Спорт
Вардар го преживеа унгарскиот „пекол“ и пак е меѓу најдобрите четири во Европа!

Со одлична последна третина на мечот, Вардар и покрај поразот од 29:25 (17:9) на гостувањето кај Пик Сегед го доби двомечот од четврт-финалето на Лигата на шампионите и трета сезона во низа ќе игра на фајнал фор, меѓу најдобрите четири европски екипи покрај Барселона, Кјелце и Веспрем.
Вардар допатува во Унгарија со предност од осум гола во првиот меч, огромна, но не и недостижна предност, како што за малку ќе покажеше ПСЖ на мечот со Кјелце. Во првото полувреме, унгарскиот шампион беше екстра-мотивиран и предводен од Деан Бомбач и Бенце Банхиди направи разлика од +9, која на полувреме беше намалена на +8 (17:9).
Вардар ја намали оваа предност на почетокот на второто полувреме, но Пик се врати за водство од +8 (25:17) во 43. минута, кога почна пресвртот на Вардар. Стоилов, Шишкарев и Карачиќ беа во одлична форма и „црвено-црните“ намалија на само два разлика (25:23) на петнаесет минути пред крајот. По ова, домашниот тим не успеа да се врати во игра, а Вардар конечно заигра подобро во одбраната, за да се визира патот во Келн, каде што повторно ќе се игра за европската титула.
На крајот, домашните ракометари го загубија нервите и влегоа во физичка пресметка со ракометарите на Вардар, предизвикувајќи петминутна пауза додека се смирија страстите.
Игор Карачиќ повторно беше лидерот на „црвено-црните“ со осум постигнати голови, Криштопанс додаде пет, а Дибиров додаде четири.
What kind of angle is this?! It seems like @HCVardar‘s Timur Dibirov would be able to score from behind the goal ?? #veluxehfcl #ehffinal4 #hellocologne pic.twitter.com/VEWZtKp3B6
— EHF Champions League (@ehfcl) May 5, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Холанѓанецот Ферстапен го надмудри Мекларен и ја оствари првата спринт победа

Возачот на Ред Бул, Макс Ферстапен, триумфираше на третата спринт трка во сезоната, која се одржа во рамките на Големата награда на Белгија, 13-то коло од овогодинешното првенство во Формула 1.
Холанѓанецот ја оствари својата прва спринт победа годинава со предност од седум и пол десетинки во однос на Оскар Пјастре од Мекларен. Третото место на подиумот го освои другиот возач на британскиот тим, Ландо Норис, кој беше нешто помалку од седум десетинки од секундата зад својот соиграч. Интересно е што спринт трката во Спа е прва во историјата откако Кристијан Хорнер повеќе не беше шеф на тимот во Ред Бул, па Верстапен му донесе триумф на тимот на дебито на Лоран Маки.
Фото: принтскрин
Спорт
Аморим: Нема да има распродажба во Манчестер јунајтед

Тренерот на Манчестер јунајтед, Рубен Аморим, изјави дека заинтересираните клубови нема да можат да добијат играчите, на кои клубот повеќе не смета, по „дисконтни“ цени објави денес Би-Би-Си.
Откако Маркус Рашфорд се пресели на позајмица во Барселона, Ентони, Џејдон Санчо, Алехандро Гарначо и Тирел Маласија беа изоставени од турнејата на Јунајтед во САД и се вратија на индивидуални тренинзи во тренинг центарот во Карингтон.
Бетис сака да го врати Ентони, каде што играше на позајмица минатата сезона, додека Јувентус е заинтересиран за Санчо, но тој прво мора да ослободи место во тимот. Гарначо се поврзува со неколку европски клубови.
Сепак, засега нема конкретни понуди, а се шпекулира дека клубовите ќе чекаат до последните денови од преодниот рок, надевајќи се дека Јунајтед ќе мора да ги намали цените.
„Техничкиот директор Џејсон Вилкокс, извршниот директор Омар Берада и целиот клуб јасно поставија цени за тие играчи. Доколку другите клубови не ги достигнат, тие остануваат играчи на Манчестер јунајтед, нема сомнение“, рече Аморим.
Аморим додаде дека некои играчи сакаат нов предизвик и дека клубот им дава време да размислат, но исто така рече дека потенцијалните купувачи не треба да се надеваат дека ќе може да ги добие овие играчи речиси за џабе.
Јунајтед веќе ги донесе новите засилувања Брајан Мбеумо, Матеуш Куња и Диего Леон ова лето, но сè уште бараат напаѓач и централен играч од средниот ред за да ги пополнат празнините во составот.
Аморим истакна дека е задоволен од сегашниот состав и дека е подготвен да ја започне сезоната со него. Манчестер јунајтед новата сезона ќе ја отвори со дербито против Арсенал.
Foto/ EPA
Спорт
(Видео) Шокираниот Медведев искрши сè по елиминацијата во Вашингтон

Дуелот помеѓу Данил Медведев и Корентан Муте ја донесе најлудата завршница и најлудиот поен на меч топка оваа сезона.
Муте, сензационално го победи Медведев во четвртфиналето на Вашингтон по пресврт и речиси два и пол часа борба со 1:6, 6:4, 6:4.
Апсолутно никој, а веројатно ни самиот Французин, не очекуваше таков исход, особено откако експресно го загуби првиот сет.
Погледнате како се одвиваше последниот поен на мечот.
😱 One of the most DRAMATIC match points you’ll see all year
🇫🇷 Moutet X Medvedev 🇷🇺 pic.twitter.com/FNnB4ACDmu
— Olly Tennis 🎾🇬🇧 (@Olly_Tennis_) July 25, 2025
Пред поздравот, Медведев лут го фрли рекетот на трибините, а што направи веднаш потоа… Па, погледнете го и тоа.
You can always recognize Russian psychopaths, even when they compete “without a flag.”
Given how fragile the Russian economy is, smashing rackets after humiliating losses has gotten too expensive. So Medvedev switched to bottles instead. pic.twitter.com/sHlx6M10tj
— Victoria (@victoriaslog) July 25, 2025