Спорт
Венгер најавува ново правило, кое од корен ќе го смени фудбалот

Фудбалот наскоро би можел да доживее вистинска револуција, а зад потенцијалната промена стои Арсен Венгер, легендарен тренер и сегашен раководител на одделот за глобален развој на фудбалот во ФИФА.
Неговата идеја би можела радикално да ги промени правилата на играта, а особено ќе ги израдува навивачите бидејќи, според најавите, би донела пофлуиден фудбал и би им ја олеснила работата на судиите.
Венгер се осврна на историјата на правилото за офсајд и објасни зошто дојде време за промена.
„Кога одлучивме, пред воведувањето на ВАР, дека повеќе нема офсајд ако сте во иста линија со дефанзивецот, тоа беше во 1990 година. По Светското првенство во Италија, немаше голови што беа признати ако сте биле во офсајд, дури и кога сте биле во иста линија со дефанзивецот. Во таа година, во 1990 година, беше одлучено дека играчот повеќе не е во офсајд ако е во иста линија со дефанзивецот“, објасни Венгер.
Повод за ваквото размислување е поништениот гол на Хенрик Мхитарија, во првиот полуфинален меч меѓу Барселона и Интер. Палецот на ногата беше во офсајд и поради тоа ВАР го поништи голот на Ерменецот.
„Кога се сомневате, предноста оди кај напаѓачот. Тоа значи дека кога има некаква минимална разлика, како што видовме сега, напаѓачот би имал предност порано. Со ВАР, таа предност исчезнува. И многу луѓе, мислам дека во Англија, изброија 37 поништени гола поради минимален офсајд. И тоа е фрустрирачко. Затоа предложив решение. Сè додека кој било дел од вашето тело е во линија со дефанзивецот, не сте во офсајд“, додаде легендарниот стручен коментатор.
Венгер појасни дека ќе го изнесе ово предлог пре надлежното тело (ИФАБ), а дека околу неговата примена ќе се разговара за една година.
🗣️ "That's why I proposed that as long as any part of your body is on the same line as the defender you're not offside. In one year the decision will be made by the IFAB."
Arsene Wenger provides an update on developments to the offside rule!#beINUCL #UCL pic.twitter.com/iTuHxCgqYW
— beIN SPORTS (@beINSPORTS_EN) May 6, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шкендија го дозна распоредот во Конференциската лига

УЕФА го потврди распоредот и термините за натпреварите во главната фаза во Конференциската лига. Сезонава, во имто на Шкендија, за прв пат во историјата Македонија ќе има репрезент во ова натпреварување.
Шкендија ќе одигра шест натпревари во Конференциската лига. Првиот во Мадрид против Рајо Ваљекано на 2 октомври (18.54 часот).
Потоа Шкендија ќе одигра два натпревари на домашен терен, против Шелбурн на 23 октомври и Јагиелонија на 6 ноември. Следува гостувањето на косово кај Дрита на 27 ноември, па домашниот натпревар со Слован Братислава на 11 декември.
Главната фаза Шкендија ќе ја заврши на Кипар, против АЕК во Ларнака на 18 декември.
Фото/ https://www.facebook.com/fcshkendija
Спорт
39 поени на Дончиќ недоволни, Словенија загуби од Франција

По Полска, репрезентативците на Словенија беа поразени и од Франција во второто коло од Европското првенство. Франција во еден возбудлив и неизвесен натпревар победи 103:95.
Натпреварот го одбележаа Лука Дончиќ од едната страна и Силван Франциско од другата страна, кој на крајот речиси предизвика голем инцидент. Во моментот кога ја прифати раката на Дончиќ како знак на честитка за победата, се упати кон кошот и поентираше за конечни 103:95.
Неспортски и некоректно. Сите играчи истрчаа на теренот, но за среќа беше избегната општа тепачка.
Sylvain Francisco qui score pour le point-différentiel en toute fin de match 😭😭😭😭pic.twitter.com/Dam6vVqMfN
— TrashTalk (@TrashTalk_fr) August 30, 2025
Најефикасни играчи кај Словенија беа Лука Дончиќ со 39 поени (4-10, 4-10, 19-20), со осум скока и осум асистенции, Едо Муриќ со 16, Клемен Препелиќ со 12, Мартин Крампељ со осум.
Кај Франција блескаше Франциско со 32 поени (7-7, 2-8, 12-12), Ели Окобо и Билал Кулибали постигнаа по 13 поени, и Закари Ризашер и Александар Сар уфрлија по 12 поени.
Фото/ Принтскрин
Спорт
МВП издание на Јокиќ – Србија ја победи Летонија

Србија ја победи Летонија, во дербито во А групата со 84:80. Србите го забележаа третиот триумф, Летонија има победа и два порази. Блескаше Никола Јокиќ со 39 поени.
Рекордерот на српскиот тим, Никола Јокиќ не дозволи инзненадување во Рига. Со исклучок на првите четири минути, Србија констатнтно имаше предност, најчесто од осум поени.
Србија имаше 82:75 на нецели 120 секунди до крајот, Летонците се вратија со две тројки на само минус од два поени. Во последната минута Јокиќ поентираше, Леонците промашија два напади.
Јокиќ мечот го заврши со 39 поени, 10 скока, четири асистенции и три украдени топки. За многумина најдобриот играч во светото стана рекордер на спрскиот национален тим, претходно со по 32 поени рекордери беа токму Јокиќ на ЕП во 2022 и Милош Теодосиќ на ЕП во 2009 година.
Двоцифрени кај Србија беа уште Филип Петрушев со 12 поени и Марко Гудуриќ со 11 поени и по пет скока и асистенции.
Латвија ја предводеше Давис Бертанс со 16 поени и 10 скока, додека Кристапс Порзингис додаде 14 поени и шест скока. Ломагс заврши со 13 поени, додека Куруц и Шмитс додадоа по 10 поени.
Foto/ EPA/TOMS KALNINS