Спорт
(Видео) Асани со најубавиот гол оваа недела ја урна Полска, Митровиќ со хет-трик за Србија
Холандија и Србија забележаа важни гостински победи во квалификациските мечеви за Европското првенство во 2024 година, додека Албанија ја совлада и Полска за да се зацврсти на првото место во својата група Е.
Холанѓаните по катастрофалниот старт на квалификациите со 4:0 пораз од Франција, се враќаат со три побеи во низа, триумфирајќи на гостувањето во Даблин кај Република Ирска со 2:1. Домаќините дојдоа до експресно водство со гол од пенал уште во петтата минута преку Алан Ајда, но „лалињата“ во 19. минута израмнија исто така со гол од белата точка на Коди Гакпо. Трите поени за тимот на Роналд Куман ги обезбеди Вут Вегхорст во 56. минута.
Србите, пак, по домашниот пораз од Унгарија во претходното коло, стигна до 3:1 победа на гостувањето кај Литванија благодарение на хет-трикот на Александар Митровиќ (21., 32. и 43. минута).
Албанија продолжува да е едно од најпријатните изненадувања во овој квалификациски циклус, совладувајќи ја Полска со 2:0 за прво место на табелата и зголемување на притисокот на полскиот селектор, Фернандо Сантош. Несудениот македонски репрезентативец, скопјанецот Јасир Асани ги донесе домаќините во водство во 37. минута со апсолутно прекрасен гол, за Мирлинд Даку во 62. минута да го запечати триумфот.
Jasir Asani with goal of the week for sure. Take a bow #AlbPol #AlbaniavsPoland #AlbvsPol pic.twitter.com/kfeXuj7aSR
— MiryAlbania (@ErmirDunga) September 10, 2023
Albania 2-0 Poland – Mirlind Daku 62′pic.twitter.com/aRzGyLvnvf
— GoalRushHQ (@GoalRushHQ) September 10, 2023
Mitrovic (55) has scored more international goals than Rooney (53) and Giroud (54) after today’s first-half hat-trick for Serbia.
11 goals in his last 11 international apps.#EURO2024
— Sacha Pisani (@Sachk0) September 10, 2023
💛💙 Tadic Asist, Mitrovic Gol‼️
Dilan Polat Cevap V Şırnak Ferdi Kadıoğlu Suriyeliler Yusuf Şimşek Hakan Sabancı Celal Şengör Yalova Fatih Erbakan Rabia Birsen Hansi Flick Jota Guduric Nevşehir F-16 Namet Maç Sonucu Nicolas Pepe #taraftar6numaraistiyor pic.twitter.com/AJphgyhGqT
— Eren Yavuz💛💙 (@ErenYavuz88) September 10, 2023
Hace apenas 9 días facturó un hattrick con la camiseta de Al-Hilal 🇸🇦. Ahora repite, pero con Serbia 🇷🇸. 7 goles en sus últimos 5 juegos. Aleksandar Mitrovic es uno de los mejores delanteros del mundo.pic.twitter.com/bnox4u9zZt
— VarskySports (@VarskySports) September 10, 2023
ЕУРО 2024 КВАЛИФИКАЦИИ
ГРУПА Б
Грција – Гибралтар 5:0
Ирска – Холандија 1:2
ГРУПА Е
Албанија – Полска 2:0
ГРУПА Г
Литванија – Србија 1:3
ГРУПА Х
Сан Марино – Словенија 0:4
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кризата се продлабочува, Ливерпул испадна од Лига купот
По четири последователни порази во Премиер лигата, фудбалерите на Ливерпул се елиминирани од Лига купот. На „Енфилд“ Кристал Палас го победи Ливерпул со 3:0.
Кризта во Ливерпул се продлабочува, екипата на Арне Слот, има шест порази на последните седум натпревари.
За поразот во Лига купот оправдување на холандскиот тренер не моѓе да му биде ниту фактот што играше со „шарен состав“.
Исмаила Сар со два гола во интервал од четири минути, во првиот дел ја најави елиминацијата на „црвените“.
Ливерпул го нокаутира Јереми Пино во финишот на натпреварот.
Арсенал беше сигурен дома против Брајтон.
На „Емирати“, головите на Енванери и Букајо Сака му овозможија на тимот на Микел Артета успешно да го мине осминафиналето на Лига купот.
Енванери погоди во 56-тата минута, а Сака 20 минути подоцна.
Манчестер Сити се мачеше против Свонси, но победи по пресврт со 3:1. Домашниот тим поведе преку Франко во 12-та минута, израмни Доку во 39-та минута, кога Доку.
Изненадувањето го спречи Мармуш, кој донесе пресврт со гол во 77-та минута, а Черки со гол во 90+3-тата минута го потврди триумфот на својот тим.
