Спорт
Великанот Роџер Федерер објави крај на кариерата
Освојувачот на 20 гренслем титули, Роџер Федерер, објави крај на професионалната кариера. 41-годишниот волшебник со рекет в рака изјави дека Левер купот следната недела ќе му биде последна тениска активност во играќката кариера.
Покрај 20. „големи“ трофеи, големиот Швајцарец има вкупно 103 пехари во професионалниот тенис, од кои 27 се од највисоката категорија на АТП – „Мастерс“.

„До целото мое тениско семејство и пошироко,
Од сите подароци што ми ги даде тенисот низ годините, најголеми, без сомнение, беа луѓето што ги запознав на патот: пријателите, ривалите и најмногу од сè, навивачите.
Сакам да споделам некои новости со сите вас.
Како што многумина од вас знаат, изминатите три години се соочив со многу предизвици во форма на повреди и операции. Работев напорно за да се вратам во добра форма, но ги знам и ограничувањата на моето тело.
Пораката на моето тело е многу јасна. Имам 41 година. Имам одиграно повеќе од 1500 мечеви за 24 години. Тенисот беше подарежлив кон мене отколку што некогаш сонував, па сега морам да сфатам дека е време да ја завршам мојата професионална кариера.
Левер купот во Лондон следниот викенд ќе биде мојот последен АТП турнир. Нормално, ќе продолжам да играм тенис во иднина, но тоа нема да биде на ниво на гренслем или на машките турнири“, објави Федерер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шок во Херниг, браќата Кошта ја решија Данска
Португалија ја победи Данска со 31:29 (12:11) и го освои прворо место во Б групата. Во следната фаза Португалија носи два бода, Данска во новата група, во која се Франција, Норвешка, Германија и Шпанија ќе влезе без бодови.
Португалците, во Хернинг, одиграа нестварен натпревар, не подлегнаа на притисокот, ниту во моментите кога Днаците во второто полувреме неколку пати имаа предност од два гола.
Данците едноставно немаа решение за браќата Кико и Мартин Кошта, двајцата постигнаа по девет гола. Херој од сенка е десното крило Ареја, кој постигна два гола во самиот финиш, двата од тешки позиции и голманот Капдевил кој одбрани зицер, на две минути пред крајот.
Данците не може повеќе бидејќи имаа само еден расположен играч, Матијас Гидсел (осум гола), најблиску до него беше Расмус Лауге со четири.
Foto/ EPA
Спорт
Драма во Монако со среќен крај за Црвена звезда
Кошаркарите на Црвена звезда, по едно продолжение славеа победа во Монако со 100:96. Црвена звезда ја прекина серијата од шест победи во која беше тимот на Монако, сега има скор 13-10, додека екипата од малото кнежевство е на 15-8.
Фантастичен натпревар одиграа двата тима, пол но пресврти и едно продолжение. Црвена звезда, во еден период од втората четвртина имаше предност од 18 поени, Монако до крајот на првиот дел се врати во мечот, ја спушти негативата на шест поени.
Вториот дел им припадна на домашните играчи, Монако ја анулира предноста на притивникот и го презеде водството. Во последната четвртина, Монако имаше водство од 10 поени, а на неполни две минути до крајот резултатото беше 90:83.
Црвено-белите волшебно се вратија, а со поените на Батлер изедначија. На 12 секунди до крајот напад имаше Монако, но Џејмс не годи тројка.
Во продолжението Црвена звезда делуваше подобро, бргу се одпели на шест поени разлика, на што Монако немаше одговор.
До победата Црвена звезда ја предводеше Ебука Изунду,со 22 поени и 12 скока, го следеше Џордан Нвора со 18 поени и шест скока, додека Семи Оџелеи имаше 16 поени и четири скока.
Покрај нив, се истакна и Коди Милер-МекИнтајр, кој постигна осум поени и шест скока и додаде 11 поени.
Најефикасен кај Монако беше Алфа Диало со 19 поени, Мајке Џејмс уфрли 14, а поен помалку забележаа Џером Блосонгејм и Ели Окобо.
Foto/ EPA
Спорт
(Видео) Боде/Глимт го нокаутира Манчестер Сити
Боде/Глимт го победи Манчестер Сити со 3:1 (2:0) во претпоследноот коло, во Лигата на шампионите. Екипата од северот на Норвешка на импресивен начин ја забележа првата победа во клупсата историја во елитното натпреварување. Со овој триумф Боде/Глимт ги задржа шансите за пласман во плејофот, а во исто време „граѓаните“ ги компромитираа своите шанси за пласман во Топ 8.
Дека Сити ќе доживее класичен нокаут во Норвешка беше јасно кога Хег постигна два гола во интервал од 120 секунди. Напаѓачот на Боде/Глимт погоди во 22-та и 24-та минута.
Дебаклот на Сити го комплетира најдобриот домашен играч Хауге во 58-та минута. Неполи 100 секунди подоцна Шерки го намали резултатот, но поразот на „граѓаните“ го потпиша Родри.
Искусниот Шпанец во 60 секунди доби два жолти каротни. Со играч помалку Сити до крајот не успеа да направи апсолутно ништо и Боде/Глимт дојде до сензационална победа.
Foto/ EPA

