Спорт
(Видео) Американците за лудиот потег на Јокиќ: Асистенција на сезоната, нереално…“

Никола Јокиќ пропушти пет натпревари поради повреда на зглобот на левата нога. Се врати и веднаш одигра натпревар кој влезе во историјата на и НБА лигата. Тој постигна 39 поени (16/25 шут од поле) со 10 скока и 10 асистенции во победата на Нагетс над Бакс од 127:117.
Ова за Јокиќ е 30-ти трипл-дабл сезонава, што е негов личен рекорд, но и рекорд на Нагетс. Претходно ниту еден играч од оваа франшиза нема одиграно толку трипл-дабл натпревари во една сезона.
Јокиќ со одличен настап влезе во аналите на НБА. Тој стана четвртиот кошаркар откако остои лигата со 30 трипл-дабл натпревари во една сезона. Пред него тоа им успеаја на Расел Вестбрук (три пати), Оскар Робертсон и Вилт Чембрлен.
JOKIC DIME OF THE YEAR???! 😱😱
ARE YOU KIDDING ME. pic.twitter.com/hyYEnin3XS
— Bleacher Report (@BleacherReport) March 27, 2025
Еден потег се издвојува во незаборавната игра на српскиот феномен. Во третата четвртина при водство на Денвер од 74:66, Јокиќ тргна кон кошот, делуваше дека ќе оди на положување, но, потоа се сврте и изведувајќи пируета и без да погледне зад грб му ја додаде топката на Арон Гордон.
Јокиќ со маестрална асистенција ги испрати во празно Кајл Кузма и Брук Лопез, при што овој ја бараше топката во спротивна насока од онаа во која ја испрати Јокиќ.
This Jokic angle is WILD pic.twitter.com/ALSHxrBcxw
— Zach Bye (@byesline) March 27, 2025
Јокиќ уште еднаш спектакуларно покажа дека е единствен по тоа што е центар со техника и мозок на плејмејкер.
Оваа негова акција е вирална. Таа на „Х“ ги предизвика следните коментари со снимката од магијата на Јокиќ: „Она што го направи Јокиќ е невозможно“, „Асистенција на годината“, „Ова е доказ дека Јокиќ е најдобриот кошаркар на светот“, „Нереално“…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Леганес: Ограбени сме против Реал на „Бернабеу“

Реал Мадрид синоќа со многу мака го победи Леганес со 3:2. ПО мечот од Леганес тврдат дека се ограбени на „Сантијаго Бернабеу“. Дека се во право говори и оценката што ја доби од судиската комисија, главниот арбитар. Пабло Гонзалес доби чиста единица.
Неколку спорни ситуации имаше на овој натпревар и впечаток е дека сите беа на штета на Леганес.
Прашање е дали против Реал би бил досуден панал каков пто Гонзалес досуди по контактот меѓу Оскар Родригес и Арда Гулер. Мбапе постигна гол за 1:0. Во 76.минута, од неколку агли се забележува дека Тапија одигра со топката, а Родриго паѓа преку него. Гонзалес досуди слободен удар, а Мбапе, благодарение на лошата реакција во живиот ѕид погоди за 3:2.
💭 La Liga is corrupt. They called this a penalty for Real Madrid despite the Leganes player getting to the ball first.
— Barça Spaces (@BarcaSpaces) March 29, 2025
Gol de Mbappé de falta inventada, 3-2.
La Liga más adulterada del mundo.#RealMadridleganes pic.twitter.com/nJ95FqowFR
— Zona Blaugrana (@Zona_Blaugrana) March 29, 2025
Од Леганес го потенцираат и стартот на Раул Асенсио во финишот на натпреварот кога ја промаши топката и го закачи противничкиот играч.
🚩❌ Es la misma acción que le hacen a Rodrygo pero dentro del área, toca balón y a Diomande.
🤐 Aquí en cambio NO HAY NADA. Es escandaloso que cuando se arbitra en contra del Madrid, existan otras reglas.#RealMadridLeganés #RealMadrid #ROBO pic.twitter.com/tuYLFYoic4
— Antonio Blesa (@antonioblesa_) March 29, 2025
Спорт
Лајпциг го отпушти Марко Росе

Марко Росе е разрешен од должноста главен тренер на РБ Лајпциг. Неговиот тренерски штаб составен од Александар Зиклер, Марко Курт и Франк Геидек исто така го напушти клубот.
Росе го водеше РБ Лајпциг на 125 натпревари. Под негово водство, РБЛ двапати се квалификуваше за Лигата на шампионите на УЕФА, го освои вториот трофеј во Купот на германија во историјата на клубот и ја прослави својата прва победа во Суперкупот.
Тој ја презеде улогата на главен тренер на РБ Лајпциг во септември 2022 година кога клубот се најде во тешка ситуација и му помогна на тимот да се врати на победничките патеки.
Пред тоа ги водеше Локомотив Лајпциг, РБ Салцбург, Борусија Менхенгладбах и Борусија Дортмунд. Од Лајпциг најавија дека наскоро ќе соопштат кој привремено ќе ја преземе тренерската функција.
„Верувавме во соработката со Марко и неговиот тим долго време и се обидовме до сега заедно да ја свртиме ситуацијата. Со оглед на развојот на настаните и континуираниот недостаток на резултати, сите сме цврсто убедени дека ни е потребен нов поттик во остатокот од кампањата за да ги постигнеме нашите цели за оваа сезона“, изјави спортскиот директор на клубот Марсел Шефер.
Спорт
(Видео) Светски рекорд на Домен Превц

Словенецот Домен Превц постави светски рекорд во натпревар во ски скокови на скокалницата Планица.
Летот, каков што досега не е виден, заврши со слетување на 254,5 метри, со што е поставен нов рекорд во должина на ски летови. Претходниот рекорд го држеше Стефан Крафт, кој пред осум години во Викерсунд прескокна 253,5 метри.
Рекордната должина на летот сепак не беше доволна за Превац да победи. Словенците го прославија рекордниот скок на Превц и победата на Анже Ланишек.
Третото место му припадна на Германецот Андреас Велингер.
По првата серија веќе беше јасно дека ќе биде ново словенечко славје откако Ланишек поведе пред Превац, а потоа словенечките ски скокачи приредија борба која тешко ќе се повтори.
Домен Превц слета на 254,5 метри и го собори светскиот рекорд на Стефан Крафт, а Ланишек одлично одговори на тој предизвик. Тој полета од најниската тчка на леталницата и слета на 241,5 метри. За неговиот одличен стил на летање, тој доби три 20-ки и го победи Превац со 7,1 поен. Тоа беше втора победа за Ланишек сезонава.
Domen Prevc's FIS World Record #skijumping #skijumpingfamily pic.twitter.com/s1uCkige7W
— Devi(L)🇵🇱✝️⚽ 🇵🇱🇧🇷 #1ga (@redd3vil777) March 30, 2025