Спорт
Вавринка е највозрасниот тенисер кој победил меч на УС Опен од 1992 година
![](https://makfax.com.mk/wp-content/uploads/2023/08/vavrinka-us-open.jpg)
Поранешниот победник на УС Опен, 38-годишниот Швајцарец Стен Вавринка, стана најстариот тенисер кој победил во меч на овој турнир од 1992 година, кога тоа го направи 40-годишниот Џими Конорс.
Вавринка, кој ја освои последната од своите три гренслем титули во Њујорк во 2016 година, го победи Јапонецот Јошихито Нишиока со 7:6(5), 6:2, 6:4 во првото коло и покрај проблемите со стапалото што го мачеа во последниот период.
„Мислам дека играм добро. Не се обидувам да се споредувам со минатото бидејќи никогаш не е добра идеја да се споредувам со она што го направив пред неколку години“, им рече Вавринка на новинарите.
„Јас сум среќен со мое ниво. Знам каде сум во моментов. Знам дека можам да победам некои навистина добри играчи. Можам да бидам конкурентен. Тоа беше одличен меч. Навистина високо ниво, висок интензитет. Среќен сум што победив во три сета. најважно е да продолжиме да одиме во вистинската насока“.
Вавринка се врати на АТП во март 2022 година, по повеќе од една година одмор по две операции на левото стапало, и сега е во топ 100 во светот, моментално рангиран на 49. место на АТП ранг-листата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Гризман „лут“ на француските медиуми
![](https://makfax.com.mk/wp-content/uploads/2024/07/grizman.jpg)
Гризман лут на медиумите поради протекување на информации.
Францускиот репрезентативец Антоан Гризман нервозен поради објава на видео од тренингот на француските медиуми.
Имено, во пресрет на полуфиналето со Шпанија, камерите ги снимија избраниците на Дидие Дешамп како вежбаат удари од белата точка.
„RMC Sport“ го објави видеото и ги откри имињата на сите играчи кои ги вежбале пеналите.
Ова особено го налути Гризман, кој реагираше на социјалните мрежи.
“Па, одлично! Ви благодариме за информацијата”, рече саркастично тој.
Останува да видиме, дали оваа информација ќе биде корисна за голманот на Шпанија.
🇫🇷 👀 Comment les Bleus travaillent les tirs au but. pic.twitter.com/p8RxETJQEr
— RMC Sport (@RMCsport) July 6, 2024
Спорт
Искуството на седумкратниот светски шампион
![](https://makfax.com.mk/wp-content/uploads/2024/07/hamilton.jpg)
На седумкратниот светски шампион во Формула 1, Луис Хамилтон, му било потребно „долго време да заздрави“ од влијанието на контроверзниот крај на сезоната 2021 година.
Хамилтон имал голем број предизвици со менталното здравје во текот на 30-месечната серија без победа пред неговиот триумф во Силверстоун.
Тој победи на Големата награда на Британија во Силверстоун, што е негова прва победа од претпоследната трка во 2021 година во Саудиска Арабија. Тој го опиша триумфот како најемотивниот во неговата Формула 1 кариера.
Откако ја мина целната линија, Хамилтон се расплака додека ја прекина својата серија од 56 трки без победа, најдолга во неговата кариера. Претходно, најдолгата серија без победа беше 10 трки.
Тој ја загуби титулата во битката со Макс Ферстапен на последната трка од сезоната 2021 година во Абу Даби, откако тогашниот директор на трката Мајкл Маси погрешно ги применил правилата за безбедносното возило, дозволувајќи му на возачот на Ред Бул да го помине Хамилтон во последната рунда и ја освои прва титула, и го спречи Британецот да освои рекордна осма.
Меѓународната автомобилска федерација (ФИА) по истрагата објави дека се работи за „човечка грешка“.
Во изјавата пренесена за „Скај“, Хамилтон изјави:
„Кога се вратив во 2022 година, мислев дека сум го надминал тоа. Знам дека беше тешко и ми требаше долго време да го излечам тоа чувство. И тоа е природно за секој што го има тоа искуство. Продолжив да се обидувам да работам на себе и од ден на ден сега наоѓам внатрешен мир“, изјави 39-годишниот Хамилтон.
Од 2022 година Мерцедес имаше многу проблеми со болидот и не беше конкурентен на Ред Бул. Така продолжи и оваа сезона, но возачот на Мерцедес Џорџ Расел победи на претходната трка во Австрија, а Хамилтон победи во Велика Британија.
Седумкратниот светски шампион е рекордер со 104 победи во Формула 1.
Спорт
Дали знаете кој е најбрзиот фудбалер на ЕП 2024?
![](https://makfax.com.mk/wp-content/uploads/2024/07/mbape-1.jpg)
Официјалниот профил на УЕФА ја објави листата на најбрзите играчи на овогодинешното Европско првенство во Германија.
Фудбалерите од сите селекции се подложени на комплетни статистички анализи, а малкумина се издвојуваат на врвот на секоја листа – по добро или лошо.
УЕФА ја анализираше брзината на сите играчи на ЕП 2024 и ги создаде првите 10.
Првото место, многумина ќе кажат очекувано, го држи Французинот Килијан Мбапе со брзина од 36,5 км/ч.
По него е Шпанецот Феран Торес, кој трча половина километар на час побавно од Мбапе.
Бенјамин Шешко изненадувачки се најде на самиот врв. Словенецот за време на еврото постигна брзина од 35,9 км/ч.