Спорт
(Видео) Астон Вила го победи АЗ, Фенербахче поразен од Лудогорец
![](https://makfax.com.mk/wp-content/uploads/2023/11/11829402.jpg)
Foto/ EPA
Во терминот од 21 часот се одиграа седум натпревари од четвртото коло од групната фаза во Конференциската лига.
Група А
Слован Братислава 1:1 Лил
Олимпија Љубљана 2:0 Класвик
Херој на Слован вечерва е српскиот напаѓач Александар Чавриќ. Тој го постигна голот за 1:1 во 80. минута им донесе бод на домашните. Пред тоа Лил поведе по седум минути игра во вториот дел, стрелец беше Анхел Гомез.
Во Љубљана, Олимпија се мачеше против Класвик од Фарски Острови, но црвениот картон на играчот од средниот ред на гостите Фредериксберг во 63. минута им ја олесни работата на Словенците, кои на крајот стигнаа до три бода со головите на Давид Де Дена Фернадеш. и Мустафа Нуркиќ.
Група Х
Лудогорец 2:0 Фенербахче
Лудогорец во Разград славеше против фаворизираниот Фенербахче. Бугарскиот шампион победи со головите на Јакуб Пјатковски во првиот дел и Руан Сек во финишот на вториот дел од натпреварот.
Група Б
Брејдаблик 2:3 Гент
Зорја 1:3 Макаби Тел Авив
На Исланд, Бреидаблик ја пропушти можноста да дојде до првите европски бодови против Гент. Домашните водеа на полувремето 2:1, но гостите во продолжението успеаја да направат пресврт. Хет-трик за Гент постигна Нигериецот Гифт Орбан.
Макаби лесно ја совлада Зорја, Перец постигна два, а Лукасен еден гол за гостите, додека „утешниот“ гол за Зорја беше дело на Алфиренка.
Група Е
Астон Вила 2:1 АЗ Алкмар
Во едно од дербијата на денот, Вила губеше од АЗ по 60 минути, но успеа да направи пресврт и да победи. Гостите поведоа со голот на Павлидис во 52. минута, а израмни Диего Карлос. Воткинс со гол на десет минути пред крајот им донесе славје на домашните.
Група Д
Клуб Бриж 2:0 Лугано
Белгискиот клуб Бриж вечерва беше сигурен во дуелот со швајцарскиот Лугано, а головите вредни три бода за домаќинот ги постигнаа Тиаго и Ванакен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва