Спорт
(Видео) Арсенал падна во Њукасл
Foto/ EPA
Фудбалерите на Њукасл го совладаа Арсенал во натпреварот од 11. коло од Премиер лигата со 1:0 (0:0).
Победничкиот гол на натпреварот го постигна крилниот напаѓач на Њукасл, Ентони Гордон, кој ја искористи хаотичната ситуација пред голот на Арсенал и ја погоди мрежата во 64. минута.
Првото полувреме го одбележа голема борба на средината од теренот. Ниту еден тим не успеа да ја наметне во целост својата игра. Најбурно беше во 37. минута, кога Хаверц задоцни со стартот, грубо стартуваше, домашните бараа црвен картон, но Германецот сепак остана на теренот со жолт картон.
Одлична прилика во 54. минута имаше Ентони Гордон, кој до тој момент реално не се прослави. Ниту тогаш не успеа да ја погоди мрежата, но тоа го направи десет минути подоцна. Жоелингтон го доби дуел со Габриел и топката се одби покрај Гордон, кој ја затресе мрежата.
ВАР долго време ја проверуваше регуларноста на акцијата што му претходеше на голот – сомнително беше дали топката излезе надвор од границите на теренот, на крајот голот беше признаен.
Избраниците на Артета продолжија агресивно да се обидуваат да ја контролираат играта, напаѓаа, но сите тие напади не беа успешни.
Арсенал го претрпе првиот првенствен пораз сезонава и втор по ред во сите натпреварувања. Њукасл пред своите навивачи стигна до четвртиот последователен триумф во Премиер лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.