Малку недостасуваше селекцијата на Германија уште по групната фаза да доживее елиминација од селекцијата на Унгарија, и тоа на домашен терен во Минхен. По 90 минути „Панцирите“ одиграа 2-2 со храбрите Унгарци и тоа благодарение на погодокот на Леон Горецка во 84 минута откако Унгарија на двапати имаше водство.

Најпрво во 11 минута Салај погоди со глава за 0-1.

Тој резултат беше актуелен се до 66 минута кога Каи Хаверц донесе израмнување, 1-1.

Само 2 минути подоцна Унгарците дојдоа до нова предност, преку Шафер во 68 минута.

Следуваше атак со сите сили на Германците и спасоносниот гол на Горецка.

На останатиот последен меч од групата Ф популарно наречена „група на смртта“, дербито во Будимпешта меѓу Франција и Португалија заврши со поделба на пленот, 2-2.

На меч во кој шпанскиот судија Лахос покажа дури 3 пенали, по двапати во листата на стрелците се запишаа Карим Бензема кај „петлите“, односно Кристијано Роналдо кај Португалците.

Унгарија го заврши настапот на ЕУРО 2020 со 2 освоени бодови, како четвртопласирана.

Германците групата ја завршуваат на втората позиција, со 4 бода од 3 меча.

Французите се тие кои се лидери во групата, со 5 бодови, додека Португалија ќе игра во осминафиналето благодарение на тоа што како третопласирана со позитивна гол-разлика обезбеди пласман во нокаут фазата.

Двата гола за Португалија, вечерва на „Пушкаш арена“ во Будимпешта беа дело на Кристијано Роналдо, и двата постигнати од пенали.

Со тоа, португалскиот ас се изедначи со Иранецот, Али Даеи по бројот на голови за репрезентација.

И Роналдо и Даеи имаат по 109 постигнати погодоци за своите селекции, и го делат светскиот рекорд.

Роналдо на мечот со „петлите“ стана првиот играч со 20 гола на европските и светските првенства.

Кристијано Роналдо во 30 минута од белата точка ја носи Португалија во предност од 1-0 против Франција на „Пушкаш арена“ во Будимпешта.

Пеналот го „заработи“ Данило откако голманот на „триколорите“ Уго Лорис по една нафрлена топка со тупаница удри во главата на противничкиот играч.

Роналдо незадржлив стигна до четвртиот гол на ова ЕП, втор од пенал. 108-ми гол за Португалија.

Франција е на потег.

Cristiano Ronaldo scores the penalty to put Portugal ahead… Easy.
____________#PORFRA pic.twitter.com/lJP6x7G7eV

— Prime. (@TrashTalkMVP) June 23, 2021