Данскиот ракометен репрезентативец Матијас Гидсел е прогласен за најкорисен играч (MВП) на Европското првенство, објавено е на официјалната веб-страница на Европската ракометна федерација (EHF).

Германецот Андреас Волф е избран за најдобар голман. Норвешкиот ракометар Аугуст Педерсен е прогласен за најдобро лево крило, додека Данецот Симон Питлик е најдобар лев бек на Европското првенство.

Исланѓанецот Гисли Кристјансон е избран за најдобар централен бек. Најдобро десно крило е Марио Шоштариќ од Хрватска, додека Португалецот Франциско Кошта е избран за најдобар десен бек.

Германецот Јоханес Гола е прогласен за најдобар пивотмен. Најдобар дефанзивец е Португалецот Салвадор Салвадор, додека најдобар млад ракометар е неговиот сонародник Франциско Коста.

ЕП започна на 15 јануари во Данска, Норвешка и Шведска, а завршува вечерва во Хернинг.

Фудбалерите на Манчестер Јунајтед, по победите над Манчестер Сити и Арсенал, го победија и Фулам. „Црвените ѓаволи“ во драматичен натпревар славеа со 3:2.

Бразилците беа задолжени за головите, прво Касемиро во 19-та минута, а потоа во 56-та минута му асистираше на сонародникот Матеус Куња за вториот гол.

Фулам успеа да го намали резултатот на 2:1 преку Раул Хименез, а во втората минута од судиското продолжение резервистот Кевин го шокираше домашниот тим со фантастичен гол за израмнување на 2:2.

Сепак, Фулам не можеше да направи чудо како неодамна против Ливерпул, овој пат се случи спротивното Бенџамин Шешко 90+4 му донесе спектакуларен триумф на тимот на Мајкл Карик.

Foto/EPA

Речиси еден век, тенисот чекаше и дочека да бидат урнати два гигантски рекорди. И двата беа постигнати денес во Мелбурн од Карлос Алкараз. И двата се нешто што навистина одекнува во историјата.

Првиот стар 88 години, на 22-гпдошна возраст Алкараз стана најмладиот играч во историјата со кариерен Гренд слем, односно ги освоил сите четири најголеми трофеи во белиот спорт. Претходниот носител на рекордот беше Дон Баџ, кој го постигна во 1938 година.

Само седум други тенисери го постигнале ова: Фред Пери, Род Лејвер, Рој Емерсон, Андре Агаси, Роџер Федерер, Рафаел Надал и Новак Ѓоковиќ.

Кај тенисерките, оваа листа е малку подолга: Морен Коноли, Дорис Харт, Ширли Фрај Ирвин, Маргарет Корт, Били Џин Кинг, Крис Еверт, Мартина Навратилова, Штефи Граф, Серена Вилијамс и Марија Шарапова.

Вториот подвиг на Алкараз е уште потежок за постигнување. Никој не го направил тоа од 1935 година и Фред Пери. Поминаа дури 91 година откако тенисер ги освои своите први финалиња на сите четири Гренд слем турнири.

Алкараз е помлад од Пери, кој имаше 26 години кога го постигна овој подвиг. Во 2022 година, Алкараз го победи Каспер Рудо во Њујорк, 2023 година во Лондон, Ѓоковиќ, 2024 година во Париз, Александар Зверев, а сега повторно Ѓоковиќ во Мелбурн. Во осумте одиграни финалиња на Гренд слем турнири, тој има само еден пораз – минатото лето на Вимблдон против Јаник Синер.