Спорт
Вејн Руни си поднесе оставка во банкротираниот Дерби каунти

Легендата на Манчестер јунајтед и на англиската репрезентација, Вејн Руни си поднесе оставка од позицијата менаџер на Дерби каунти по 18 месеци, велејќи дека на клубот кој е во тешка финансиска ситуација и кој испадна од втората англиска лига му е потребен некој со „свежа енергија“.
Руни ја заврши својата кариера токму во Дерби каунти, пред да стане менаџер во ноември 2020 година. Дерби на стартот на минатата сезона влегоа во стечај и испаднаа од лигата откако им беа минусирани 21 поени
„Во текот на летото ги следев настаните околу сопствеништвото на клубот, а денеска се сретнав со стечајните управници за да ги информирам за мојата одлука. Време е да заминам од клубот. Тие се обидоа да го сменат моето мислење, но не успеаја. Уживав во предизвикот, но мислам дека сега на клубот му е потребен некој со свежа енергија кој не бил под влијание на случките од последните 18 месеци. Ќе се сеќавам на моето време во Дерби со голема љубов и сакаам да се заблагодарам на навивачите за фантастичната поддршка. Се надевам ќе се сретнеме во некои посреќни времиња. На крај, свесен сум дека има заинтересирани луѓе за клубот, на кои ќе им порачам дека ова е клуб со голема историја и големи навивачи“, вели Руни.
Долгорочната иднина на клубот останува неизвесна, иако тие ќе можат да ја стартуваат сезоната во Лига 1, откако добија краткорочен заем од локалниот бизнисмен Дејвидд Клоувс, кој го купи стадионот на клубот, „Прајд парк“. Клоувс планира да го купи клубот, но за тоа ќе бидат потребни околу 50 милиони фунти.
Wayne Rooney has today informed Derby County Football Club that he wishes to be relieved of his duties as first team manager with immediate effect.#DCFC
— Derby County (@dcfcofficial) June 24, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ се договoри со Тотенхем, Коло Муани се сели во северен Лондон

ПСЖ повторно го испрати на позајмица Рандал Коло Муани (26). Репрезентативецот на Франција ја помина втората половина од минатата сезона во Јувентус.
Цело лето Коло Муани чекаше Јувентус да се договори со ПСЖ. Откако клубовите не постигнаа договор, а Јувентус за 40 милиони евра го донесе Лоис Опенда, Коло Муани прифати да се пресели во Тотенхем.
Фабрицио Романо објави дека Спарс ќе му плати на ПСЖ пет милиони евра и дека во фоговорот нема опација за откуп на договорот.
ПСЖ плати 95 милиони евра за Коло Муани кога го купија од Ајнтрахт на последниот ден од летниот преоден рок. Оттогаш, тој одигра 54 натпревари за ПСЖ и постигна 11 голови.
Фото/ EPA/RICCARDO ANTIMIANI
Спорт
Манчестер јунајтед најде голман во Антверпен

Манчестер јунајтед се договори со Антверпен во врска со трансферот на 23-годишниот голман Сене Ламенс.
Јунајтед ќе плати 21 милион евра отштета за белгискиот голман, кој сè уште не нема настап за сениорската репрезентација.
Инсајдерот Дејвид Орнштајн, објави дека Ламенс е во Англија, кога ќе ги помина задолжителните медицински преглед, ќе потпише петгодишен договор за Јунајтед пред крајот на преодниот рок, кој завршува во 19 часот.
Ламенс одигра 64 натпревари за Антверпен, прими 86 гола и 12 пати не прими гол.
„Трансфермаркт“ ја проценува неговата вредност на девет милиони евра.
Со овој трансфер извиси Емилијано Мартинез среќен. Аргентинскиот голман на Астон Вила сакаше да се пресели во Јунајтед, на крајот клубот се реши да го потпише Белгиецот.
Англичаните пишуваат дека Мартинез сега е во контакт со Галатасарај.
Спорт
Бретнфорд се согласи да го пушти Виса во Њукасл

Њукасл јунајтед веднаш ќе ги потроши парите од трансферот на Александер Исак. Швеѓанецот во рекорден трансфер, кога станува збор за Премиер лигата, се сели во Ливерпул. Сумата од 150 милиони евра, Њукасл ја вложи во Ник Волтемаде и Јоан Виса.
Напаѓачот на Штутгарт, Волтемаде пристигна во клубот пред неколку дена, а до крајот на денот, Виса ќе потпише договор со клубот од „Сент Џејмс Парк“.
Виса, во Њукасл доаѓа од Брентфорд во трансфер вреден 55 милиони фунти (околу 63,5 милиони евра). Клубовите се договориле, половина од сумата Њукасл да уплати веднаш, а половина наредната година. Во договорот постои клаузула која му гарантира на Брентфорд 25 отсто од наредната продажба на фудбалерот.
Виса, кој постигна 49 гола на 149 натпревари за Брентфорд, беше продаден откако во објава на Инстаграм го обвини клубот за прекршување на договорот и побара од сопствениците и директорите на клубот да го исполнат своето ветување и да му дозволат трансфер за да мопже да напредува во кариерата.
Напаѓачот од Конго јавно се пожали дека „клубот неоправдано му стои на патот и покрај низата фер понуди во текот на летото“, кои, како што тврдеше тој, биле договорени и ставени на хартија.
Виса во 2021 година дојде во Брентфорд од Лориен. Минатата сезона беше еден од најдобрите напаѓачи во Премиер лигата, постигна 19 голови.
Фото/ Принтскрин