Спорт
Вертонген замина во пензија
Поранешниот белгиски репрезентативец, Јан Вертонген, кој го држи рекордот по бројот на одиграни натпревари во дресот на репрезентацијата (132) замина во пензија. Кариерата долга 19 години, Вертонген ја заврши во татковината, во дресот на Андерлехт.
Клубот му оддаде почит пред почетокот на дуелот со Бриж во претпоследното коло од белгиското првенство. Ова беше последниот натпревар на славниот клуб оваа сезона на нивниот стадион, па затоа беше вистинско време да се збогува со Вертонген, инаку капитен на тимот.
Белгиецот остави најдлабока трага во дресот на Тотенхем. Во текот на осум сезони во Лондон, тој беше столб на одбраната, а неговото партнерство во одбраната со Тоби Алдервајрелд беше запаметено по многу одлични натпревари.
Вертонген играше со Тотенхем и во финалето на Лигата на шампионите во 2019 година, но тогаш Ливерпул беше подобар од нив. Тој одигра 232 натпревари за клубот и постигна шест гола. Два пати беше избран во тимот на сезоната во Премиер лигата, во 2013 и 2018 година.
Пред Тотенхем, тој помина шест години во Ајакс, каде што ја започна својата кариера. Тој двапати го освои холандското првенство и уште двапати Купот. Подоцна, тој освои уште едно првенство и Купот на Португалија со Бенфика.
Вертонген остави длабока трага во националниот тим. Тој играше на две Светски првенства (2014 и 2018) и две Европски првенства (2016, 2020).
🚨 Jan Vertonghen played the final home match of his career this weekend before retiring. 👋🇧🇪
His former teammates including Mousa Dembele made a special appearance to honour his career. ❤️🥹
(🎥 @DAZN_BEFR) pic.twitter.com/7N36qJ6lXZ
— Transfer News Live (@DeadlineDayLive) May 19, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кризата се продлабочува, Ливерпул испадна од Лига купот
По четири последователни порази во Премиер лигата, фудбалерите на Ливерпул се елиминирани од Лига купот. На „Енфилд“ Кристал Палас го победи Ливерпул со 3:0.
Кризта во Ливерпул се продлабочува, екипата на Арне Слот, има шест порази на последните седум натпревари.
За поразот во Лига купот оправдување на холандскиот тренер не моѓе да му биде ниту фактот што играше со „шарен состав“.
Исмаила Сар со два гола во интервал од четири минути, во првиот дел ја најави елиминацијата на „црвените“.
Ливерпул го нокаутира Јереми Пино во финишот на натпреварот.
Арсенал беше сигурен дома против Брајтон.
На „Емирати“, головите на Енванери и Букајо Сака му овозможија на тимот на Микел Артета успешно да го мине осминафиналето на Лига купот.
Енванери погоди во 56-тата минута, а Сака 20 минути подоцна.
Манчестер Сити се мачеше против Свонси, но победи по пресврт со 3:1. Домашниот тим поведе преку Франко во 12-та минута, израмни Доку во 39-та минута, кога Доку.
Изненадувањето го спречи Мармуш, кој донесе пресврт со гол во 77-та минута, а Черки со гол во 90+3-тата минута го потврди триумфот на својот тим.
Челзи го реши прашањето за победникот на полувремето на гостински терен против Вулверхемптон, на крајот се мачеше но победи со 4:3. „Сините“ постигнаа дури три гола во првиот дел од играта.
Стрелци беа Андре Сантос во петтата минута, Џорџ ја удвои предноста во 15-та минута, а се покажа дека победата ја обезбеди Естевао со гол во 41-та минута.
Надежта на домашниот тим ја врати Арокодаре, кој постигна гол во 48-та минута, а кога гол постигна и Вулф, Вулверхемптон се надеваше на чудо. Сепак, сè беше завршено кога Гитенс постигна гол за Челзи во 90-та минута, а две минути подоцна Волф повторно постигна гол за домашниот тим и го постави конечниот резултат.
