Спорт
(Видео) Ајнтрахт го декласира Баерн – Пукна петарда во мрежата на Ноер
Foto/ EPA
Фудбалерите на Ајнтрахт славеа сензационална победа во 14.коло од Бундес лигата. Ајнтрахт го декласира најтрофејниот германски клуб, Баерн со 5:1.
Блескаше напаѓачот Дина Ебимбе, буквално ги „возеше“ дефанзивците на Баерн и постигна два гола. Но, ова не беше само негова ноќ. Сите играчи на Ајнтрахт беа во транс, одиграа над своите можности.
Неочекувано, почнаа бурно и по нешто повеќе од половина час игра Ајнтрахт имаше предност од 3:0. Баварците во тие моменти буквално не постоеја на теренот.
Џошуа Кимих ја намали негативата на Баерн до крајот на полувремето, но максимално мотивираните домаќини не се решија да ја бранат предноста во второто полувреме, туку постигнаа уште два гола.
На крајот Баерн го запиша првиот пораз во сезоната.
Од останатите натпревари одиграни во истиот термин, треба да се издвои првата сезонска победа за Унион Берлин, убедлива против Борусија Менхенгладбах, 3:1.
Резултати:
Хајденхајм – Дармштад 3:2 (Шопнер 42, Мајнка 69, 71 – Скарке 52, Малони автогол 60)
Унион Берлин – Борусија Менхенгладбах 3:1 (Фоланд 24 пенал, Холербах 50, Кауфман 75 – Плеа 77)
Вердер Бремен – Аугсбург 2:0 (Штарк 39, Дукш 65)
Волфсбург – Фрајбург 0:1 (Грегорич 74)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.