Атлетико Мадрид, по девет сезони повторно ќе игра полуфинале во Лигата на шампионите. На „Метрополитано“ во Мадрид, Барселона го победи Атлетико со 2.1 во реваншот, но „јорганџиите“ со вкупен резултат 3:2 изборија место меѓу најдобрите четири екипи во Европа.

По натпреварот, кој беше исклучително интензивен, со силно темпо, тренерите Диего Симеоне и Ханси Флик рекоа дека се горди на своите фудбалери.

„Поминаа 14 години и искрено, гледам тим кој сè уште се натпреварува, и тоа навистина ме трогна. Играчите се променија, мораше многу пати да почнеме од нула за да создадеме тим, а сепак повторно сме меѓу четирите најдобри во Европа“, гордо рече Диего Симеоне.

„Вложивме огромен напор во првото полувреме и покрај некои индивидуални грешки, успеавме да се вратиме во натпреварот. Голот беше вистинска убавина. Второто полувреме беше порамноправно. Промените ни дадоа енергија, а тие изгубија дел од темпото што го покажаа во првото полувреме“, смета аргентинскиот тренер.

Атлетико беше поразен од Барселона во Мадрид по втор пат за десет дена, со резултат од 2:1, но успеа да ја одбрани победата од 2:0 на Камп Ноу и покрај големите искушенија во реваншот од четвртфиналето на Лигата на шампионите.

„Требаше да постигнеме уште еден гол во првото полувреме. Навистина брилијантно го одигравме. Горд на тоа. Меѓутоа примивме гол. На крајот таков е фудбалот. Но ставот на моите фудбалери, навистина ме прави горд“, рече Ханси Флик по натпреварот и дополни.

„Следниот чекор е да ја освоиме Ла Лига. Мораме да го потврдиме ставот, менталитетот. Сите сме разочарани. Голем сон е за сите да ја освојат Лигата на шампионите. Секако дека мора да учиме, но имаме и млад тим. Мора да се подобриме и ќе се подобриме следната сезона.“

Foto/ EPA

Тренерот на Ливерпул, Арне Слот, направи малку бизарен потег во четвртфиналниот натпревар од Лигата на шампионите против Пари Сен Жермен.

Слот направи двојна замена на полувремето, при резултат 0:0, а еден од играчите што влезе беше дефанзивецот Џо Гомез, кој го замени Џереми Фримпонг.

Сепак, по малку повеќе од 20 минути игра во второто полувреме, односно во 67-та минута, Слот одлучи да го извади Гомез од игра. Тој беше заменет од младиот напаѓач Рио Нгумоа.

Нема информации дека Гомез претрпел некаква повреда, ниту пак се чинеше дека е така кога го напушти теренот, што го прави овој потег на Слото многу необичен.

Само пет минути откако Гомез го напушти теренот, Ливерпул прими гол за 0:1, а до крајот Дембеле постигна уште еден, со што го постави конечниот резултат 0:2.

Атлетико Мадрид, прв пат од 1997 година, загуби натпревар во нокаут фазата на домашен терен, но сепак успеа да ја мине Барселона. Каталонците победија на „Метрополитано“ со 2:1, Атлетико се пласира во полуфиналето благодарение на победата 2:0 во првиот меч во Барселона.

Воде Каталонците со 2:0 по само 24 минути игра. Катастрофалните грешки на Клемон Ленгле ги искористија Ламин Јамал и Феран Торес. Предноста на Атлетико, во двомечот, му ја врати Адемола Лукман во 31-та минута.

Барселона, исто како и во првиот меч, натпреварот го заврши со играч помалку. Црвен картон како последен играч во одбраната, поради фаулот врз Александер Серлот, заработи Ерик Гарсија.

Одлуката на судијата предизвика бурни реакции од клупата на Барселона. Погледнете ја ситуацијата ТУКА.

Поранешниот судија на Ла Лига, Алфонсо Перез Бурул, ја коментираше ситуацијата за популарното шпанско радио шоу „Маркадор“.

Според неговата анализа, главниот судија исправно постапил.

„Чист фаул за црвен картон. Кунде не можеше да го стигне Серлот, а потегот на дефанзивецот на Барселона (Ерик Гарсија) врз Серлот заслужува црвен картон по прегледот на ВАР“, рече Перез Бурул.

Foto/ EPA