Спорт
Вељко Пауновиќ ќе биде новиот селектор на Србија
Вељко Пауновиќ ќе биде новиот селектор на српската фудбалска репрезентација. Иако нема потврда од куќата на српскиот фудбал, ниту од идниот селектор, „Спортклуб“, повикувајќи се на свои извори тврди дека двете страни постигнале договор.
Според овој извор, се очекува оваа информација официјално да биде потврдена во четврток.
Во мир, далеку од притисокот на јавноста, и со претходно зелено светло од Извршниот одбор на ФСС, генералниот секретар на Српскиот фудбалски сојуз, Бранко Радујко, во Мадрид, водел тивки преговори со единствениот сериозен кандидат. Конечно, по конкретни дискусии и решавање на посериозни пречки, позитивен одговор дојде од Шпанија.
Конечниот договор доаѓа пред дефинирањето на списокот за натпреварите со Англија и Латвија. Сепак според непотврдени информации, иако претставниците на ФСС, поточно генералниот секретар Бранко Радујко, ја застапуваа тезата за преземање на тимот веќе во претстојните натпревари, желбата на Пауновиќ била да започне нов мандат, однсно да го преземе националниот тим во јануари 2026 година.
Вељко Пауновиќ ќе биде 12-от селектор со полно работно време на Србија. Тој ќе го наследи Драган Стојковиќ на клупата, кој остави зад себе рекорден ангажман, кој траеше четири години и осум месеци.
Foto/ EPA
Спорт
(Видео) Рома му се придружи на Наполи на врвот, Јувентус против Удинезе ја прекиан лошата серија
Јувентус, Рома и Комо забележаа победи во деветтото коло во Серија А.
Во првиот меч без Игор Тудор, Јувентус го победи Удинезе со 3:1. Јувентус, по осум натпревари во кои не знаеше за победа и четири без постигнат гол, дојде до четвртата победа во првенството.
Домашните играчи поведоа со голот на Душан Влаховиќ. Српскиот фудбалер беше прецизен од пенал во петтата минута. Ова беше прв гол за Влаховиќ по пауза од еден месец.
Израмнувањето дојде во судиското продолжение од првото полувреме, кога Николо Заниоло ја затресе мрежата на Ди Грегорио.
Решавачкиот момент се случи во 67-та минута, кога Федерико Гати со глава ја смести топката во мрежата по центаршутот на Камбијазо. Конечниот резултат го постави Јилдиз од пенал во 95-та минута.
По оваа победа, Јувентус скокна на шестото место со 15 бода, додека Удинезе остана на деветтото место со 12 бода.
Во следното коло, Кремонезе ќе биде домаќин на Јувентус, додека Удинезе ќе биде домаќин на Аталанта.
Рома за малку против Парма ќе направеа од готово вересија. Сепак, најважно за тимот на Џанпјеро Гасперини е што оствари уште една победа.
Рома ја победи Парма со 2:1 на Олимпискиот стадион.
Рома сега е изедначена на првото место со Наполи со 21 бод, додека Парма е на дното на табелата.
Рома можеше да поведе по првото полувреме од натпреварот, но голот на Суле беше поништен поради офсајд.
Сепак, Римјаните поведоа по 63-та минута од натпреварот кога Ермосо, по асистенција на Паоло Дибала, ѝ донесе водство на Рома.
Вториот гол за Рома го постигна Артјом Довбик во 81-вата минута.
Киркати ѝ даде надеж на Парма да избегне пораз, но бодовите останаа во главниот град на Италија.
Во следното коло, Рома ја чека дербито со Милан, а Парма ќе ја пречека Болоња.
Комо славеше како домаќин против Верона 2:1.
Дувикас го доведе тимот на Сеск Фабрегас во водство. Суат Сердар израмни, додека Стефан Пош му донесе на Кому три бода.
По девет кола, Комо е на четвртото место со 16 бода, додека Верона е на 17-то место.

