Спорт
(Видео) Аталанта ја мина групата, блиску до нокаут-фазата се Марсеј, Фрајбург и Вест Хем
Фудбалерите на Аталанта на две кола до крајот на фазата по групи изборија место во нокаут-фазата, во Лига Европа. По вечерашните натпревари блиску до 1/16 финалето се Фрајбург и Вест Хем.
Група А
Фрајбург – ТСЦ 5:0
Вест Хем – Олимпијакос 1:0
„Чеканите“ од Лондон остварија многу важна победа и практично се на чекор од пласман во следната рунда. Вечерва Вест Хем го победи Олимпијакос со голот на Пакета во 72. минута.
Фрајбург испорача „петарда“ во мрежата на српскиот претставник ТСЦ од Бачка Топола. Германскиот тим имаше гол предност по првото полувреме, но во второто до врв ја наполни мрежата на ТСЦ, Интересно петте гола ги постигнаа пет различни фудбалери.
Група Б
АЕК – Марсеј 0:2
Ајакс – Брајтон 0:2
Шок за АЕК во Атина, шампионот на Грција не можеше против Марсеј, гостите ги однесоа бодовите и сега се на прагот од пласман во следната фаза.
Мбемба ги доведе гостите во водство во 25. минута, а Сар погоди во последните моменти од играта за конечни 0:2.
Група Ц
Бетис – Арис Лимасол 4:1
Ренџерс – Спарта 2:1
Бетис лесно го совлада Арис. Поведе преку Иглесијас во 34. минута. Гостите постигнаа гол на стартот од вториот дел, но истиот беше поништен поради офсајд, па домашните преку Руибал го постигнаа вториот гол. Фекир промаши пенал во 76. минута, но сето тоа го поправи Рока во 79. минута од играта.
Кокорин намали на 3:1, но во четвртата минута од судиското надополнување се беше решено бидејќи Езалзули погоди за конечниот резултат.
На „Ајброкс“ Ренџерс реши многу проблеми во првите 20 минути, Данило во 12. минута ги донесе домашните во водство, а Кантвел осум минути подоцна зголеми на 2:0.
Гостите беа солидни до крајот, успеаја да го намалат резултатот во 77. минута преку Хараслин, но немаа сили за нешто повеќе.
Група Д
Аталанта – Штурм 1:0
Спортинг – Раков 2:1
Аталанта е во нокаут-фазата откако го совлада Штурм во директен дуел за пласман понатаму. Прашање е само дали Аталанта ќе го освои првото или второто место во групата.
Тие го совладаа австрискиот клуб со 1:0, единствен стрелец на овој меч беше Џимшити во 50. минута.
Во вториот меч работата на Спортинг му беше олеснета бидејќи играше со играч повеќе од 12 минути кога Раковитан „поцрвене“. Двата гола од пенал ги постигна Гонсалвеш. Гостите со голот на Рундиќ само го ублажија поразот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Жестока казна за Естудијантес за непочитување на шампионот Росарио централ
Аргентинската Фудбалска Асоцијација (АФА) жестоко ги казни играчите и раководството на Естудијантес откако им го свртеа грбот на играчите на Росарио за време на шпалирот за шампионот.
Фудбалерите на Росарио Централ неодамна беа прогласени за шампиони на Аргентина за 2025 година. АФА ги промени правилата по завршувањето на сезоната. Шампионската титула му припаѓа на тимот што освои најмногу бодови во оваа календарска година. Ова значи дека бодовите од Апертура и Клаузура се собираат заедно.
Апертура и Клаузура се два полусезонски турнири. Апертура („отворање“) се игра во втората половина од календарската година (од јули до декември), а Клаузура („затворање“) во првата половина од следната година (од јануари до јуни).
Според критериумите на АФА, Росарио Централ е најдобар со 66 бода, четири повеќе од Бока Јуниорс.
Според сегашните правила, тимот со најмногу бодови обезбеди учество само во Копа Либертадорес следната година. За шампиони беа прогласувани најдобрите во Апертура и Клаузура.
