Фудбалерите на Брентфорд и Челзи одиграа нерешено (2:2) во четвртото коло на Премиер лигата.

Ова беше натпревар полн со драма и пресврти, а на крајот, Брентфорд успеа да „извлече“ бод во 93-та минута.

На почетокот од натпреварот, Бранфорд успеа да воведе ритам што повеќе му одговара, се играше бавно, без големи шанси, а Челзи без Палмер тешко создаваше шанси.

Токму кога изгледаше дека полувремето ќе заврши без голови, во 35-та минута Брентфорд доби токму она што го сакаше. Брза контра, додавање од Хендерсон и егзекуција од Кевин Шаде му донесоа водство на Брентфорд.

Челзи започна многу офанзивно во второто полувреме. Палмер исто така влезе и веднаш придонесе. Во 61-та минута кога Педро му ја остави топката во шеснаесетникот, а Палмер елегантно и многу прецизно го погоди долниот лев агол за израмнување. Палмер имаше уште една одлична шанса во 75-та минута, но неверојатниот Келехер го одбрани неговиот удар.

Челзи во финишот изврши жесток притисок кон голот на Брентфорд. Инцијативата вроди со плод во 85-та минута, кога Каиседо постигна преубав гол.

Токму кога се чинеше дека Челзи ќе гги освои три бода, Карваљо ја казни индолентноста во одбраната и погоди за конечни 2:2.

Фото/ Принтскрин

Актуелниот шампион во Серија А, Наполи, лесно го мина гостувањето во Фиренца. Во третото коло, Наполи ја победи Фиорентина со 3:1. За Наполи, првиот меч по враќањето во клубот го одигра Елиф Елмас. Репрезентативецот на Македонија влезе на теренот во 69.минута на местото на Кевин Де Брујне.

Екипата на Антонио Конте стигна до триумфот релативно рутински, иако Вања Милинковиќ-Савиќ мораше неколку пати да интервенира во финишот за да не биде доведена во прашање победата во Фиренца.

Актуелниот шампион агресивно влезе во натпреварот, Расмус Хејлунд промаши изгледна шанса, а во продолжението на акцијата Ангиса избори пенал.

Кевин де Брујне беше немилосрден во шестата минута, а во 14-та минута, Хојлунд го искористи додавањето на Леонардо Спинацола и го дуплираше водството.

Сем Беукема постигна уште еден гол во 51-та минута за гостите, кои лесно создаваа шанси пред голот на Давид де Хеа.

Но во последните 10 минути Фиорентина неколку пати опасно се закани. Раниери постигна гол за Фиорентина во 79-тата минута.

Милинковиќ-Савиќ интервенираше добро во два наврати и ги спречи „виолетовите“ да внесат дополнитепла драма во натпреварот.

Foto/ EPA

Фудбалерите на Тотенхем, како гости, го победија Вест Хем во градското дерби (3:0), во четвртото коло од Премиер лигата. Вест Хем доживеа уште еден тежок поразо во пресметка со ривал од Лондон, откако претходно на домашен терен загубија и од Челзи (1:5).

Практично сè се случи во рок од 20 минути од второто полувреме, кога играчите на Тотенхем ги постигнаа сите голови, а „чеканите“ останаа со играч помалку.

Папе Сар постигна гол во 47-та минута, но работата на Тотенхем му беше олесната во 54-та по директниот црвен картон за Томас Соучек.

Следниот напад практично резултираше со гол на Лукас Бергвал во 57-та минута, а Мики ван де Вен стати точка на мечот во 64-та минута.

Тотенхем е втор на табелата со девет бода и го игра следниот натпревар против Брајтон на гости.

Вест Хем има само три бода, а во следното коло повотрно ќе пречека противник од Лондон. На Олимпискиот стадион ќе гостува Кристал Палас.

Foto/ EPA