Спорт
Видал е со импресивна серија, брка осма првенствена титула во низа

Чилеанецот Артуро Видал кој минатото лето за 18 милиони евра од Баерн Минхен премина во редовите на шпанска Барселона може да се нарече „човек-титула“.
Тој од 2012 година па се до сега, кога е пред освојување на осмата првенствена титула во низа со Барселона, на крајот на сезоната го подигнува пехарот.
Со Јувентус првак беше четири години во низа, од 2012 до 2015, по што Торино го замени со Минхен за 35 милиони евра.
Со Баерн освои три наслови првак на Германија од 2016 до 2018, а сега му се насмевнува осмата титула по ред, прва во шпанската Ла лига.
Постои еден трофеј кој Чилеанецот не го подигнал, тоа е „пехарот со големите уши“. Затоа годинава е во можност да се надева дека и тој сон ќе му се исполни затоа што Барселона игра полуфинале во ЛШ, против Ливерпул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Родителите на Елшник на велосипеди тргнаа од Златоличје кон Белград

Родителите на фудбалерот на Црвена звезда, Тими Макс Елшник, на велосипеди тргнаа од Златоличје, село во регионот Подравина во близина на Марибор, кон Белград, главниот град на Србија.
На дресовите што ги носат, на грбот им пишува „Маракана“, намерата им е да присуствуваат на првиот натпревар од плејофот за Лигата на шампионите помеѓу Црвена звезда и Пафос. о целта ги дели 491,4 километри.
Растојание кое, доколку се во форма и нема непредвидени ситуации, можат удобно да го поминат до вторник вечерта, датумот одреден за натпреварот на стадионот „Рајко Митиќ“.
Roditelji našeg @Timi_Elsnik krenuli su biciklima iz Zlatoličja ka Beogradu, kako bi bodrili svog sina i crveno-bele na prvom meču plej-ofa za ulazak u Ligu šampiona protiv kiparskog Pafosa. 🚲😁
🔴⚪️ #fkcz pic.twitter.com/CDN30xoFaS
— FK Crvena zvezda (@crvenazvezdafk) August 14, 2025
Подготовката на родителите на словенечкиот репрезентативец и играчот од средниот ред на црвено-белите предизвика екстаза меѓу навивачите на црвено-белите, позитивни коментари на социјалните мрежи.
Љубовта кон шампионот на Србија, а во овој случај и кон синот, нема граници.
„Мојот татко беше навивач на Црвена звезда уште во поранешна Југославија. Словенечките клубови не беа меѓу најдобрите европски клубови, па луѓето избираа други тимови, најчесто Црвена звезда, Партизан, Динамо или Хајдук. Мојот татко ја избра Црвена звезда и тоа беше неговиот клуб број 1. Подоцна, мојот брат тргна по неговите стапки, повеќе го следеше фудбалот во старата земја и е луд по Црвена звезда“, откри Тими Макс Елшник, кога минатото лето потпиша договор со спрскиот шампион.
Спорт
Остана уште една рунда – Шкендија против Лудогорец за место во Лига Европа или Конференциската лига

EPA/GEORGI LICOVSKI
Остана уште едно, одлучувачко коло за пласман во сите три натпреварувања на УЕФА за сезоната 2025/2026.
Крајот на август носи двоен плејоф за Лигата на шампионите, Лига Европа и Конференциската лига.
Што се однесува до учесниците во плејофот на ЛШ и ЛЕ, сите тимови, без оглед на резултатите, обезбедија европска есен. Меѓу нив е и шампионот на Македонија, Шкендија. Доколку го мине Лудогорец, Шкендија ќе игра во Лига Европа, во спротивно се сели во Конференциската лига.
Тимовите што ќе ги изгубат двата натпревари од плејофот на Лигата на шампионите ќе ја продолжат сезоната во Лига Европа.
Тимовите што ќе ги изгубат натпреварите од плејофот на Лига на Европа ќе ја продолжат сезоната во Конференциската лига.
Европската авантура во оваа фаза ќе ја завршат само поразените тимови од плејофот на Конференциската лига.
Плеј-оф од Лигата на шампионите (19/20 и 26/27 август):
Ференцварош – Карабаг
Црвена звезда – Пафос
Бодо/Глимт – Штурм
Селтик – Каират
Базел – Копенхаген
Фенербахче – Бенфика
Ренџерс – Клуб Бриж
Плејоф во Лига Европа (21/28 август):
Макаби ТА – Динамо Киев
Шкендија – Лудогорец
Слован – Јанг Бојс
Малме – Сигма Оломуц
Панатинаикос – Самсунспор
Абердин – ФЦСБ
Лех – Генк
Митјиланд – КУПС
Линколн – Брага
Зрињски – Утрехт
Бран – АЕК Ларнака
Риека – ПАОК
Плејоф за конференциска лига (21/28 август):
Хамрун – РФС
Шелбурн – Линфилд
Бреидаблик – Виртус
Дрита – Диферданж
Олимпија – Ноа
Стразбур – Бронби
Јагелонија – Динамо Сити
Шахтјор Доњецк – Сервет
Андерлехт – АЕК Атина
Башакшехир – Универзитатеа Крајова
Кристал Палас – Фредрикстад
Целје – Бањик Острава
Раков – Арда
Хибернијан – Легија
Левски – АЗ Алкмар
Полисија Житомир – Фиорентина
Ѓер – Рапид Виена
Неман – Рајо Ваљекано
Лозана – Бешикташ
Санта Клара – Шамрок
Розенборг – Мајнц
Спарта – Рига
Хакен – Клуж
Волфсбергер – Омонија
Спорт
Пет Рајли ќе добие статуа пред арената на Лејкерси

Легендарниот тренер на Лос Анџелес Лејкерс, Пет Рајли, ќе добие статуа пред „Крипто Ком Арена“, поранешниот „Стејплс Центар“, од 22 февруари.
Лејкерс ќе му оддадат почит на Рајли во натпреварот против најголемиот ривал Бостон. Статуата на Рајли ќе стои до статуите на големите легенди на франшизата Карим Абдул-Џабар, Меџик Џонсон и Коби Брајант.
Тој ги тренираше Лејкерс од 1981 до 1990 година, период наречен „шоутајм“ и освои четири титули.
Лејкерс со Пет Рајли победија 73 отсто од натпреварите, а тој победи на дури 102 натпревари како тренер во плејофот. Тој беше играч на Лејкерс од 1970 до 1975 година. Рајли ги тренираше и Никс и Мајами Хит. Тој ја освои титулата со Мајами во 2006 година, а сега е претседател на оваа франшиза.