Спорт
Вардар со пораз се пресели во Втора лига – „балистите“ влегоа на стадионот во Тетово
Заврши сезоната во Првата македонска фудбалска лига. Од порано беа познати шампионот, екипите кои ќе ја претставуваат земјава во европските купови, како и тимовите кои од следната сезона ќе се борат во послаба конкуренција.
Шампион сезонава е тимот на тетовска Шкендија, второпласиран по 33 кола е тимот на Шкупи, додека на третата позиција првенството го заврши екипата на Струга Трим Лум. Овие две екипи ќе играат квалификации за Лига Европа, а тетовци ги чекаат квалификации за ЛШ.
Дамка на последното коло е влегувањето на стадионот во Тетово на навивачите на Шкендија кои и покрај забраната за присуство на навивачи на трибините поради пандемијата на коронавирусот, тргнаа да ја прослават новата титула. Мечот беше прекинат на 15 минути пред крајот затоа што гостинските фудбалери се повлекоа во соблекувалните. Подоцна мечот продолжи, откако трибините беа испразнети, и заврши со резултат 1-1.
Ова се резултатите од денешното последно сезонско коло во ПМФЛ:
Шкендија – Шкупи 1-1,
Вардар – Македонија ЃП 0-2,
Ренова Работнички 1-1,
Академија Пандев – Борец 3-1,
Силекс – Струга ТЛ 0-1,
Пелистер – Беласица 2-0.
Четвртопласирана е екипата на Македонија ЃП, зад неа е тимот на Работнички.
На шестата позиција е Пелистер, зад битолчани е тимот на Академија Пандев. Осмопласиран е тимот на Борец Велес.
На последните 4 позиции на табелата најгоре е Силекс кој, како и Ренова, го чека бараж за опстанок во елитното друштво.
Второлигаши се тимот на Вардар и екипата на Беласица.
Фото: ФК Вардар
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барела ќе стане најплатен италијански играч во Серија А
Фудбалерот на Интер, Николо Барела наскоро ќе потпише нов договор и ќе стане најплатениот италијански играч во Серија А, објавија италијанските медиуми.
Како што пренесува „Газета дело спорт“, Барела ќе има годишна плата од седум милиони евра со одередни бонуси.
Неговиот актуелен договор истекува во јуни 2026 година, а директорот Пјеро Аусилио пред неколку дена изјави дека 27-годишниот играч од средниот ред најверојатно ќе потпише нов договор пред неговиот тимски колега Лаутаро Мартинез.
„Газета дело спорт“, наведе дека Барела ќе го потпише договор до јуни 2029 година.
Моментално има плата од пет милиони евра годишно, според новиот договор ќе добива 6,5 милиони, но лесно ќе ги исполни бонусите и ќе достигне сумата од седум милиони евра годишно.
Според информациите, најплатен италијански фудбалер во Серија А е Алесандро Бастони од Интер, кој моментално има 5,5 милиони евра по сезона, додека фудбалерот на Јувентус, Федерико Киеза има годишна плата од пет милиони евра.
Спорт
Тим потврди дека ја завршува кариерата
Австрискиот тенисер Доминик Тим потврди дека на крајот од сезоната ќе ја заврши кариерата.
Победникот на Ju-es open во 2020 година најверојатно кариерата ќе ја заврши во Виена, на турнирот што ќе се одржи од 21 до 27 октомври.
„Можам да потврдам дека оваа сезона ќе ми биде последна во кариерата. Од повеќе причини ја донесов оваа одлука. Мојот зглоб не е добар, не е во состојба каква што сакам да биде, втората причина е мото внатрешно чувство. Долго време размислував за ова, за целиот мое патување во тенисот кое беше неверојатно. Бев успешен и освојував трофеи.“
Тим е далеку од светскиот врв веќе три и пол години, а се започна веднаш по освојувањето на првиот и единствен Грен слем.
Почнаа проблемите со мотивацијата и психата, а заедно со тоа дојдоа и повредите, пред се на зглобот.
Никогаш не успеа да се врати на претходното ниво, а моментално се наоѓа на само 117. место на АТП листата.
OFFICIAL: Dominic Thiem announces his retirement at the end of the season.
Very emotional video.
"I'm gonna finish my career at the end of this season (…) My wrist is not at the way it should be and how I want it. I was thinking about this decision for a very long time" pic.twitter.com/qAyuNkOm9A
— José Morgado (@josemorgado) May 10, 2024
Спорт
Роналдо го поврзуваат со трансфер во европската сензација
Португалскиот фудбалер Кристијано Роналдо би можел да се врати во Европа, пренесуваат саудиските медиуми.
Роналдо пристигна во Саудиска Арабија, во Ал Наср на почетокот на 2023 година.
Според информациите, Баер Леверкузен на чело со Чаби Алонсо е заинтересиран за Кристијано.
Стратегот на „фармацевтот“ е добар пријател со Роналдо, кој со години му беше соиграч во Реал Мадрид.
Роналдо е главната ѕвезда во Арабија, па вистинското прашање е дали има желба повторно да се докаже на највисоко ниво на 39 години.
Оваа сезона има учинок од 42 гола на 41 натпревар.
Во текот на кариерата играше за Спортинг, Манчестер унајтед,Реал Мадрид и Јувентус.
Пет пати ја освојуваше „Златната топка“.