Спорт
(Видео) Баерн се изнамачи со Сент Паули, Борусија го доби дербито против Лајпциг

Лидерот на табелата во Бундес лигата, Баерн го победи Сент Паули со 3:2 и ја задржа предноста од шест бода во однос на актуелниот првак, Баер Леверкузен. Во дербито на ова 27.коло, Борусија во Менхенгладбах го победи Лајпциг со 1:0.
Хари Кејн го отвори резултатот во 17. минута. Одбраната на гостите претходно погреши, Џамал Мусиала го проигра Мишел Олисе, кој брзо му ја додаде топката на Кејн, а најдобриот стрелец на Бундеслигата го постигна својот 22 гол сезонава.
Гостите од Хамбург им пружија достоен отпор на фаворитите и успеаја да израмнат точно десет минути по воведниот гол на Баварците. Одбраната на Баерн за момент заспа, што го искористи Гркот Салиакис и му асистираше на Тунижанецот Елиас Сада за 1:1.
Сепак, во вториот дел домаќините ја потврдија улогата на фаворити со двата гола на Лерој Сане, прво Олисех забележа уште една асистенција, а потоа Кејн за 3:1.
Во последните моменти од натпреварот гостите за добрата игра беа наградени со втор гол, постигнат од Ларс Ричка.
Во дербито на колото, Борусија Менхенгладбах пред своите гледачи го совлада РБ Лајпциг со голот на Алесано Плеа во 56. минута.
Со истиот резултат Хајденхајм славеше важна победа во борбата за опстанок, сите три бода во Волфсбург им ги донесе голот на Марвин Пирингер од пенал во 17. минута.
Најубедливата победа во саботата ја остварија фудбалерите на Вердер Бремен на гостувањето кај последнопласираниот Холштајн Кил. Вердер победи со головите на Марвин Дукш, Феликс Агуа и Марко Грул.
Победник немаше само во дуелот помеѓу Хофенхајм и Аугсбург. 1:1. Гостите од Баварија поведоа на самиот почеток од вториот дел со голот на Самуел Есенде, а израмни Андреј Крамариќ од пенал во 71. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал без Мбапе против Хетафе, под знак прашалнике е и за финалето на Купот

Првотимецот на Реал, Килијан Мбапе ќе го пропушти натпреварот против Хетафе поради повреда на скочниот зглоб на десната нога и е неизвесен за саботното финале од Купот на Кралот против Барселона.
„Се уште чувствува болка и нема да може да му помогне на тимот. Тој се повреди на натпреварот против Арсенал минатата среда и оттогаш прима терапија. Прави се за да биде на располагање во сабота”, изјави тренерот на Реал, Карло Анчелоти на прес-конференција.
Во меѓувреме, Реал беше елиминиран во четвртфиналето на Лигата на шампионите, од Арсенал. Мадриѓаните во Ла Лига заостануваат зад лидерот Барселона на четири бода, па најголема шанса за освојување на трофеј им е Купот. Финалето во Купот на програмата е в сабота од 22 часот, на стадионот „Ла Картуха“ во Севилја.
Мбапе не играше против Атлетик Билбао во неделата поради суспензија.
Спорт
УЕФА подели 233 милиони евра – Шкендија доби најмногу од македонските клубови

Европската фудбалска унија (УЕФА) подели 233 милиони евра на адреси на 901 клуб преку бенефит програмата.
Парите се исплатени на клубовите од сите 55 европски сојузи кои се членки на Европската фудбалска унија.
На овој начин УЕФА им додели на клубовите кои во периодот од 2020 до 2024 година им дозволија на своите играчи да настапуваат за нивните репрезентации во натпревари под покровителство на УЕФА.
Станува збор за два циклуса од Лигата на нациите, Европското првенство и квалификациите за Светското првенство.
Македонските клубови од оваа програма добија 150.000 евра. Парите се распределени на седум клубови, кои во наведениот период имале репрезентативци. Речиси половина од парите доби Шкендија, поточно 65.862 евра, следуваат Работнички со 25.613 евра, Академија Пандев со 21.954 евра и Вардар со 14.636 евра. Силекс, Шкупи и Македонија ЃП добија по 7.318 евра.
Најмногу пари во оваа распределба доби Манчестер сити (5,1 милиони), додека зад „граѓаните“ се Интер (4,6 милиони), ПСЖ (4,4 милиони), Баерн (4,3 милиони).
УЕФА соопшти дека бенефит програмата за клубовите е зголемена за 33 милиони во однос на претходната сезона и дека е зголемен бројот на клубови кои добиле пари, што е последица на поголемиот број репрезентации на ЕП.
ТУКА можете да го погледнете комплетниот список на клубови кои добиле пари од УЕФА.
Спорт
Димитриевиќ го напушта Милано?

Македонскиот репрезентативец Ненад Димитријевиќ (27) веројатно ќе го напушти Милано по само една сезона.
Димитријевиќ пристигна во Милано претходното лето, зад себе има солидна сезона (7,6 п, 2,9 ас) и неколку забележителни натпревари (на Реал му даде 22 поени, на Панатинаикос 15, на Фенербахче 15…), но тренерот Еторе Месина во моментов не смета на него.
Последниот меч за Милано Димитријевиќ го одигра на почетокот на април, против Реџана во лигата (9 мин, 4 п.).
Тој отсуствуваше на следните три натпревари, а италијанските медиуми пренесуваат дека Македонецот ќе го напушти тимот на крајот од сезоната иако има уште една година од договорот со клубот.
Неговиот поранешен клуб Уникс, каде Димитријевиќ ги одигра најдобрите натпревари во кариерата, сака да го врати во своите редови.
„Проблемот е што тој има договор со Милано и за следната сезона. Ненад сака да игра, а ние се обидовме да го доведеме пред почетокот на плеј-офот, но Месина беше тврдоглав. Очигледно, Месина не ја сака Русија иако работеше тука долги години со голем успех”, изјави долгогодишениот функционер во клубот, Евгениј Богачев.
Оперативецот на Уникс вели дека нема да се откаже од Димитиријевиќ, бидејќи многу ги цени неговите квалитети.
„На Ненад му е јасно дека е на возраст кога треба да игра, а не да седи на седи на клупата. Ова што му се случува сега може да влијае на неговата понатамошна кариера. Дали ќе се обидеме повторно да го доведеме? Ќе видиме што ќе се случи на лето”, изјави Богачев.
Во својата последна сезона во ВТБ лигата, Димитријевиќ имаше просек од 18,9 поени, 3,6 скока и 6,9 асистенции по натпревар. Во сезоната 2023/2024 беше МВП на лигата.
Инаку, Милано, минатото лето на Уникс му плати 100.000 евра за Димитријевиќ.