Одлуката на АФА, на овој начин да им ја додели титулата на Росарио Централ, предизвика многу критики во Аргентина.
Фудбалерите на Естудијантес решија да протестираат. Во пресрет на натпреварот против Росарио, тие направија шпалир за шампионите, но откако излегоа од тунелот, им го свртеа грбот.
Со тој потег, тие покажаа дека не се задоволни од одлуката на АФА да го прогласи Росарио за шампион.
Last week, Argentina's FA created a new trophy with no warning, gave it to Rosario Central and made Estudiantes give a guard of honor. The players turned their backs in protest 🇦🇷
The AFA has now banned all 11 players for two games next season. Wild 😳pic.twitter.com/dHore9kFw5
— Men in Blazers (@MenInBlazers) November 27, 2025
Аргентинската фудбалска асоцијација објави строги казни за играчите и клубот. Единаесет играчи кои започнаа на натпреварот против Росарио беа суспендирани на два натпревари. Тие можат да ја отслужат суспензијата во следната сезона.
Претседателот на клубот, Хуан Себастијан Верон, исто така, беше казнет со парична казна. Тој беше суспендиран шест месеци од сите активности поврзани со фудбалот.
Клубот беше казнет со нешто повеќе од 70.000 евра. Капитенот Сантијаго Нуњез не смее да ја носи капитенската лента во следните три месеци.
„Ставот на свртување грб на шампионот испраќа порака за обезвреднување на спортските достигнувања на другите“, објави Дисциплинската комисија, додавајќи дека чинот „не е неморален“.
Спорт
Азербејџан архивиран, кошаркарите се насочија кон Република Ирска
Македонија имаше успешен почеток на претквалификациите за пласман на Евробаскетот 2029 година. Македонија го победи Азербејџан со 87:49.
Убедливиот триумф ќе им ја зголеми самодовербата на кошаркарите, пред гостувањето во Даблин кај Република Ирска.
„Ова беше заслужена победа. Морам да ја пофалам тимската хемија и енергија која постои во овие три дена. Никогаш ниту преценуваме, ниту потценуваме некого. Но мора да ги пофалам играчите дека за краток период функционираа одлично, и тоа што го покажаа на теренот и го покажува и семафорот, е заслужено. Овој дуел со Азербејџан го забораваме и архивираме и останува да се спремиме за она што ни следи – Ирска.
Мора да направиме добар скаутинг и во краткиот период да ги рехабилитираме играчите кои имаат поголема минутажа и се повозрасни. Мора да функционираме со енергија на високо ниво, а без разлика кој е на другата страна, мора да бидеме максимални“.
На своето деби за репрезентацијата на Македонија, Омари Мур дојде до скор од шест поени, исто толку скокови и девет асистенции.
„На овој меч играше Омари Мур затоа што има промена во нивниот тим кај натурализираните играчи, па ние решивме да користиме играч на бековската позиција. Секако дека Мур ги оправда очекувањата на стартот, иако дојде веднаш по мечот со Баерн.
Се вклопивме добро, и станува збор за вистински професионалец и позитивна личност. Можеби јавноста очекуваше дека ќе се случуваат атракции и многу поени, сепак, тој донесе стабилност и ја држеше целата екипа со искуството кое го носи со себе. Добро ја постави својата игра и си ја заврши задачата“, рече по натпреварот селекторот Илиевски.
Спорт
Иран ќе ја бојкотира ждрепката за Светското првенство
Иран одлучи да го бојкотира извлекувањето на групите за Светското првенство во фудбал во 2026 година откако САД одбија да им издадат визи на неколку членови на нивната делегација, објави во петокот Иранската фудбалска асоцијација.
Извлекувањето на групите за Светското првенство, кое ќе се одржи во САД, Мексико и Канада следното лето, ќе се одржи на 5 декември во Вашингтон.
„Ја информиравме ФИФА дека донесените одлуки не се поврзани со спортот и дека членовите на иранската делегација нема да учествуваат на извлекувањето на Светското првенство“, објави портпаролот на Иранската фудбалска асоцијација на државната телевизија.
