Спорт
Вејн Руни стави крај на играчката кариера, продолжува како менаџер на Дерби
![](https://makfax.com.mk/wp-content/uploads/2021/01/Erx8y3QW8AMMFb3-scaled.jpg)
Легендата на Манчестер јунајтед, Вејн Руни, беше именуван за постојан менаџер на Дерби по што 35-годишниот Англичанец стави крај на својата играчка кариера.
Поранешниот капитен на Англија беше привремен тренер на второлигашот од ноември по отказот што го доби Холанѓанецот Филип Коку. Руни имаше 3 победи и 4 реми во девет натпревари и сега доби договор до 2023 година со прва цел да избегне испаѓање во третата лига. Негови помошници ќе бидат Лајам Росениор, Шеј Гивен и Џастин Вокер, а поранешниот помошник на сер Алекс Фергусон, Стив Мекларен, останува технички директор на клубот.
Руни беше играч и тренер на Дерби по враќањето во Англија по настапите во МЛС-лигата за Ди Си јунјатед.
„Кога се вратив во Британија, бев воодушевен од потенцијалот на Дерби каунти. Стадионот, тренинг-центарот, квалитетот на тренерскиот тим и одличните млади фудбалери, но секако и фантастичните навивачи, кои останаа лојални на клубот. Имав и други понуди, но знаев дека Дерби е клуб за мене“, вели Руни.
Руни, кој останува најдобар стрелец во историјата на Манчестер јунајтед и на англиската репрезентација, го следи примерот на својот поранешен соиграч од репрезентацијата, Френк Лампард, кој го однесе Дерби до плејофот за влез во Премиер лигата во 2019 по што седна на клупата на Челси.
Captain. Leader. The greatest.@WayneRooney: The Manager ?
— Derby County (@dcfcofficial) January 15, 2021
A captain.
A goalscorer.
A legend.And now, ? ???????.
Happy retirement, @WayneRooney — thank you for the memories ❤️ pic.twitter.com/ZGxe1xr3tR
— Manchester United (@ManUtd) January 15, 2021
Congratulations on a magnificent playing career, @WayneRooney ?
All the best in management ? pic.twitter.com/SP1ORnzJxV
— Premier League (@premierleague) January 15, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Французите ја тужат Аргентина поради расистичка песна – Скандалот предизвика хаос во соблекувалната на Челзи
![](https://makfax.com.mk/wp-content/uploads/2024/07/12370780.jpg)
Аргентина ја одбрани титулата на Копа Америка со победата над Колумбија 1:0. Голот го постигна Лаутаро Мартинез во 112.минута.
„Гаучосите“ ја освоија третата голема титула во последните три години, а по натпреварот повторно предизвикаа скандал со начинот на кој ја прославија победата.
Аргентинските фудбалери повторно ја отпеаја „проблематичната“ песна во која се навредуваат француските репрезентативци со африканско потекло. Истата песна ја пееја и во декември 2022 година кога против Франција ја освоија титулата на Светското првенство во Катар.
Текстот на „песната“ зборува за потеклото на повеќето француски репрезентативци.
„Играат за Франција, но се од Ангола. Неговата мајка е Нигеријка, татко му е од Камерун, но пасошот му е француски“, вакак некако одат зборовите на оваа навредлива песна.
🇦🇷🎥| A video of Argentina players singing a racist song about Mbappé and France.
🎶 “They play for France but they are from Angola
His mother is Nigerian,
His father Cameroonian,
But on the passport: French.” 🎶(@SelecaoTalk)pic.twitter.com/1Jzm3Gj6vw
— Football Latest (@footballatest_) July 16, 2024
Снимките на кои Аргентинците ја пеат брзо се проширија на интернет и Француската фудбалска федерација реши да реагира.
„Претседателот на Француската фудбалска федерација, Филип Диало ги осудува неприфатливите и дискриминаторски коментари кон играчите на францускиот тим како дел од песната што ја пееја играчите и поддржувачите на аргентинскиот тим по триумфот на Копа Америка. Соочена со сериозноста на искажаните зборови, спротивно на вредностите на спортот и човековите права, Француската фудбалска федерација одлучи директно да се обрати до Аргентинската фудбалска федерација и да поднесе тужба преку ФИФА за несоодветни коментари за расна дискриминација“, се наведува во соопштението.
Фудбалската федерација на Франција бара жестока казна и јавно извинување до Франција, репрезентацијата и нејзините фудбалери. Целиот овој скандал предизвика проблеми и во клубовите каде соиграчи се дел од француските и аргентинските фудбалери.
Најжестоко реагираа Французите од Челси, кои му се налутија на Енцо Фернандез, кој објави видео како ја пее навредливата песна.
„Лекип“ наведува дека цела соблекувална е лута со Фернандез, а својот гнев го искажаа и дел од француските играчи. Пред се Весли Фофана, кој напиша дека станува збор за чист расизам.
