Се одигра претпоследното, 37-мо коло од шпанската Ла Лига и беше возбудливо да се следат настаните и промените во сите 10 натпревари што се одиграа во терминот од 19 часот.

Најголемото изненадување, секако, е поразот на Барселона. Новиот шампион загуби на домашен терен од Виљареал со 2:3.

Барса, освојувач на „тројната круна“ во Шпанија оваа сезона, во славеничка атмосфера влезе во натпреварот.

Виљареал, поведе со голот на Перез, а до крајот на полувремето Барселона направи пресврт со головите на Ламин Јамал и Фермин Лопез.

Сепак, во второто полувреме, „жолтата подморница“, одговори на идентичен начин, дојде до победата со головите на Санти Комесања во 51-та минута и Бјукенен во 80-та минута.

Реал ја победи Севилја во Андалузија со 2:0. Реал се мачеше и славеше дури откако Севилја остана со двајца помалку на теренот. Баде поцрвене веќе во 12-та, а потоа и Ромеро во 46-та. Инаку, Ромеро на теренот влезе по паузата меѓу двете полувремиња.

Реал триумфираше со голотвите на Килијан Мбапе во 75-та и Џуд Белингем во 87-та минута.

Третото место на табелата го потврди Атлетико Мадрид со убедлива победа над Бетис со 4:1.

Хулијан Алварез го отвори резултатото со фантастичен гол од слободен удар. Аргентинецот од 29 метри ја скина „пајажината“ од голот на Адан. До рајот на полувремето деби голот за Атлетико го постигна Робин Ле Норман.

Бетис намали во вториот дел, брилијантен гол со ножички постигна Пабло Форналс. До крајот Алварез со својот втор гол и Кореа со последниот гол во кариерата пред домашните навивачи ставија точка на натпреварот. Анхел Кореа ќе го напушти Атлетико.

Покрај Барселона, Реал, Атлетико и Виљареал, наредната сезона во Лигата на шампионите ќе игра и Атлетик Билбао. Баските славеа со 1:0 на гостувањето во Валенсија.

Во последното коло ќе има интересна борба за седмото и осмото место, кои моментално ги заземаат Селта и Рајо Ваљекано. Вечерва Рајо победи во Виго со 2.1.

Иако домашните поведоа во 10-тата минута со голот на Алонсо од пенал, Палазон во 17-тата и Де Фрутос во судиското продолжение направија пресврт до крајот на првото полувреме.

Деветтопласираната Осасуна, која вечерва го победи Еспањол со 2:0, се бори за место во Европа.

Токму Еспањол (39 бода) заедно со Леганес (37) бода ќе стравуваат за опстанок во последното коло, иако пречекуваат два отпишани клуба.

Каталонците ќе му бидат домаќини на претпоследниот Лас Палмас, додека Леганес ќе го пречека последнопласираниот Ваљадолид.

Хаотичната фудбалска сезона во Хрватска ќе кулминира во последното коло, кога ќе биде решена шампионската трка меѓу Риека, Динамо и Хајдук.

Во дербито на претпоследното коло, и по големиот кикс на Динамо на „Максимир“ против Локомотива (1:1), Хајдук ја победи Риека во Сплит со 2:1 (1:0).

Одличен натпревар на „Пољуд“ наговести Марко Ливаја, кој постигна гол од пенал во 11-тата минута. Риека долго време го бркаше израмнување, имаше неколку шанси, а за 1:1 погоди Дује Чоп во 73-та минута.

MARKO LIVAJA COLD AS ICE!!!

PANENKA! HAJDUK ARE STILL IN THE TITLE RACE!#HNL #HAJRJKpic.twitter.com/DchbuzeFZV

— Croatian Football (@CroatiaFooty) May 18, 2025

DUJE ČOP EQUALISES FOR RIJEKA!!!

RIJEKA ARE ONE GOAL AWAY FROM WINNING THE TITLE!#HNL #HAJRJKpic.twitter.com/Hm17PPFPJz

— Croatian Football (@CroatiaFooty) May 18, 2025

Но, минута подоцна, Џенаро Гатузо прави извонредни измени кои му ја донесоа победата.

Италијанецот ги внесе Калиќ и Трајковски на теренот и двајцата го креираа голот за победа во 78-та минута. По асистенцијата на Иван Ракитиќ, македонскиот репрезентивец го постигна вториот гол за Хајдук.

ALEKSANDAR TRAJKOVSKI MAKES IT 2-1!!!#HNL #HAJRJKpic.twitter.com/f09iEN3d3f

— Croatian Football (@CroatiaFooty) May 18, 2025

Новиот шампион ќе биде познат во последното коло, следната сабота од 19:00 часот.

Риека (62 бода) ќе се сретне со Славен Белупо и во случај на победа, ќе стане шампион, бидејќи има подобар скор од Динамо (62), кој ќе игра против Вараждин на својот стадион.

Хајдук (60), кој ќе гостува кај Шибеник, ќе чека шанса, а тоа дека ќе се надева порази да доживеат и Риека и Динамо.

Фудбалерите на Галатасарај ја освоија 25-та титула шампион на Турција и со тоа ја комплетираа „двојната круна“.

На две кола пред крајот, тие ја зачуваа недостижната предност од осум бода пред најголемиот ривал Фенербахче.

Галатасарај ја продолжи доминацијата во турскиот фудбал, а титулата ја потврди со победа од 3:0 над Кајзери.

Стрелци на стадионот „Али Сами Јен“ беа Виктор Осимен и Барис Јилмаз во првото полувреме, односно голманот Фернандо Муслера во второто полувреме.

Уругвајскиот голман постигна гол од пенал во 88-та минута.

GOOOOLLL FERNANDO MUSLERA pic.twitter.com/6cfpB8AWjt

— Ali Sami Yen Sokak (@ASYSokakcom) May 18, 2025

Навивачите однапред се подготвуваа за прославата на титулата, но и за Денот на младите и спортот утре 19. мај, ден со кој се обележува сеќавањето на Мустафа Кемал Ататурк, основачот на модерна Република Турција.

Потоа, навивачите на Галатасарај имаа порака за најголемата ѕвезда, Виктор Осимен.

„Остани со нас, Оси! Не затоа што мораш, туку затоа што сакаш“.

Осимен оваа сезона ја одигра како позајмен фудбалер од Наполи.