Спорт
Вардар не издржа две полувремиња во Порто

Вардар е поразен во првиот меч во ЕХФ Лигата на шампиони по подолга пауза, откако Порто повторно се покажа како сериозен противник стигнувајќи до 27:24 (13:13) победа.
Вардар имаше одличен старт на мечот и направи предност од 5:1 по шест минути игра, но набргу, Порто ја врати иницијативата, израмни на 5:5. Сепак, Вардар беше подобриот тим до крајот на полувремето со постојано водство од гол-два разлика, за на полувреме да се отиде со 13:13.
Вторите 30 минути пак, беа одлучувачки за исходот на мечот, откако Порто направи серија од 4:0 за потоа Вардар до крајот на мечот само да успее да се доближи на гол разлика. Тимур Дибиров беше најрасположен за игра со 9 постигнати голови, додека Ловро Јотиќ додаде пет гола, а кај португалскиот клуб, најефикасен беше Диого Бранкињос со седум гола.
Со поразот, Вардар останува на последното место во групата А со само три поени, додека Порто се искачува на четвртото место со осум поени, но има дури три натпревари повеќе од „црвено-црните“.
Во дербито на групата Б пак, Барселона ја продолжи победничката низа на 9 меча во Лигата на шампионите, триумфирајќи со 37:34 на гостувањето кај Веспрем. Европскиот шампион Кил, пак, се врати со фантастична 34:23 победа над украинскиот Мотор Запорожје.
ЕХФ ЛИГА НА ШАМПИОНИ
ГРУПА А
Мешков Брест – Флензбург 26:28 (15:14)
Порто – Вардар 27:24 (13:13)
Табела: 1.Флензбург 15, 2.Кјелце 13, 3.Мешков 9, 4.Порто 8, 5.ПСЖ 6, 6.Пик Сегед 4, 7.Елверум 4, 8.Вардар 3
ГРУПА Б
Кил – Мотор 34:23 (16:12)
Нант – Целје 28:30 (13:14)
Веспрем – Барселона 34:37 (15:19)
Табела: 1.Барселона 18, 2.Веспрем 13, 3.Мотор З. 12, 4.Алборг 10, 5.Кил 9, 6.Нант 4, 7.Целје 4, 6.ППД Загреб 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Боатенг повторно под истрага за напад на поранешната девојка која се самоуби

Германските обвинители повторно го отвориле случајот против ѕвездата на Баерн Минхен, Џером Боатенг, откога се појавиле нови информации за неговиот наводен напад на поранешната девојка Касја Ленхард по нејзиното самоубиство, тврдат германските медиуми.
Случајот првпат беше отворен во 2019, но беше затворен минатото лето откако Ленхард не сакаше да оди понатаму со обвиненијата. Боатенг беше обвинет дека ја нападна во октомври 2019 година, една година пред нивната јавна разделба, која на крајот заврши со самоубиство на поранешната манекенка.
Фотографиите од повреденото уво на Ленхард беа споделени кусо на социјалните мрежи, но веднаш избришани неколку часа пред 25-годишната Ленхард да биде пронајдена мртва во нејзиниот стан во Берлин.
Боатенг неодамна ја обвини Ленхард, која е родена во Полска, за саботирање на неговата претходна врска со девојката Ребека, како и за уценување да останат заедно. Централниот бек, кој ја освои светската титула со Германија во 2014 и Лигата на шампионите со Баерн во 2013 и 2020, покрај ова, е обвинет за напад во посебен случај од уште една поранешна девојка – Шерин Зенлер, но случајот е ставен на пауза поради ограничувањата во Германија поради пандемијата на Ковид-19.
Спорт
ЕУРО 2020 ќе се одржи само во Англија

Европската фудбалска унија (УЕФА) сериозно ја разгледува можноста, ЕУРО 2021, да биде организирано во една држава. Пандемијата на коронавирусот е сериозна закана за плановите на УЕФА, дека Европското првенство да биде организирано во 12 градови низ континентот.
Челниците на УЕФА биле блиску до одлуката, организацијата на ЕУРО 2020 да и биде доделена на Англија. Конечната одлука, УЕФА, треба да ја донесе во април.
ЕУРО 2020 ќе се одржи од 11.јуни до 11.јули.
Пласман на ЕП избори и репрезентацијата на Македонија. Македонските фудбалери, според првично објавениот распоред првите два натпревари треба да ги одиграат во Букурешт, против Австрија на 13.јуни и Украина, четири дена подоцна, а третиот натпревар во Амстердам, против Холандија, на 21.јуни.
Спорт
ПСЖ: Нејмар и Мбапе ќе добијат нови договори

ПСЖ биле на добар пат да ги продолжиат договорите со двете најголеми ѕвезди во тимот, Нејмар и Килијан Мбапе. Спортскиот директор на клубот, Леонардо, за француските медиуми, рекол дека преговорите се движеле во добра насока.
Договорите на Нејмар и Мбапе со ПСЖ истекуваат во јуни 2022 година. Неодамна се појави информацијата дека Нејмар ќе го продолжи договорот до 2026 година.
„Ако прашувате за Нејмар, тука сме на вистинскиот пат. Но договорот е завршен кога ќе се стават потписите, а тоа се уште не се случило“, рекол Леонардо.
Многу потешки ќе бидат преговорите со Мбапе.
„Разговараме. Подолг период разговараме. Ќе дојдеме и до ситуацијата кога мораме да заземеме позиција, кога ќе мораме да донесеме одлука. Мислам дека се ближиме до дој момент. Разговорите добро ги започнавме“.
Спортскиот директор на ПСЖ, рекол дека клубот ќе им понуди нови договори на уште двајца фудбалери, Анхел Ди Марија и Хуан Бернат.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер