Спорт
Вернер: Никогаш не сум играл против толку силни централни бекови

Челси со победа стартуваа во новата сезона. „Сините“ на Френк Лампард победија во Брајтон со 3:1. На овој меч за Челси дебитираа Германците Тимо Вернер и Каи Хаверц.
Вернер имаше одлично деби во новиот клуб. Во 23. минута избори пенал по што Жоргињо им донесе предност на Челси.
По мечот, признал дека искуството е позитивно и дека најмногу бил изненаден од тројцата дефанзивци на Брајтон, Вајт-Данк-Вебстер.
„Премиерлигата е поинаква од другите национални првенства најмногу поради одбранбените фудбалери. Никогаш претходно не сум играл против тројца толку високи и силни централни бекови“, рекол Вернер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челзи: Палмер се соочува со пауза

Тренерот на Челзи, Енцо Мареска, ја откри состојбата на повредениот Кол Палмер, во најавата за натпреварот од шестото коло од Премиер лигата на Стемфорд Бриџ против Брајтон.
Мареска откри дека Палмер ќе биде надвор од теренот две до три недели.
„Решивме малку да го заштитиме Кол, за да не се влоши ситуацијата. Решивме да го одмориме две до три недели, до репрезентативната пауза. Ќе видиме тогаш дали ќе биде 100 отсто подготвен“, рече Мареска.
Оваа сезона, Палмер одигра само 90 минути на премиерата во Премиер лигата против Кристал Палас. Тој ги пропушти следните два натпревари поради повреда на препоните, а во претходните два натпревари одигра вкупно 55 минути.
Спорт
Мика Муринен потпиша за Партизан

Мика Муринен е нов кошаркар на Партизан, објави претседателот на клубт Остоја Мијаиловиќ.
„Дозволете ми да ви се заблагодарам што дојдовте во овој број и тоа е добар знак. Големата вест се случи пред оваа сезона, а тоа е дека Мика Муринен потпиша договор на три сезони.“
Информацијата дека Партизан е заинтересиран за младиот Финец беше објавена во четврток вечерта, а 24 часа поодцна ја потврди претседателот на Партизан, Остоја Мијаиловиќ.
Талентираниот фински кошаркар потпиша договор на три години. Тој доаѓа од средно училиште во Аризона, и покрај тоа што му се прогнозираше дека ќе заигра за некои од најголемите универзитети во Америка.
Зад 18-годишникот е одличен Евробаскет, каде што стигна до четвртото место со Финска, а имаше значајна улога од клупата и го претставуваше „Х-факторот“ на оваа репрезентација. Патем, тој ја доби и наградата за најдобар млад кошаркар во ова натпреварување.
Спорт
Маса бара правда – Го тужи Еклстон за 82 милиони долари

Фелипе Маса започнува правна битка за скандалот од 2008 година, барајќи дури 82 милиони долари отштета за познатиот Афера „Крашгејт“ што ја потресе Формула 1 во 2008 година.
Поранешниот возач на Формула 1 со 11 победи во кариерата ќе се појави пред Високиот суд во Лондон на 28 октомври.
Маса одлучи да поднесе тужба по коментарите на Берни Еклстоун за германскиот Ф1 Инсајдер во врска со инцидентот во Сингапур.
Да ве потсетиме дека тимот на Рено, во текот на трката, му нареди на Нелсон Пике помладиот намерно да се удри во ѕидот. Неговиот судир предизвика да излезе безбедносното возило, што му го отвори патот кон победата на Фернандо Алонсо.
Тој потег ги уништи шансите на Маса, а дополнителна штета беше предизвикана од голема грешка на тимот на Ферари во боксот. Бразилецот тврди дека без тој инцидент тој ќе ја освоеше титулата во 2008 година наместо Луис Хамилтон.
Во интервју за „Тајмс“, тој нагласи колку му е важна „одговорноста“ во спортот.
„Одговорноста е клучна за спречување на идни измами“, рече Маса.
„Оние кои се задолжени за заштита на спортот директно ги прекршиле своите обврски и не смеат да профитираат од криењето на сопствените злодела.
Таквото однесување е неприфатливо во кој било сегмент од животот, но особено во спорт што го следат милиони, вклучително и деца“.
Неговата одлука да оди на суд дојде откако Еклстоун рече дека тој и поранешниот претседател на ФИА, Макс Мозли, знаеле што се случило во Сингапур.
Еклстоун сега тврди дека неговите зборови биле погрешно преведени.
Тој дури се прашува како е можно случајот на Маса воопшто да биде „разгледан на суд“.
„Ова беше интервју што го дадов на некого во Германија“, објасни Еклстоун за „Тајмс“.
„И тој новинар не зборуваше многу добро англиски во тоа време и запишуваше белешки, а подоцна некој од Англија ја презеде работата.
Адвокатите што ме застапуваат мене, ФИА и Ф1 не разбираат како ова може да стигне до суд.“
Поранешниот шеф на Формула 1 негираше какво било прикривање.
„Нема начин на светот некој да ја промени или откаже таа трка“, додаде тој.