Спорт
(Видео) Аталанта го прегази Ливерпул, Рома победи во Милано

Аталанта, Бенфика, Баер Леверкузен и Рома стекнаа предност по првите четвртфинални натпревари во Лига Европа.
Аталанта среде Ливерпул ги прегази „црвените“ со 3:0. Јирген Клоп мечот го започна со комбиниран состав и тоа скапо го плати.
Два гола постигна Џанлука Скамака, а последниот гол во 83.минута е дело на Марио Пашалиќ.
Италијанското дерби и припадна на Рома. Римјаните славеа во Милано со 1:0. Повторно херој на Рома е дефанзивецот Манчини. Минатиот викенд го реши градското дерби против Лацио, а вечерва во Милано го постигна единствениот гол во 17.минута.
Баер Леверкузен не знае за пораз оваа сезона. Играчите на Чаби Алонсо 83.минути го кршеа отпорот на Вест Хем. На крајот славеа со 2:0, со головите на Хофман во 83. и Бонифејс во 91.минута.
На „Луж“ во Лисабон, Бенфика го победи Олимпик Марсеј со 2:1. Имаа домаќините предност од два гола, преку рафа Силва во 16. и Ди Марија во 52.минута, но најдобриот стрелец во историјата на ова натпреварување, Обамејанг со голот во 67.минута ги задржа надежите на францускиот тим дека ќе може да дојде до полуфиналето.
Реваншите се на програмата наредниот четврток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Мело Ентони влегува во Куќата на славните

Легендарниот кошаркар Кармело Ентони ќе биде примен во Куќата на славните.
„Ентони ќе стане првиот кошаркар што ќе влезе во Куќата на славните на Нејсмит оваа година“, објави кошаркарскиот инсајдерски Шамс Чаранија.
Кармело зад себе има неверојатна кариера со 19 години минати во НБА и за тоа време шест пати успеа да биде член на најдобрата петорка во сезоната.
Покрај тоа, Ентони беше учесник на десет Ол-стар натпревари, додека со репрезентацијата на САД освои дури шест златни медали на Олимписките игри.
Популарниот Мело својата најголема трага ја остави во тимот на Денвер Нагетс каде настапуваше осум години. Потоа шест години беше член на Њујорк Никс, а на залезот на кариерата играше за Оклахома, Хјустон, Портланд и Лос Анџелес Лејкерс, кој беше неговиот последен клуб во кариерата.
Спорт
Ивица Костелиќ затрупан од лавина – Хрватот преживеа нова драма

Најдобриот хрватски скијач на сите времиња, Ивица Костелиќ преживеа нова опасна ситуација. „24ur.com“, објави дека Ивица Костелиќ бил затрупан од лавина во Обертауерн, Австрија.
Се се завршило добро бидејќи според неофицијални информации Ивица Костелиќ и уште едно лице биле однесени со спасувачки хеликоптер. Наводно, еден од двајцата скијачи успеал сам да влезе во хеликоптерот, додека другиот бил ископан од под снегот.
Ивица Костелиќ е во Обертауерн, според словенечките медиуми, на скијање со семејството, односно со сопругата Ерин и четирите деца. Како точно се нашол затрупан од лавина се уште не е познато.
Познато е дека пред два дена австриските метеоролози предупредија на влошување на времето, а знакот за опасност од лавина го подигнаа на четири од максимални пет.
Да потсетиме, пред само три недели Ивица Костелиќ беше спасен од смрт во невреме кај црногорското крајбрежје од локалната морнарица, чии припадници успеаја да го лоцираат среде ноќ додека очајно се држеше за кајакот со последните сили.
Имаше уште една потенцијално опасна ситуација која Ивица Костелиќ успеа да ја надмине. Имено, пред осум години тој за малку ќе замрзнал на Гренланд додека ги минувал тамошните пространства на скии.
Спорт
Топ 5 најдобри атмосфери во Евролигата според Ти Џеј Шортс

Ти Џеј Шортс, американецот со македонски пасош, оваа сезона блеска во Евролигата. Играчот на Париз се наоѓа во најтесниот круг за престиѓната МВП награда, за најдобар играч во сезоната.
Шортс во подкастот „Americanos24“, откри во која арена е најжешка атмосферата.
„Мојот број четири е Жалгирис. Број три, го избрав Фенербахче. Тој натпревар што го игравме беше луд. Публиката беше бесна на судиите. Беше лудо до крајот, а јас дури и испратив порака на Чима по натпреварот за да му кажам дека луѓето ме довикуваа од трибините и ми зборуваа се и сешто. Најчесто не ги слушам тие работи, но тие луѓе од страната на теренот беа навистина присутни и јас ги чувствував цело време. На второто место ја одбирам Звезда. Кога игравме против Партизан, беше ден на жалост, така што не го добивме целосното искуство. Салата не беше целосно полна, не им беше дозволено да пеат цело време. Но, многу јасно се сеќавам на Звезда. Кога излеговме на загревање, публиката веќе беше во елемент.
Според Шортс најдобра атмосфера правата фановите на Панатинаикос. Париз пред една недела му гостуваше на европскиот првак и забележа сензационална победа.
„Панатинаикос. Салата е реновирана, изгледа многу чисто и модерно. Јас не сум најголемиот љубител на ЛЕД паркетот, но штом започна играта, целосно заборавив на тоа. Публиката беше неверојатна, особено на крајот од натпреварот. Беше навистина лудо“, заклучи Ти Џеј Шортс.