Челзи го реши прашањето за победникот на полувремето на гостински терен против Вулверхемптон, на крајот се мачеше но победи со 4:3. „Сините“ постигнаа дури три гола во првиот дел од играта.
Стрелци беа Андре Сантос во петтата минута, Џорџ ја удвои предноста во 15-та минута, а се покажа дека победата ја обезбеди Естевао со гол во 41-та минута.
Надежта на домашниот тим ја врати Арокодаре, кој постигна гол во 48-та минута, а кога гол постигна и Вулф, Вулверхемптон се надеваше на чудо. Сепак, сè беше завршено кога Гитенс постигна гол за Челзи во 90-та минута, а две минути подоцна Волф повторно постигна гол за домашниот тим и го постави конечниот резултат.
Спорт
Вељко Пауновиќ ќе биде новиот селектор на Србија
Вељко Пауновиќ ќе биде новиот селектор на српската фудбалска репрезентација. Иако нема потврда од куќата на српскиот фудбал, ниту од идниот селектор, „Спортклуб“, повикувајќи се на свои извори тврди дека двете страни постигнале договор.
Според овој извор, се очекува оваа информација официјално да биде потврдена во четврток.
Во мир, далеку од притисокот на јавноста, и со претходно зелено светло од Извршниот одбор на ФСС, генералниот секретар на Српскиот фудбалски сојуз, Бранко Радујко, во Мадрид, водел тивки преговори со единствениот сериозен кандидат. Конечно, по конкретни дискусии и решавање на посериозни пречки, позитивен одговор дојде од Шпанија.
Конечниот договор доаѓа пред дефинирањето на списокот за натпреварите со Англија и Латвија. Сепак според непотврдени информации, иако претставниците на ФСС, поточно генералниот секретар Бранко Радујко, ја застапуваа тезата за преземање на тимот веќе во претстојните натпревари, желбата на Пауновиќ била да започне нов мандат, однсно да го преземе националниот тим во јануари 2026 година.
Вељко Пауновиќ ќе биде 12-от селектор со полно работно време на Србија. Тој ќе го наследи Драган Стојковиќ на клупата, кој остави зад себе рекорден ангажман, кој траеше четири години и осум месеци.
Foto/ EPA
Спорт
(Видео) Рома му се придружи на Наполи на врвот, Јувентус против Удинезе ја прекиан лошата серија
Јувентус, Рома и Комо забележаа победи во деветтото коло во Серија А.
Во првиот меч без Игор Тудор, Јувентус го победи Удинезе со 3:1. Јувентус, по осум натпревари во кои не знаеше за победа и четири без постигнат гол, дојде до четвртата победа во првенството.
Домашните играчи поведоа со голот на Душан Влаховиќ. Српскиот фудбалер беше прецизен од пенал во петтата минута. Ова беше прв гол за Влаховиќ по пауза од еден месец.
Израмнувањето дојде во судиското продолжение од првото полувреме, кога Николо Заниоло ја затресе мрежата на Ди Грегорио.
Решавачкиот момент се случи во 67-та минута, кога Федерико Гати со глава ја смести топката во мрежата по центаршутот на Камбијазо. Конечниот резултат го постави Јилдиз од пенал во 95-та минута.
По оваа победа, Јувентус скокна на шестото место со 15 бода, додека Удинезе остана на деветтото место со 12 бода.
Во следното коло, Кремонезе ќе биде домаќин на Јувентус, додека Удинезе ќе биде домаќин на Аталанта.
Рома за малку против Парма ќе направеа од готово вересија. Сепак, најважно за тимот на Џанпјеро Гасперини е што оствари уште една победа.
Рома ја победи Парма со 2:1 на Олимпискиот стадион.
Рома сега е изедначена на првото место со Наполи со 21 бод, додека Парма е на дното на табелата.
Рома можеше да поведе по првото полувреме од натпреварот, но голот на Суле беше поништен поради офсајд.
Сепак, Римјаните поведоа по 63-та минута од натпреварот кога Ермосо, по асистенција на Паоло Дибала, ѝ донесе водство на Рома.
Вториот гол за Рома го постигна Артјом Довбик во 81-вата минута.
Киркати ѝ даде надеж на Парма да избегне пораз, но бодовите останаа во главниот град на Италија.
Во следното коло, Рома ја чека дербито со Милан, а Парма ќе ја пречека Болоња.
Комо славеше како домаќин против Верона 2:1.
Дувикас го доведе тимот на Сеск Фабрегас во водство. Суат Сердар израмни, додека Стефан Пош му донесе на Кому три бода.
По девет кола, Комо е на четвртото место со 16 бода, додека Верона е на 17-то место.

