Поранешниот бразилски репрезентативец Ардијано (40) се разведе по 24 дена брак со фризерката Михаела Мескито, објави „Екстра Глобо“. Тие неколку дена објавуваа заеднички фотографии на Инстаграм, а во текот на еден викенд во октомври планираа забава за пријателите и семејството.

Сепак, според бразилските медиуми, Адријано и Мескита сериозно се скарале откако поранешниот член на „кариоките“ отишол да ги посети пријателите во Пења, место во јужниот дел на Бразил, за да го гледа натпреварот помеѓу Бразил и Швајцарија на Светското првенство во Катар.

По ова тој два дена не се вратил дома и не бил достапен за својата нова сопруга. Откако се вратил, настанала голема расправија и престанале да се следат на социјалните мрежи.
Адријано пристигна во Интер во 2001 година, а во наредните пет години се избори за статус на еден од најдобрите напаѓачи во Серија А. Го нарекуваа „Император“.

Сепак, брзо следеше пад на формата, предизвикан од повредите и смртта на неговиот татко. Тој призна дека станал зависен од алкохол, во кој нашол утеха откако татко му починал. Официјално ја заврши кариерата во 2016 година.

Светскиот првак Франција засега успешно ја брани титулата освоена на минатиот Мундијал. „Триколорите“ се пласираа во четвртфиналето каде ќе се сретнат со Англија откако релативно лесно ја минаа осминафиналната рунда со триумфот над Полска од 3:1. Херој на Франција беше Килијан Мбапе, кој постигна два гола и забележа асистенција до Оливие Жиру.

„Среќни сме што стигнавме до четврт-финалето, ова воопшто не беше лесен натпревар. Ние успеавме да дадеме голови во клучни моменти и затоа делуваше така лесно“, изјави Мбапе.

Тој потенцира дека е фокусиран единствено на трофејот и не го интересира титулата за најдобар стрелец на Мундијалот. Мбапе досега постигна пет гола на СП во Катар.

„Светското првенство е натпреварување од моите соништа, ја темпирав целата сезона за овој настан. Но, се уште сме далеку од целта што си ја поставивме. Ќе направиме се што е можно да ја одбраниме титулата. Не размислувам дали ќе бидам најдобар стрелец. Мојата единствена цел е да го освојам Светското првенство. Тоа е мојот единствен сон – дојдов овде да го освојам Мундијалот, а не титулата за најдобар стрелец“, истакна Килијан Мбапе.

Еден од најпознатите тениски тренери во историјата, Ник Болитиери, почина на 91-годишна возраст. Веста ја потврдија повеќе извори, а еден од првите што ја објави е неговиот поранешен ученик Томи Хас.

Болитиери неодамна имаше проблеми со инфекција на бубрезите, а тоа беше наведено како причина за смртта.

Болитиери создаде тениска академија на Флорида, а тој е најзаслужен за развојот на многу тениски великани како Андре Агаси, Моника Селеш, Џим Куриер, Серена и Венус Вилијамс, Марија Шарапова, Мартина Хингис.