Спорт
Варди во 90-та минута донесе победа за Лестер па го уништи корнер-знаменцето

„Фенерџијата“ во Премиер лигата, Шефилд јунајтед го забележа шестиот пораз во низа во Премиер лигата, откако Џејми Варди во 90-тата минута успеа да го скрши отпорот на домаќините за 2:1 победа.
Ова беше десетти пораз во 11 кола за тимот на Крис Вајлдер, кој минатата сезона поголемиот дел го помина во горниот дел од табелата, останувајќи убедливо на дното како прв фаворит за испаѓање и тоа пред половина од сезоната.
Ајозе Перез ги донесе Лестер во водство во 24. минута, меѓутоа Оливер Мекбурни само две минути подоцна израмни. „Блејдс“ успеваа да го оддржат овој резултат до самиот финиш на мечот, кога по грешка во средината на теренот, топката стигна кај Варди, кој лесно го совлада противничкиот голман. По постигнувањето на голот, Варди со лизгачки старт му „влезе“ на корнер-знаменцето, целосно уништувајќи го пред малкуте домашни навивачи кои беа на трибините. Ова беше 9-ти гол на англискиот голгетер во новата сезона.
Лестер сега се трети на табелата со 21 поен, исто колку и второпласираниот Тотенхем и еден помалку од лидерот Челси, додека Шефилд имаат 1 поен, пет помалку од претпоследниот Вест Бром и 18-пласираниот Барнли.
RIP Corner flag ❤️?? pic.twitter.com/GSccGOr4nS
— ً (@scfctomm) December 6, 2020
O Vardy é a pessoa que eu gosto e a bandeirinha são meus sentimentos
— Zona de Clubismo (@zonadeclubismo) December 6, 2020
Jamie Vardy showed that corner flag what happens when you talk shit about him on twitter #ShuLei pic.twitter.com/xNbq2jLyg9
— Dhimitri (@_Lingardinho_) December 6, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челзи донесе уште еден Бразилец

Бразилскиот фудбалер Естевао Вилијан официјално стана нов член на Челзи, објави англискиот клуб.
Во јуни 2024 година, Челзи постигна договор со Палмеирас за Естевао да се пресели на „Стенфорд Бриџ“ откако ќе наполни 18 години.
„Многу сум среќен и задоволен што го претставувам Челзи, еден од најголемите клубови во светот. Се надевам дека ќе му помогнам на тимот на најдобар можен начин. Чекав речиси година и пол за да дојдам тука, работев напорно и се трудев најдобро што можам да бидам во најдобра можна форма“, рече Естевао.
Последниот натпревар на Естевао за Палмеирас беше против Челзи во четвртфиналето на Светското клупско првенство, кога постигна гол во поразот од 2:1.
Бразилскиот фудбалер дебитираше за сениорската репрезентација во септември минатата година, за која одигра пет натпревари.
На 17 август, Челзи ќе игра против Кристал Палас во првото коло од Премиер лигата.
Спорт
Астон Вила се засили со напаѓач на Ница

Астон Вила одлучи да доведе нов напаѓач, изборот на клубот е Еван Гесан.
Напаѓачот на Ница, кој има 24 години, е роден во Франција, по потекло од Брегот на Слоновата Коска.
Одиграл 109 натпревари за Ница, постигнал 21 гол и забележал 15 асистенции, но тоа не ги покажува сите негови вредности, бидејќи може да игра на сите позиции во нападот.
Вакво засилување му беше многу потребно на Унаи Емери, бидејќи Астон Вила не ги откупи договорите на Маркус Рашфорд и Марко Асенсио.
На Астон Вила очајно ѝ е потребна силна напаѓачка ротација, под услов Оли Воткинс даостане. Воткинс, според англиските медиуми е цел на Манчестер јунајтед и Њукасл. Неговата иднина зависи од одлуката на Бенјамин Шешко, за чии услуги исто така интерес покажуваат споменатите клубови.
Фото/ Принскрин
Спорт
(Видео) Карабаг ја победи Шкендија, ВАР пенал им пресуди на македонските шампиони

Foto/ EPA/GEORGI LICOVSKI
Фудбалерите на Шкендија, прв пат се порзени сезонава во квалификациите за пласман во Лигата на шампионите. Вечерва во Скопје, Шкендија загуби од Карабаг 0:1.
Клучниот момент се случи во 16.минута, кога по несмасниот старт на Вебстер врз Андраде, ВАР ја смени одлуката на главниот судија и гостите од Азербејџан добија пенал.
Најстрогата казна ја реализира Бајрамов.
Во првиот дел Карабаг имаше уште две добри шанси, а по голот на Карабаг два пати се закани капитенот на Шкендија, Ибраими.
Во второто полувреме во главните улоги беа голманите Геје и Кохалски, кои не дозволија публиката да види барем уште еден гол. Најдобрите шанси ги имаа Ибраими во 87.минута, од чиста позиција лошо биеше и Кохалски лесно го одбрани неговиот удар, а две минути подоцна Геје брилијантно го одбрани ударот на Зубир.
Реваншот на програмата е за седум дена во Баку. Победникот во плеј-офот ќе игра против Лудогорец или Ференцварош.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6uzljk”,”div”:”rumble_v6uzljk”});