Спорт
(Видео) Атлетико го елиминираше Реал од Купот на Шпанија
Foto/ EPA
Фудбалерите на Атлетико Мадрид се пласираа во четвртфиналето, во Купот на Кралот. „Јорганџиите“, по продолженија го победија Реал со 4:2. Во регуларните 90 минути натпревато заврши 2:2.
Осум дена по полуфиналниот дуел во Суперкупот на Шпанија, кога Реал славеше по продолженијата со 5:3, градските ривали приредија нов спектакл. Разликата е таа што сега победи Атлетико и така го остави Реал без шанси да го одбрани трофејот освоен минатата сезона.
Дуелот во Купот, донесе атомски фудбал, два комични гола и ревија на жолти картони. Судијата Фернадез покажа по шест жолти за играчите на двата тима.
Атлетико два пати водеше во основниот дел, преку Самуел Лино во 39. и Алваро Мората во 57.минута, кога ја искористи лошата комуникација меѓу голманот Лунин и Ридигер.
Реал израмни на 1:1 со авто-голот на Облак во 46.минута од првиот дел, а во 83.минута на 2:2 изедначи Хоселу.
Третиот гол за Атлетико го постигна Гризман во 100.минута, по извонредна соло акција, а точка на мечот стави Рикелме во 119.минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.