Њујорк Никс се на прагот да се пласираат во втората рунда од плејофот во Источната конференција.

Тимот на Том Тибодо ги победи Пистонс во Детроит вечерва по средноевропско време, во драматичен финиш со 94:93.

Резултатот сега е 3:1 во серијата за „Никербокерс“, а победникот во конференциското полуфинале ќе игра против подобриот од дуелот Бостон Селтикс – Орландо Меџик. Актуелните шампиони Селтикси водат со 2:1.

Апсолутен херој на оваа победа на Никс беше плејмејкерот Џејлен Бренсон, кој заработи повреда на глуждот во текот на натпреварот. Сепак, се врати на теренот во финишот и заедно со Карл-Ентони Таунс одигра клучна улога во „брејкот“ на тимот од Менхетен.

Херој на победата за тимот од „Големото јаболко“ беше Карл-Ентони Таунс, кој во последната минута погоди тројка со која тимот на Том Тибодо направи пресврт, а подоцна и победи.

Џејлен Брансон беше најефикасен во победничкиот тим со 32 поени и 11 асистенции, додека Таунс го заврши натпреварот со 27 поени и девет скока.

Кај Детроит се истакна Кејд Канингем со трипл-дабл (25-10-10), односно Тобијас Харис со 18 поени. Тим Хардавеј постигна поголем дел од своите 14 поени во финишот, додека Џејлен Дурен беше доминантен по обрачите со 17 скока.

Фото/ makfudbal.mk

Во минатото коло Воска спорт го напушти теренот, во ова тоа го направијафудбалерите на Гостивар. Натпреварот Гостивар – Работнички не го дочека крајот, бидејќи домашните фудбалери го напуштија теренот во 85.минута, веднаш по голот на „романтичарите“ за 1:2.

Инаку, главниот судија во записникот напишал дека уште пред почетокот на натпреварот бил предупреден дека Гостивар ќе го напушти теренот доколку го загубат натпреварот.

По повод најновиот скандал со соопштение се огласи и Фудбалската федерација на Македонија.

„На денешниот натпревар од Прва МФЛ меѓу ФК Гостивар и ФК Работнички бевме сведоци на срамен чин – свесно и организирано напуштање на теренот од страна на екипата на ФК Гостивар.

ФК Гостивар грубо ја изневерија фудбалската јавност и фер-плејот.

Наместо спортски да се борат до последниот свиреж, ФК Гостивар реши да избега од реалноста и вината за својата очајна постапка да ја префрли врз судиите.

Вистината е документирана: во официјалниот записник е наведено дека уште предвреме претставник на ФК Гостивар ги известил судиите дека екипата ќе се повлече доколку резултатот не биде во нивна корист.

Овој чин е смислен и намерен обид на одредени поединци кои поради финансиски побуди и неисполнети очекувања, избираат на најгруб начин да ја манипулираат јавноста и да ја деградираат фудбалската сцена.

Очигледно е дека последните одлуки на Управниот одбор на ФФМ во кои јасно беше најавено расчистување со криминалот и корупцијата во македонскиот фудбал се директна причина за оваа срамна постапка.

Тие кои со години беа навикнати на привилегии, денес, кога владеат правилниците, транспарентноста и фер-плејот, не можат да функционираат во регуларен систем.

И покрај оваа неодговорна и кукавичка постапка, ја уверуваме јавноста дека регуларноста на Прва МФЛ нема да биде нарушена. Првенството ќе продолжи по правилата и прописите од натпреварувањето.

Криминалните структури и ѓубрето во фудбалот ќе бидат целосно исчистени.

Фудбалската федерација на Македонија нема да дозволи уцени и притисоци.

Напротив – ФФМ ќе излезе уште посилна од овие координирани подземни постапки што интензивно се случуваат во последните денови.

Воска и Гостивар нема да бидат тие што ќе го валкаат македонскиот фудбал. Тие не го создале овој фудбал за да имаат право да го уништуваат. Секако, ќе завршат таму каде што навистина заслужуваат.

Нашата борба за чист фудбал нема враќање назад. Одиме до крај за регуларен, чесен и достоинствен македонски фудбал!“

Александар Зверев извојува тешка победа над Александар Давидович Фокина, но една одлука во финишот на вториот сет можеше да го смени текот на мечот.

Спорната ситуацијата се случи на 5:4 за Зверев во вториот сет, кога Шпанецот сервираше за израмнување и во првиот поен ја испрати топката во аут. Сите видоа дека топчето заврши надвор од теренот, но „хокај“ системот не се огласи.

Системот рече дека топката е добра и го додели поенот на Фокина, а Зверев беше бесен бидејќи јасно можеше да ја види трагата на земјената подлога.

Тој се обиде да му го објасни ова на главниот судија Мохамад Лајани, но тој, поради новите правила, можеше само да му каже дека не смее да слезе од столчето и да погледне каде паднало топчето.

Овие правила важат од оваа сезона, бидејќи е воведено автоматско следење на линиите на сите турнири и подлоги на АТП ниво.

„Ве молам, ве преколнувам, слезете долу и погледнете. Ве молам да ја промените вашата одлука, само дојдете и погледнете – за мене, ве молам“, му рече Зверев на судијата, но Лајани остана да седи во столчето.

Clay court tennis always delivers 📸😳#MMOpen pic.twitter.com/OqV8SAteyr

— Tennis TV (@TennisTV) April 27, 2025

Поради ова, во очај, Зверев го зеде телефонот и реши да ја фотографира трагата, а по натпреварот ја објави сликата на социјалните мрежи.

View this post on Instagram

A post shared by Tenisko Reketiranje (@reket.iranje)