Спорт
Вардар спогодбено се раздели со тренерот Захариевски

Фото/ facebook.com/FKVardarSkopje
Срѓан Захариевски не е повеќе тренер на Вардар. Клубот и тренерот спогодбено се разделија по синоќешниот пораз од Пелистер во Битола (1:0).
Вардар е последен на табелата во Првата македонска фудбалска лига. По 13 рунди во шампионатот, Вардар има само осум бода и гол разлика 9:23. Црвено-црните од почетокот на сезоната имаат по две победи и нерешени и девет порази. Захариевски го водеше тимот на девет меча, има победа, две нерешени и шест порази
Захариевски е третиот тренер кој си замина од стартот на сезоната. Пред него на клупата на Вардар седеаа Горазд Михаилов и Горан Петрески.
Информација
АД ФК Вардар и шефот на стручниот Срѓан Захариевски утрово спогодбено ја раскинаа соработката.
АД ФК Вардар му благодари за несебичниот ангажман,максималниот вложен труд и голема желба за успех.
За личности како Срѓан Захариевски вратите на АД ФК Вардар се секогаш…— FCVardar (@VardarFC) November 4, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Салах пресече ќе остане во Ливерпул

Мохамед Салах ќе го продолжи договорот со Ливерпул, пишуваат медиумите.
Иако преговорите се заглавени подолго време, раководството на Ливерпул е активно во последните недели, веројатно поради зголемената финансиска стабилност на клубот.
Заминувањето на Трент Александер-Арнолд (во Реал Мадрид) остави малку повеќе пари во буџетот.
Според информациите на познатиот новинар Санти Уна, остануваат само мали детали пред и официјално да биде официјализирано продолжувањето на соработката на Салах со гигантот од „Енфилд“.
Салах би требало да потпише двегодишен договор, со што на „Енфилд“ би останал точно десет години.
Иако се уште не се познати сите детали околу финансиските аспекти, се шпекулира дека тоа што му било понудено е многу блиску до она што го побарал пред неколку месеци.
Спорт
Минесота Тимбервулфс продадени за 1,5 милијарди долари

Глен Тејлор, долгогодишниот сопственик на кошаркарските франшизи Минесота Тимбервулвс и Линкс, се согласи да ја продаде целата своја сопственост на Марк Лор и Алекс Родригез.
Глен Тејлор се согласи да продаде 100 отсто од сопственоста за 1,5 милијарди долари, за што двете страни првично се договорија во 2021 година, пишува Шамс Чаранија.
Тејлор ги купи Тимбервулфс во 1994 година за 94 милиони долари, со што го спаси тимот од евентуална преселба во Њу Орлеанс.
Тој размислуваше да го продаде клубот неколку пати во текот на изминатите две децении, но секој пат се одлучуваше против овој потег. Сепак, на крајот одлучи да ја продаде франшизата и постепено им ја пренесуваше сопственоста на Лоро и Родригез од 2021 година.
Лоре е успешен претприемач, а Родригез е поранешна суперѕвезда на МЛБ. Тие првично ги здружија силите за да купат удел во тимот со структуриран план за на крајот да добијат целосна контрола.
НБА го започна процесот на трансфер на сопственоста, вклучувајќи го и конечното гласање од страна на Одборот на сопственици.
Спорт
ЕХФ донесе одлука – Партизан и АЕК ќе играат во Бугарија

Европската ракометна федерација (ЕХФ) одлучи каде ќе се игра реванш натпреварот од четврт-финалето на Еврокупот меѓу Партизан и АЕК.
По 27:22 на првиот меч во Атина, реваншот во Белград не се одигра, бидејќи гостите не се чувствуваа безбедни, откако црно-белите навивачи им приредија пеколен пречек, со фрлање топовски удари на загревањето.
ЕХФ пред два дена потврди дека мечот ќе се игра на неутрсален терен, се шпекулираше дека домаќин може да биде Скопје, но од ЕХФ решија вториот натпревар меѓу овие ривали ќе се игра во Шумен, Бугарија, во понеделник, на 7 април, од 11:00 часот, а публика нема да има.
Инаку, Шумен е град во источна Бугарија, на 360 километри од Софија.
Победникот од двомечот од полуфиналето ќе игра против Извиѓач од Љубушки.