Спорт
Вејн Руни и Шеј Гивен „измислија“ нова техника за корнер со Дерби каунти
Вејн Руни, легендарниот напаѓач на Манчестер јунајтед и на англиската репрезентација, од неодамна е постојан менаџер на Дерби каунти, и очигледно има „осет“ за фудбал, откако неговите фудбалери во текот на викендот покажаа можеби најуникатна техника за постигнување на гол од корнер.
Во мечот од англиската втора лига против Мидлзборо (каде што Дерби се бори за опстанок), Каунти дојдоа во водство по 15 минути по корнерот, откако пет фудбалери на Дерби застанаа на работ на шестнасетникот со само тројца до поблиската статива, со што ја збунија одбраната на Боро.
Еден фудбалер истрча до подалечната статива, враќајќи ја топката кон голот, каде што Ли Грегори постигна гол. Руни вели дека заслужен за техниката е поранешниот голман и тренер во тимот, Шеј Гивен.
„Имавме малку време да работиме на тренинзите, и ова беше една техника. Убаво е кога вака ќе се сложат работите. Шеј Гивен ми го покажа ова прво и потоа се согласивме да го направиме. Идејата беше добра“, вели Руни.
Неодамна, сличен таков обид, но неуспешен имаа во германскиот второлигаш Карлсуе, така што останува да видиме кога слична техника ќе се случи на прволигашки елитен фудбал.
Loved this at the weekend from Derby. Inventive, difficult to set up against and works perfectly. pic.twitter.com/khDImT6QTg
— David Preece (@davidpreece12) February 15, 2021
? “All the best trying to work that one out, it’s very difficult to defend!
Derby County’s corner routine has a 100% success rate ?
Here’s Wayne Rooney?#dcfc #dcfcfans pic.twitter.com/XGUcoL8ZoX
— BBC Derby Sport (@BBCDerbySport) February 15, 2021
„Револуција“ или глупост? Карлсруе изведоа еден од најнеобичните корнери
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.