, Ибраими.
Во второто полувреме во главните улоги беа голманите Геје и Кохалски, кои не дозволија публиката да види барем уште еден гол. Најдобрите шанси ги имаа Ибраими во 87.минута, од чиста позиција лошо биеше и Кохалски лесно го одбрани неговиот удар, а две минути подоцна Геје брилијантно го одбрани ударот на Зубир.
Реваншот на програмата е за седум дена во Баку. Победникот во плеј-офот ќе игра против Лудогорец или Ференцварош.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6uzljk”,”div”:”rumble_v6uzljk”});