Лидерот во Серија А, Милан, го заврши трансферот на Суалио Меите, а до крајот на денот треба да го потпише и Фикајо Томори. Овие двајца фудбалери до крајот на сезоната ќе играат како позајмени играчи од Торино, односно Челси. Зимскиот преоден рок, Милан, ќе го заврши со потписот на Марио Манџукиќ.

Милан за Меите ќе му плати на Торино 1.000.000 евра, а по завршувањето на сезоната ќе може да го откупат неговиот договор за 7.000.000 евра.

Томори, со доаѓањето на Тијаго Силва, стана вишок во Челси. Интерес за него покажаа неколку екипи од Премиер лигата, но тој решил да ја прифати понудата од Милано. Милан договорил 18-месечна позајмица, а по истекот на истата за 26.000.000 евра ќе може да го откупи неговиот договор од Челси.

Манџукиќ, кој една година е без клуб, договорил плата од 1.800.000 евра по сезона. Тој ќе го потпише договорот откако ќе ги мине лекарските прегледи.

Репрезентативецот на Босна и Херцеговина, Јусуф Нуркиќ, ќе мора да го оперира зглобот на десната рака. Нуркиќ се повреди пред три дена на натпреварот помеѓу Портланд и Индијана.

Рехабилитацијата на Нуркиќ ќе трае осум недели.

Јусуф Нуркиќ, минатото лето се врати на кошаркарските терени, откако речиси една година паузираше поради фрактура на ногата.

Оваа сезона 26-годишниот центар има просек од 9,7 поени, 7,7 скока и 2,8 асистенции по натпревар. Порталнд имаат скор од седум победи и пет порази.

Милвоки Бакс забележаа победа над Далас Маверикс 112:109, во дербито на вечерта, во НБА лигата. Блескаа првите ѕвезди на двата тима, Јанис Адетокумбо и Лука Дончиќ, но мечот го реши Крис Мидлтон, кој во финишот погоди две тројки и реализираше две слободни фрлања.

Милвоки имаа предност од седум поени по првиот период, во вториот ја достигнаа највисоката разлика од 14 поени, а на полувреме негативата на Далас изнесуваше осум коша.

Далас се вратија во третиот период, се доближија на поен негатива, но Бакс со серија од осум коша, повторно се одлепија. На две минути до крајот Далас, благодарени на Дончиќ и Коли-Стајн, успеаја да стигнат до водство 103:105, но тогаш на сцена стапи Мидлтон кој постигна осум поени во низа.

На крајот Брук Лопез погоди едно од двете слободни, а Далас не успаја да постигнат тројка за продолжение.

Адетокумбо мечот го заврши со 31 поен и 9 скока, Мидлтон имаше 25 поени, 8 скока и 6 асистенции, а Лопез забележа по 11 поени и скокови.

Дончиќ го предводеше Далас со 28 поени, 9 скока и 13 асистенции.



Резултати:

Бостон-Орландо 120:97
Кливленд-Њујорк 106:103
Оклахома-Чикаго 127:125
Јута-Атланта 112:96
ЛА Лејкерс-Њу Орлеанс 112:95
Сакраменто-ЛА Клиперс 100:138