Спорт
(Видео) Бањаја убедлив на спринтот во Австрија по хаосот во првиот круг

Светскиот шампион и лидер во генерален пласман, Франческо Бањаја стигна до убедлива победа на спринтерската трка на Австриското ГП на Рд бул ринг пред Јужноафриканецот Брад Биндер, додека неговиот ривал за титулата, Марко Бецеки излета на првата кривина.
Возачот на Дукати, Бањаја го заддржа првото место од пол-позицијата, оставајќи го агресивниот Биндер зад него во првите неколку круга за да направи голема предност и да стигне до својата четврта спринтерска победа оваа сезона.
Хорхе Мартин заврши на третото место иако беше еден од највиновните за големата мешаница во првиот круг по кој трката заврши за Марко Бецеки, Мигуел Оливеира и Жоан Зарко, додека Маверик Вињалес и Фабио Квартараро загубија многу време. Мартин се обиде да помине на внатрешната страна на првата кривина и го „закачи“ Квартараро, кој потоа го турна кон Бецеки и кон другите возачи.
Бањаја пред утрешната главна трка во Шпилберг има 47 поени предност во генерален пласман пред Мартин, додека Бецеки е трет со 59 поени заостанување.
🚦 GAME ON IN AUSTRIA! 🚦@PeccoBagnaia gets the launch but there's chaos behind! 🤯#AustrianGP 🇦🇹 pic.twitter.com/ffrHQipxes
— MotoGP™🏁 (@MotoGP) August 19, 2023
🚨 LAST LAP 🚨@PeccoBagnaia is on his way to another #TissotSprint victory! 👏#AustrianGP 🇦🇹 pic.twitter.com/n0FYR2lul8
— MotoGP™🏁 (@MotoGP) August 19, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Панчев: Хуманитарен меч Вардар-Црвена звезда на 16. април

Легендата на македонскиот, југословенскиот фудбал и Црвена звезда, Дарко Панчев е скршен од тага по трагедијата во Кочани, во која во пожар во дискотеката „Пулс“ загинаа 59 лица, а преку 150 се повредени.
Европски и светски шампион со Црвена звезда, Панчев во разговор за „Спортклуб“, откри дека разговарал со генералниот директор на најтрофејниот српски клуб, Звездан Терзиќ, црвено-белите да му гостуваат на Вардар во Скопје. Идеката на Панчев е да се одигра хуманитарен натпревар.
„Останува само да се одреди датум, Црвена звезда за се ќе се договори со Вардар, директорот Терзиќ го спомна 16 април, благодарам, што друго да кажам. Во име на Кочани, Скопје и цела Македонија, Ви благодариме за грижата, за тоа што се прави за повредените, за нивниот транспорт и за лекувањето во Србија, благодареност до братскиот народ“, рече Панчев.
Спорт
Аргентина без Меси против Уругвај и Бразил

Капитенот на Аргентина, Лионел Меси нема да настапи на претстојните натпревари против Уругвај и Бразил.
Откако синоќа блескаше во победата над Атланта во МЛС лигата, Меси заработи повреда на мускулот, а по тестовите беше одлучено дека во овој прозорец нема да настапува за репрезентацијата.
Аргентина веќе обезбеди пласман на Мундијалот, прва е во јужноамериканскиот поредок со 25 бода, пет повеќе од Уругвај, па Лионел Скалони не сакаше ништо да ризикува.
Иако најави пензионирање, Меси сепак ужива во дресот на „гаучосите“, па останува да се види дали ќе игра и на СП 2026 година, кое сега не е така далеку, за нешто повеќе од една година.
Спорт
Стефан Ристовски ќе го напушти Динамо Загреб

Поранешниот капитен на фудбалската репрезентација на Македонија, Стефан Ристовски, веројатно ќе го напушти Динамо Загреб по завршувањето на сезоната. Ристовски, еден од капитените на најтрофејниот хрватски клуб со доаѓањето на тренерот Фабио Канаваро остана без местото во стартната посатав.
Договорот на Ристовски истекува на 30 јуни 2025 година, а потоа ќе стане слободен играч доколку, се разбира, во меѓувреме не потпише нов договор со актуелниот хрватски шампион. Платата на Ристовски според сегашниот договор е околу 700.000 евра годишно.
„Индекс“ пишува дека на подготовките му бил понуден нов договор, но со значително намалување. Новиот договор би бил за најмалку една третина помал од стариот, што значи дека Ристовски би можел да заработува околу 450 илјади евра годишно.
Во овој момент одлуката на Ристовски не е потврдена, но тој најверојатно нема да потпише нов договор. Проблемот не е во парите, туку во тоа што не е задоволен од статусот што би можел да го има следната сезона на „Максимир“.
Тој има 33 години и се уште може да најде сериозна минутажа во европскиот фудбал, а источните лиги и земјите кои нудат профитабилни договори се секогаш опција за играчите кои се пред крајот на кариерата.
Ристовски одигра 177 натпревари за Динамо и одигра важна улога во освојувањето на многу трофеи, но се чини дека и клубот и тој се повеќе се свесни дека влегуваат во нова ера.