Спорт
Венгер: Озил? Еден од најдобрите, вистински уметник

Поранешниот менаџер на Арсенал Арсен Венгер во интервју за „Велт ам Зонтаг“ говорел за својот поранешен фудбалер Месут Озил. Венгер рекол дека му е жал што Озил повеќе не е на нивото на кое заслужува да биде.
Озил во ерата на Венгер беше еден од главните играчи во тимот, поради тоа менаџерот предложи, а челниците на клубот прифатија да му понудата на Озил неделна плата од 350.000 фунти.
Со заминувањето на Венгер започна и падот на Озил, кај Унаи Емери не играше многу но беше во тимот, додека кај Микел Артета седи на трибините.
„Тој е еден од најголемите. Луѓето одат на стадионите за да гледаат играчи каков што е тој. Не ги знам причините за неговиот пад. Исчезна од радарите кога јас заминав од клубот. Тој е неверојатно талентиран играч, како голем музичар, уметник…Но за уметниците повеќе нема место во модерниот фудбал. Зошто не е таму каде што му е местото, тоа е мистерија за мене. Не сум имал можност да разговарам со него откако заминав од клубот“, рекол Венгер.
Венгер смета дека можна причина за она што му се случува на Озиле е неговото заминување од германската репрезентација, откако јавноста не реагираше добро на неговите фотографии со турскиот претседател Реџеп Таип Ердоган.
„Никогаш не ми се допадна начинот на кој што тој замина од репрезентацијата. Како играч сакаш да настапуваш на големата сцена, на Светско првенство. Таа желба е движечката сила. Сум видел многу играчи чии кариери тргнале по надолна линија кога таа врата им била затворена“, рекол Венгер и дополнил.
„Мислам дека направи грешка. Тој е добра особа и исклучителен фудбалер. Во животот сум видел многу играчи. Тој е еден од најдобрите! Поради тоа ми е жал што ова му се случува“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
CIES: Кои тимови ќе бидат шампиони во Англија, Италија, Шпанија…?

Ако треба да се верува на статистиката, Ливерпул ќе ја брани титулата во Премиер лигата, Баерн повторно нема да има конкуренција во Бундеслигата, додека Серија А и Ла Лига ќе добијат нови шампиони.
Ова се проценки на фудбалски експерти од Меѓународниот центар за спортски студии (CIES). Истражувачка група од швајцарскиот град Нојшател ги објави резултатите од статистички модел кој ја предвидува веројатноста за освојување на шампионската титула за клубовите во 29 различни лиги низ целиот свет.
Интересно е што вечи статистиката за петте најсилни национални првенства во Европа.
Ливерпул ќе ја одбрани титулата во Премиер лигата, Баерн Минхен повторно нема да има конкуренција во Бундеслигата, исто како Пари Сен Жермен во Франција, додека Серија А и Ла Лига ќе добијат нови шампиони – Интер и Реал Мадрид.
Погледнете ги комплетните листи и коефициенти на сите тимови во најсилните пет национални шампионати во Европа:
Спорт
Ериксен „преку врска“ најде нов клуб

Данецот Кристијан Ериксен (33) се сели во Бундеслигата каде што ќе ги брани боите на Волфсбург.
Доколку ги помине лекарските прегледи, ќе ја зголеми мини-колонијата на своите сонародници. Јоаким Меле, Јеспер Линдстром, Андреас Сков Олсен, Адам Дагим и Јонас Винд веќе се под договор со клубот од Долна Саксонија.
И спортскиот директор на клубот е Данец – Петер Кристијансен, кој е најзаслужен за доаѓањето на Ериксен.
Данските медиуми објавуваат дека Ериксен е на пат кон Германија, каде што треба да ги заврши сите формалности и да потпише за нов клуб во текот на денот.
Ериксен ја заврши соработката со Манчестер јунајтед ова лето. Со Волфсбург ќе потпише едногодишен.
Спорт
Манданда замина во пензија

Сега веќе легендарниот голман на Марсеј, Стив Манданда одлучи да ја заврши кариерата.
Договорот на Манданда со Рен истече во јуни, а бидејќи францускиот голман веќе има 40 години, тој одлучи да се пензионира. Поранешниот француски репрезентативец се обиде да најде нов клуб и да ја продолжи кариерата за барем уште една година, но тоа не успеа.
Манданда стана легенда на Марсеј. Тој дојде многу рано во клубот од југот на Франција од Авр. Помина осум години таму, пред да се пресели во Кристал Палас, каде што не остана долго. Манданда повторно се врати во Марсеј и остана во Олимпик уште четири години таму.
Тој освои една титула со Марсеј и три Лига купови, како и два Суперкупа. Бранеше за Марсеј во 612 наврати, а кариерата ја заврши во Рен, каде што беше меѓу стативите 102 пати.