Локалните медиуми јавуваат дека претседателот на Иранската фудбалска асоцијација, Мехди Таџ, како и извршниот директор на националниот тим, Мехди Харати, се меѓу службените лица кои не добиле виза. Иранската новинска агенција Тасним објави во октомври дека Американците одбиле визи за вкупно седум ирански службеници.
Иран се наоѓа во вториот шешир пред ждрепката извлекувањето, заедно со Хрватска,
Мароко, Колумбија, Уругвај, Швајцарија, Јапонија, Сенегал, Јужна Кореја, Еквадор, Австрија и Австралија.
Иранците учествувале шест пати на светските првенства и никогаш не ја поминале групната фаза.
Foto/ EPA
Мицкоски: Имам информации дека судија известител ставил потпис на извештајот со кој се укинува линеарното покачување на пензиите
„Ќе кажам дека вчера за време на пратеничките прашања бев многу прецизен и кажав дека имам информации дека е отпочната...
Mаж најден починат утрово на тротоар на „Илинденска“
Утрово околу 07:00 часот, во полицијата било пријавено дека на тротоар на булеварот „Илинден“ во Скопје бил пронајден починат Т.К....
(Видео) Мицкоски: Без ефикасна и чесна даночна администрација нема силна економија и одржливи јавни финансии
Без ефикасна и чесна даночна администрација нема ниту силна економија, ниту одржливи јавни финансии, ниту држава што може да планира...
Струмичанецот што со шприц сакаше насилно да ѝ вшприца на сопругата пестицид ќе одговара за обид за убиство
Струмичанец со шприц сакал насилно да ѝ вбризга на сопругата пестицид. Таа почнала да вика, а двете малолетни деца слушнале...
Водата во ООУ „Димо Хаџи Димов“ е исправна и може непречено да се употребува, велат од „Водовод“ по труењето во училиштето
Од ЈП „Водовод и канализација“ – Скопје информираат дека по извршениот вонреден мониторинг, водата во ООУ „Димо Хаџи Димов“ во...
(Фото) Отстранета дивоградба на улицата Орце Николов, Герасимовски најави расчистување на бесправните објекти
Во рамките на обемната акција за отстранување дивоградби, Општина Центар ја урна нелегалната доградба на деловен објект на улица „Орце...
Норвешки ветеран: НАТО влегува во фаза на распаѓање
Во блиска иднина, НАТО не само што би можел да ослабне, туку и да престане да постои како релевантен воено-политички...
Жителите на Чучер-Сандево тргнаа во наплата на изборните ветувања: ја бараат ветената канализација од градоначалникот Зоран Бајовски
Со уредно платени комуналии за куќите жителите на четири улици, кои припаѓаат на Општина Чучер-Сандево, иако се многу поблиску до...
Путин постави клучен услов за завршување на војната, Зеленски го отфрла
Рускиот претседател, Владимир Путин, вчера изјави дека ќе ја запре офанзивата во Украина само ако Киев се повлече од териториите...
Трамп со драстична мерка: „Трајно ја забранувам миграцијата од третиот свет“
Претседателот на САД, Доналд Трамп, најави драстична мерка – трајно суспендирање на миграцијата од сите земји од третиот свет. Шокантната...
Зеленски: Украинските и американските делегации ќе изработат „формула за мир“ оваа недела
Украинскиот претседател, Володимир Зеленски, денес изјави дека украинските и американските делегации ќе се состанат оваа недела за да ја изработат...
Мицкоски: Ако се жалат судиите со 3-4.000 евра месечни примања, тогаш како им е на дечињата во градинка кои немаат играчки за играње
Реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е...
Поради превенција од свлечиште на Водно надлежните на итна координација
Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...
Филков до СДСМ: Груевски има политички азил, се занимавате со циркус, а не со реална работа
Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...
Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти
Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: пешак удрен од автомобил пред гимназијата „Јосип Броз-Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откога Авганистанец застрела припадници на Националната гарда во близина на Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
