Многу возбудливо беше во претпоследното, 37-мо коло од италијанската Серија А, особено во трката за Скудетото меѓу Наполи и Интер, која ќе има епилог дури во последните 90 минути.

Наполитанците гостуваа во Парма на „Енио Тардини“, не успеа да победи. Натпреварот заврши 0:0.

Наполи доби пенал во 97.минута, но судијата по прегледувањето на снимката пресуди дека на почетокот на акцијата имало фаул од Џовани Симеоне. На крајот Парма освои важен бод во борбата за опстанок, а Наполи остана на бод предност пред Интер, благодарение на ветеранот Педро.

Интер не успеа да го победи Лацио на „Меаца“. Два пати Интер имаше предност, која два пати ја поништи Педро.

„Неро-азурите“ беа во водство од судиското продолжение на првото полувреме кога Бисек погоди за 1:0.

Во вториот дел беше возбудливо, бидејќи Интер пропушти неколку шанси, а Лацио израмни во 72-та преку Педро.

Дензел Дамфрис му ја врати предноста на Интер во 80-та минута. Но во 89-та минута, Бисек направи глупав пенал, а Педро изедначи.

Во 96.минута Арнаутовиќ го постигна третиот гол за Интер, кој беше поништен поради офсајд.

Се одигра претпоследното, 37-мо коло од шпанската Ла Лига и беше возбудливо да се следат настаните и промените во сите 10 натпревари што се одиграа во терминот од 19 часот.

Најголемото изненадување, секако, е поразот на Барселона. Новиот шампион загуби на домашен терен од Виљареал со 2:3.

Барса, освојувач на „тројната круна“ во Шпанија оваа сезона, во славеничка атмосфера влезе во натпреварот.

Виљареал, поведе со голот на Перез, а до крајот на полувремето Барселона направи пресврт со головите на Ламин Јамал и Фермин Лопез.

Сепак, во второто полувреме, „жолтата подморница“, одговори на идентичен начин, дојде до победата со головите на Санти Комесања во 51-та минута и Бјукенен во 80-та минута.

Реал ја победи Севилја во Андалузија со 2:0. Реал се мачеше и славеше дури откако Севилја остана со двајца помалку на теренот. Баде поцрвене веќе во 12-та, а потоа и Ромеро во 46-та. Инаку, Ромеро на теренот влезе по паузата меѓу двете полувремиња.

Реал триумфираше со голотвите на Килијан Мбапе во 75-та и Џуд Белингем во 87-та минута.

Третото место на табелата го потврди Атлетико Мадрид со убедлива победа над Бетис со 4:1.

Хулијан Алварез го отвори резултатото со фантастичен гол од слободен удар. Аргентинецот од 29 метри ја скина „пајажината“ од голот на Адан. До рајот на полувремето деби голот за Атлетико го постигна Робин Ле Норман.

Бетис намали во вториот дел, брилијантен гол со ножички постигна Пабло Форналс. До крајот Алварез со својот втор гол и Кореа со последниот гол во кариерата пред домашните навивачи ставија точка на натпреварот. Анхел Кореа ќе го напушти Атлетико.

Покрај Барселона, Реал, Атлетико и Виљареал, наредната сезона во Лигата на шампионите ќе игра и Атлетик Билбао. Баските славеа со 1:0 на гостувањето во Валенсија.

Во последното коло ќе има интересна борба за седмото и осмото место, кои моментално ги заземаат Селта и Рајо Ваљекано. Вечерва Рајо победи во Виго со 2.1.

Иако домашните поведоа во 10-тата минута со голот на Алонсо од пенал, Палазон во 17-тата и Де Фрутос во судиското продолжение направија пресврт до крајот на првото полувреме.

Деветтопласираната Осасуна, која вечерва го победи Еспањол со 2:0, се бори за место во Европа.

Токму Еспањол (39 бода) заедно со Леганес (37) бода ќе стравуваат за опстанок во последното коло, иако пречекуваат два отпишани клуба.

Каталонците ќе му бидат домаќини на претпоследниот Лас Палмас, додека Леганес ќе го пречека последнопласираниот Ваљадолид.

Хаотичната фудбалска сезона во Хрватска ќе кулминира во последното коло, кога ќе биде решена шампионската трка меѓу Риека, Динамо и Хајдук.

Во дербито на претпоследното коло, и по големиот кикс на Динамо на „Максимир“ против Локомотива (1:1), Хајдук ја победи Риека во Сплит со 2:1 (1:0).

Одличен натпревар на „Пољуд“ наговести Марко Ливаја, кој постигна гол од пенал во 11-тата минута. Риека долго време го бркаше израмнување, имаше неколку шанси, а за 1:1 погоди Дује Чоп во 73-та минута.

MARKO LIVAJA COLD AS ICE!!!

PANENKA! HAJDUK ARE STILL IN THE TITLE RACE!#HNL #HAJRJKpic.twitter.com/DchbuzeFZV

— Croatian Football (@CroatiaFooty) May 18, 2025

DUJE ČOP EQUALISES FOR RIJEKA!!!

RIJEKA ARE ONE GOAL AWAY FROM WINNING THE TITLE!#HNL #HAJRJKpic.twitter.com/Hm17PPFPJz

— Croatian Football (@CroatiaFooty) May 18, 2025

Но, минута подоцна, Џенаро Гатузо прави извонредни измени кои му ја донесоа победата.

Италијанецот ги внесе Калиќ и Трајковски на теренот и двајцата го креираа голот за победа во 78-та минута. По асистенцијата на Иван Ракитиќ, македонскиот репрезентивец го постигна вториот гол за Хајдук.

ALEKSANDAR TRAJKOVSKI MAKES IT 2-1!!!#HNL #HAJRJKpic.twitter.com/f09iEN3d3f

— Croatian Football (@CroatiaFooty) May 18, 2025

Новиот шампион ќе биде познат во последното коло, следната сабота од 19:00 часот.

Риека (62 бода) ќе се сретне со Славен Белупо и во случај на победа, ќе стане шампион, бидејќи има подобар скор од Динамо (62), кој ќе игра против Вараждин на својот стадион.

Хајдук (60), кој ќе гостува кај Шибеник, ќе чека шанса, а тоа дека ќе се надева порази да доживеат и Риека и Динамо.