Ѕвездата на Манчестер јунајтед, Кристијано Роналдо, може да добие повик од италијанската полиција за испитување како дел од истрагата на неговиот поранешен клуб Јувентус во врска со сомнителните трансфери направени за балансирањето на сметките на клубот.

Канцелариите на Јувентус во Торино и Милано беа предмет на рација на италијанската финасиска полиција минатиот петок, со обвинение дека од 2019 до 2021 година „старата дама“ лажно ги регистрирала трансферите за да ги исполни ограничувањата за финансискиот ферплеј со најмалку 42 договора под истрага.

Според „Газета дело спорт“, обвинителството сака да дознае повеќе за исплатите што Роналдо ги добивал од март до април 2020 за време на целосното затворање поради коронавирусот кога исплатите на неговите соиграчи биле замрзнати. Јавниот обвинител во Торино се сомневал дека постоел таен договор меѓу Роналдо и Јуве, нешто што било потврдено со одредени телефонски разговори меѓу двете страни, во кои се споменувал „документот што теоретски не постои“.

Роналдо пристигна во Јувентус од Реал Мадрид за 100 милиони евра во 2018 година и постигна 101 гола во 134 настапи освојувајќи две титули од Серија А и една од Копа Италија. На Јуве, пак, му се заканува исфрлање од Серија А и одземање на титулата од 2020 во сличен развој на настаните како по скандалот „Калчополи“ во 2006 година.

Френк Лампард вели дека немал проблеми во соработката со директорката на Челси, Марина Грановскаја, и посочува дека останува со огромен респект за газдата на клубот, Роман Абрамович, и покрај бруталниот начин на кој беше сменет од тренерската позиција.

42-годишниот Лампард, човекот што освои три премиерлигашки титули и трофеј од ЛШ како играч на „сините“, доби шанса да биде менаџер на тимот по само една сезона со Дерби каунти, но изддржа само 18 месеци на позицијата. По ветувачката прва сезона, во која имаше топ-4 пласман и финале во ФА-купот, тој имаше лош старт на втората сезона и беше заменет со Томас Тухел, а кој со истиот тим ја освои титулата од ЛШ. Во интервју со Гери Невил, Лампард проговори за односите во клубот.

„Не бев целосно изоставен од одлуките во клубот, постојано имав контакт со Марина, дури иако понекогаш тоа беше преку СМС-пораки. Сакав да имам добри односи со неа. Најпозитивно за мене беше доаѓањето на Петр Чех бидејќи јас и Пит бевме блиски пријатели како играчи“, вели Лампард.

Тој додава дека имал малку разговори со Абрамович.

„Навистина не зборував со него бидејќи немаше потреба. Ја чувствував поддршката на клубот и благодарен сум што ми дадоа шанса. Секогаш сум го почитувал Абрамович. Не би бил тука да не беше тој. Тој ги прави тие одлуки, а ако погледнеме наназад, неговите одлуки честопати се многу добри за клубот“, додава Лампард.

Торино не успеа да изддржи до крајот на мечот со 10 играчи откога во првите 15 минути стигнаа до 2:0 водство со Емполи во 15. коло од Серија А за на крајот да се задоволи со 2:2 реми.

Томасо Побега стрелаше во 10. минута за „Граната“, а само пет минути подоцна, Хрватот Марко Пјаца зголеми на 2:0. Меѓутоа, Вилфрид Цинго доби црвен картон во 32. минута од мечот по долгата ВАР-проверка по што мечот целосно се сврте.

Симоне Ромањоли намали на 2:1 во 34. минута пред замената Андреа Ла Мантија во 74. минута да израмни на 2:2.

Емполи сега е на 11. место со 20 освоени поени, а Торино е две места подолу со 18 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));