Спорт
(Видео) 60.000 Јапонци скандираа „Пикси, Пикси“

Селекторот на српската репрезентација Драган Стојковиќ Пикси (58) присуствуваше на натпревар на неговиот поранешен клуб Нагоја Грампус.
Стојковиќ како играч настапуваше за Раднички Ниш, Црвена звезда, Марсеј и Верона, а од 1994 до 2002 година беше член на Нагоја. Тој беше и тренер и Нагоја во периодот од 2008 до 2014 година. Како тренер два пати го освои Купот на Јапонија, како играч два пати беше шампион на оваа земја.
Стојковиќ на „Инстаграм“, објави како бил пречекан од јапонските фанови. Околу 60.000 луѓе едногласно скандираа „Пикси, Пикси“, покажувајќи дека српскиот тренер е легенда на Нагоја.
Стојковиќ под видеото напиша: „Секогаш е убаво да се вратам кај моето семејство во Нагоја. Ви благодарам“.
Стојковиќ од 2021 година е селектор на Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челзи отпиша шест играчи

Фудбалскиот клуб Челзи им соопштил на шестмина фудбалери дека менаџерот Енцо Мареска нема да ги користи во новата сезона. заврши со шест играчи, според англиските медиуми.
„Стенфорд Бриџ“ ќе го напуштата: Николас Џексон, Кристофер Нкунку, Бен Чилвел, Рахим Стерлинг, Аксел Дисаси и Ренато Веига. Засега нема информации каде овие фудбалери ќе ги продолжат своите кариери, но наводно повеќето од нив веќе се во преговори со дригу клубови.
Челзи со овој потег влезе во последната фаза од реконструкцијата на тимот и ростерот за сезоната 2025/2026.
Следните играчи го напуштија Челзи оваа сезона:
Нони Мадуеке (Арсенал), Жоао Феликс (Ал Наср), Ѓорѓе Петровиќ (Борнмут), Лесли Угочукву (Бернли), Кирнан Дјусбери-Хол (Евертон), Армандо Броја (Бернли), Матис Амугу (Стразбур), Башир Хамфрис (Бернли), Кепа Аризабалага (Арсенал), Маркус Бетинели (Манчестер сити).
Нови играчи на „Стенфорд Бриџ“ се:
Жоао Педро (Брајтон), Џејми Гитенс (Борусија Дортмунд), Жорел Хато (Ајакс), Лиам Делап (Ипсвич), Естевао (Палмеирас), Дарио Есуго (Спортинг), Мамаду Сар (Стразбур) и Кендри Паез (Индепендиенте).
Спорт
Прекината постапката против Тер Штеген, клубот му ја врати капитенската лента

Барселона го доби она што го сакаше од Марк-Андре тер Штеген и веднаш објави дека Германецот ќе остане капитен.
Ханси Флик му стави до знаење на Тер Штеген дека не е во плановите за претстојната сезона, Тер Штеген одлучи да оди на операција на грбот. Беше објавено дека нема да може да игра три месеци, а клубот тврди дека паузата ќе трае најмалку четири.
Затоа во Барселона сакаа да се повикаат на посебно правило и на тој начин да го регистририраат Џоан Гарсија. Германецот не сакаше да ја потпише документацијата што ќе му дозволи на клубот да го стори тоа, и оттука започнаа сите проблеми.
Откако во петокот се огласи Тер Штеген, кој само сакаше да ја изнесе својата страна од приказната и да му даде до знаење на клубот дека е подготвен да разговара за решавање на проблемот, пред полноќ Барселона потврди дека го добила она што го сакала.
Тер Штеген ги потпишал медицинските документи, што ќе ѝ овозможи на Барселона да го регистрира новиот голман Џоан Гарсија и со тоа дисциплинската постапка заврши. И капитенската лента му беше вратена на Германецот.
„Клубот ја информира јавноста дека Марк Андре тер Штеген го потпиша овластувањето потребно за клубот да ја испрати медицинската документација до Ла Лига во врска со неговата операција.
Дисциплинската е затворена, а на играчот му е вратен статусот, капитен на тимот. Одлуката стапува на сила веднаш“, се вели во краткото соопштение на Каталонците.
Фото/ Принтскрин
Спорт
Модриќ за Милан и бројот 14

Лука Модриќ, најтрофејниот фудбалер во историјата на Реал Мадрид, се пресели во Милан. Најголемите успеси во 13-годишната кариера во Реал ги постигна со „десетката“ на грбот. Во Милан ќе го носи бројот 14.
Долгогодишниот капитен на хрватската репрезентација во интервју за „ДАЗН“, пред натпреварот помеѓу Милан и Лидс во Даблин, откри зошто го избрал бројот 14. Инаку, овој број го просалави легендарниот Холанѓанец Јохан Кројф.
„Прв број на дресот ми беше 14. Потоа го задржав кога дојдов во Тотенхем и играв добро таму. Кројф е симбол на овој број – тој е играч кој му даде важност на „четиринаесетката“ и ја направи посебна. Задоволство е да се носи“, ја објасни оваа одлука 39-годишникот.
Модриќ зборуваше и за почетоците и идолот Звонимир Бобан.
„Имам речиси четириесет години, но имам и фудбалски соништа. Затоа сум тука, ова е мојот сон од детството. Фотографијата од мене како дете во тренерка на Милан е прекрасно сеќавање и покажува колку бил популарен клубот во тоа време, особено во Хрватска. Пораснав гледајќи го вашето првенство, а „росонерите“ беа мои омилени во Италија. Звонимир Бобан играше тука, тој беше мојот идол. Сега сум тука и како што реков сакам да освојувам трофеи со Милан“, истакна Модриќ.
Фото/ Принтскрин