Спорт
(Видео) Австрија пред фаворитите Франција и Холандија ја освои Д групата

Попладнево на Европското првенств во Германија ја добивме разрешницата во Д групата. Неочекувано, првото место го освои Австрија, пред Франција и Холандија. Полска уште во претходното коло испадна од ЕП.
Попладнево Австрија ја победи Холандија со 3:2 (1:0), а Франција и Полска ремизираа 1:1 (0:0).
Австрија, ја надигра Холандија, одлично го отвори натпреварот, почетниот притосок резултираше со автоголот на Мален во шестата минута.
Најдобрата шанса ја имаа Холанѓаните преку Дониел Мулен во 23. минута, кој можеше да се искупи за автогол, но неговиот удар заврши покрај десната статива.
Само што започна вториот дел, Холандија израмни. Симонс повлече од средината и додаде до Гакпо, кој фантастично ја заврши акцијата и го израмни резултатот. Австрија повторно поведе само 13 минути подоцна. Грилич се проби по левата страна, упати центаршут, а Шмид со глава ја упати топката во голот за ново водство.
Ново израмнување имаше во 75. минута. Депај одлично го искористи додавањето на Вегертс и израмни, а Сабицер само пет минути подоцна и донесе нова предност на Австрија.
Во Дортмунд, Франција одигра уште еден просечен натпревар. Не помогна ниту Мбапе, кој со маска го одигра целиот натпревар.
Првата шанса ја имаше Полска. Пјотр Зиелински шутираше од 18 метри, Мењан одбрани. После тоа Франција се ослободи од притисокот, па одлични шанси имаа Ернандез и Дембеле, но Скорупски беше одличен на голот во текот на целиот натпревар.
Мбапе, потоа имаше две стопроцентни шанси кои ги одбрани Скорупски.
На почетокот на вториот дел Скорупски повторно доби еден дуел со Мбапе.
Во 55. минута Дембеле се проби по десната страна, Јакуб Кивиор го фаулираше и судијата досуди пенал. Мбапе ја презеде одговорноста, шутираше и го постигна својот прв гол на Европското првенство.
Полска доби пенал во 77. минута. Левандовски го промаши пеналот, но судијата го повтори извршувањето, бидејќи Мењан беше излезен од гол-линијата. Вториот пат полскиот голгетер не погреши и и донесе бод на полската репрезентација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Евертон плати 40 милиони евра за Диблинг

Поранешниот фудбалер на Саутемптон, 19-годишниот Тајлер Диблинг, ќе ја продолжи кариерата во синиот дрес на Евертон.
Клубот од Ливерпул потпиша четиригодишен договор со талентираниот фудбалер, а „Светците“ ќе добијат 35 милиони фунти (околу 40,5 милиони евра) како обештетување, евентуално уште пет милиони во бонуси, што е вкупно 40 милиони фунти (околу 46 милиони евра).
Диблинг дебитираше за Саутемптон кога имаше само 17 години, а во Евертон ќе го носи дресот со број 20.
Диблинг е осмото засилување за тимот на Дејвид Мојес ова лето.
Пред него пристигнаа Џек Грилиш (позајмен од Манчестер сити), Карлос Алкараз (Фламенго), Тиерно Бери (Виљареал), Марк Траверс (Борнмут), Адам Азну (Баерн), Кирнан Дјусбери-Хол (Челзи) и Том Кинг (Вулверхемптон).
Во второто коло од Премиер лигата, Евертон за прв пат играше на новиот стадион „Хил Дикинсон“ и го победи Брајтон со 2:0.
Foto/ Everton FC
Спорт
16-годишно момче во 100-тата минута му донесе победа на Ливерпул – Кој е Рио Енгумоу?

Неверојатно драматичен натпревар на „Сент Џејмс Парк“, синоќа одиграа Њукасл и Ливерпул. „Црвените славеа со 3:2, во последниот натпревар од второто коло на Премиер лигата.
Со играч помалку и два гола негатива, Њукасл успеа да израмни во 88-та минута и реално, според сè што се случуваше на теренот, домашните не само што заслужија бод, тие заслужија да победат.
И кога изедначија, и покрај тоа што беа со играч помалку, тие напаѓаа за победа. На крајот едно невнимание и лошата поставка во одбраната, го искористи тинејџерот на Ливерпул, Рио Енгумоу.
Тој влезе во игра во шестата минута од судиското продолжение наместо Коди Гакпо и во 100-та минута му донесе победа на Ливерпул.
Тој стана најмладиот стрелец во историјата на клубот. И тоа на своето деби во Премиер лигата.
Рио Енгумоу има 16 години (за неколку дена, на 28 август, ќе го прослави својот 17-ти роденден).
Станува збор за поранешен ученик на Академијата на Челзи и младински репрезентативец на Англија по потекло од Нигерија. Англиските медиуми велат дека не можат да си простат на „Стемфорд Бриџ“ што дозволиле таков талент да го напушти клубот. Тој дојде во Ливерпул минатото лето, играше во младинската Лига на шампиони, но Арне Слот брзо го префрли да тренира со првиот тим.
Дебитираше за првиот тим на Ливерпул на 11 јануари 2025 година и стана најмладиот стартер во историјата на клубот во победата од 4:0 против Акрингтон Стенли во ФА Купот. Имаше точно 16 години и 135 дена.
Значи, за неколку дена ќе наполни само 17 години, а веќе покажува неверојатен талент и спортска дрскост. Англиските медиуми ја објавија неговата самоуверена изјава пред неколку месеци:
„Навистина верувам дека еден ден можам да ја освојам Златната топка. Сакам да станам фудбалска легенда и еден од најдобрите играчи на сите времиња“, рече Рио Енгумоа.
A star is born 🌟
Rio Ngumoha's dramatic winner for Liverpool made the wonderkid the fourth youngest goalscorer in Premier League history pic.twitter.com/MXJ4ZyVq8T
— Transfermarkt.co.uk (@TMuk_news) August 25, 2025
Спорт
Легендарниот Џејми Варди се сели во Серија А

Фудбалскиот клуб Кремонезе, по пауза од три години се врати во Серија А. Новата сезона во елитното друштво на италијанскиот фудбал, Кремонесе ја започна со сензационална победа на „Сан Сиро“ против Милан (1:2).
И покрај тоа што сезоната започна Кремонезе планира да донесе уште неколку играчи до крајот на преодниот рок. Кремонезе започна преговори со легендарниот напаѓач на Лестер, Џејми Варди (38), кој е слободен откако го напушти англискиот клуб, пишува „Скај Спорт Италија“.
Иако го прослави својот 38-ми роденден во јануари, Варди верува дека сè уште може да игра на највисоко ниво.
Тој стана достапен на пазарот откако му истече договорот со Лестер, клубот каде што помина 13 години и со кој, под водство на тренерот Клаудио Раниери, сензационално ја освои титулата во Премиер лигата во 2016 година.
Искуството од работата со италијанскиот стручњак би можело да го охрабри да се испроба во Серија А, што е она на што се надеваат во новиот италијански прволигаш.
Добро познатиот експерт за трансфери Џанлука Ди Марцио потврди дека преговорите се во тек и дека Кремонезе вложува големи напори да го убеди англискиот напаѓач дека доаѓањето во Италија е вистинскиот чекор за продолжување на кариерата.
Варди не е единственото големо име поврзано со клубот. Кремонезе наводно е блиску до договор за позајмица со право да го купи камерунскиот напаѓач Фарис Мумбања (25) од Олимпик Марсеј.