Le football en 2024 : racisme décomplexé 🤦🏽♂️🤦🏽♂️🤦🏽♂️ pic.twitter.com/MGkH5wPmNU
— Wesley Fofana (@Wesley_Fofana3) July 16, 2024
Покрај Фофана за Челси играат и Беноа Бадијашил, Мало Густо, Маланг Сар, Кристофер Енкунку, Аксел Дисаси и Лесли Угочукву. Повеќето од нив се повремени или потенцијални француски репрезентативци.
На „Стемфорд Бриџ“ затоа планираат да спроведат сопствена истрага за однесувањето на Аргентинецот, за кого платија 106,8 милиони фунти и кој има договор до летото 2031 година.
Кога виде колкава е „штетата“, Енцо Фернандез веднаш ја избриша снимката од својот профил на Инстаграм и уптати извинување.
„Искрено се извинувам за видеото на мојот Инстаграм, кое е направено за време на прославата. Песната содржи многу навредлив јазик и нема оправдување за моите зборови. Секогаш сум против дискриминација, се извинувам затоа што ме зафати еуфоријата во прославата. Тоа видео, тие зборови, тој момент не се одраз на моите верувања или карактер“, напиша Фернандез
Сето ова во Челси се случува кога во клубот пристигна новиот тренер Енцо Мареска и тимот практично е на нов почеток.
Спорт
Тадиќ поради лошиот однос со Пикси повеќе нема да игра за Србија
![](https://makfax.com.mk/wp-content/uploads/2024/07/20231013mmPres02.jpg)
Капитенот на Србија, Душан Тадиќ (35) ќе се повлече од репрезентацијата, пишува „Телеграф“. Одлуката се уште не е официјално објавена, но искусниот офанзивец наводно веќе ја донел одлуката и повеќе не сака да игра за репрезентацијата, а како веројатна причина се наведува лошиот однос со селекторот Драган Стојковиќ.
По поразот на Србија од Англија, Тадиќ го прозва Пикси бидејќи не бил во стартниот тим и изјавил дека мисли дека е најдобриот играч во репрезентацијата. Тој се пожали и затоа што не доби поголема минутажа на решавачкиот меч против Данска, во кој Србија не успеа да ја извлече потребната победа, нагласувајќи дека Лука Модриќ и понатаму е незаменлив во Хрватска иако е три години постар од него.
На одлуката на Тадиќ веројатно влијаеле коментарите на Стојковиќ по финалето на Европското првенство.
„Уште еден детал од синоќешниот натпревар ми остави силен впечаток, кога Кејн и Мората го напуштија теренот. Двајца капитени, двајца лидери на нивните репрезентации. Ниту еден гест, ниту најмала реакција што ќе го скрши тимскиот дух. Од клупата им даваат поддршка на соиграчите. Тие работи треба да ги научиме. Егата треба да ги тргнема на страна, сите се во служба на тимот, победата е заедничка цел“, рече Стојковиќ ден по финалето во Берлин, очигледно алудирајќи на Тадиќ..
Душан Тадиќ моментално е член на Фенербахче, а за српската репрезентација настапува од 2008 година. За 16 години забележа 111 настапи и постигна 23 гола.
Спорт
Клинсман бара да се укине правилото за пет измени
![](https://makfax.com.mk/wp-content/uploads/2024/07/jurgen-klinsmann-sudkorea-2024-1706898618-128395.jpg)
Јирген Клинсман, легендата на германскиот фудбал и поранешен селектор на Германија, САД и Јужна Кореа, бара да се укине правилото за пет замени.
Германскиот стручњак, кој до неодамна беше на кормилото на јужнокорејската репрезентација, смета дека правилото усвоено за време на пандемијата на коронавирус треба да се укине.
Тогаш на тимовите им беа дозволеми пет измени. Правилото продолжи да се применува и откако беше ставен крај на пандемијата.
„Герет Саутгејт рече дека планира да го замени Белингем непосредно пред Микел Ојарзабал да го постигне победничкиот гол во финалето на ЕП. Сега проблем за менаџерите е што со пет замени секогаш мислат дека можат да внесете „свежи нозе“ на теренот. Но мислам дека дури и ако некој играч е уморен, нозете се уште можат да направат разлика на теренот“, вели Клинсман.
Германскиот стручњак порача и дека треба да се врати старото правило.
„Го мразам тоа, затоа што сакам Белингем да се бори со заморот. Ако имаш правилен став, можеш да го направиш тоа. Имаш уморни нозе, но сепак можеш да направиш разлика. Прашај играч по 70 минути, дали е уморен?’ Сигурен сум дека е така, но тоа е само изговор поради правилото на Ковид, пандемијата заврши“, заклучи Клинсман.