Спорт
(Видео) Барселона го прегази Баерн, Лил среде Мадрид го шокира Атлетико

Барселона во дербито на колото го декласира Баерн, а Лил на „Метрополитано“ го шокира Атлетико. Победи вечерва забележаа Манчестер сити, Динамо Загреб, Феенорд, Ливерпул и Интер.
Барселона со камата ги наплати сите порази од Баерн во изминатите неколку сезони. Под водство на екс тренерот на Баварците, Ханси Флик и со хет-трикот на капитенот Рафиња Барселона победи со 4:1.
Каталонците го започнаа натпреварот на најдобар можен начин бидејќи Рафиња ја искористи грешката на дефанзивците на Баерн во првата минута и им донесе предност на домаќините. Баерн одговори во 10.минута кога на Кејн му беше поништен гол поради офсајд. Сепак, Англичанецот повторно ја погоди мрежата во 18. минута.
Тимот на Ханси Флик беше подобар во поголемиот дел од првото полувреме. Роберт Левандовски во 36. минута донесе ново водство за Рафиња уште еднаш да се запише меѓу стрелците пред да замине на пауза. Така Барселона имаше +2 на полувремето.
Второто полувреме започна со поголема иницијатива на тимот на Винсент Компани, но Рафиња повторно ја презеде одговорноста и го комплетира хет трикот во 56. минута. Домашните рутински го приведоа натпреварот кон крајот и ја забележаа втората победа во Лигата на шампионите.
Лил во претходното коло го победи Реал, а во ова на „Метрополитано славвеше над Атлетико со 1:3.
Апсолутен трагичар на мечот е напаѓачот на 2јорганџиите“ Серлот кој во првото полувреме два пати беше сам со голманот Шевалие и не успеа да постигне гол. Фанцускиот голман се истакна и кога успеа од гол линијата да го одбрани ударот на Хименез.
Атлетико поведе во осмата минута преку Хулијан Алварез, кој искористи една грешка на Туре.
Она што го промашија домашните фудбалери во првиот дел на наплата дојде во вториот. Жегрова во 61.минута постигна брилијантен гол, во 74.минута Лил направи пресврт со гол од сомнителен пенал. Точка на мечот стави Дејвид во 89.минута, откако Атлетико преку Лино и Симеоне не исористи уште две големи шанси.
Резултати:
Атлетико . – Лил 1:3 (1:0)
/Алварез 8 – Жегрова 61, Давид 74пен, 89/
Барселона – Баерн 4:1 (3:1)
/Рафиња 1, 45, 56, Левандовски 36 – Кејн 18/
Бенфика – Феенорд 1:2 (0:2)
/Актуркоглу 66 – Уеда 12, Миламбо 33/
Манчестер сити – Спарта Прага 5:0 (1:0)
/Фоден 3, Халанд 58, 68, Стоунс 64, Нунес 88/
Салцбург – Динамо Загреб 0:2 (0:0)
/Куленовиќ 49, Петковиќ 84/
Јанг Бојс – Интер 0:1 (0:0)
/Тирам 90+3/
Лајпциг – Ливерпул 0:1 (0:1)
/Нуњез 27/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бразил ја декласира Јужна Кореја

Бразилската фудбалска репрезентација ја победи Јужна Кореја со 5:0 во пријателски натпревар одигран во Сеул.
Екипата на Карло Анчелоти ја демонстрираше својата сила против една од најдобрите азиски селекции.
Двојни стрелци за „селесао“ беа Естевао (13, 47) и Родриго (41, 49), додека еден гол постигна Винисиус Жуниор (77).
Со играта, Бразил потсети на најдобрите денови на оваа репрезентација, Родриго, Естевао, Куња, Винисиус правеа што сакаат на теренот.
Foto/ EPA
Спорт
Галатасарај добил покана за НБА Европа

Техничкиот директор на Галатасарај, Дурсун Озбек, потврди дека овој клуб добил покана да игра во НБА Европа.
„Добивме покана за НБА Европа. Минатиот месец бевме во Женева на покана на ФИБА“, рече Озбек, објави „Јурохупс“.
„Тие сакаат Галатасарај да биде дел од оваа лига. Сè уште не е завршено, но добивме покана од организаторите. Ќе ја информираме јавноста за секој понатамошен чекор“, објасни Озбек. У
ште еден состанок меѓу ФИБА, Евролигата и НБА се одржа во Женева оваа недела. Изминатите неколку недели доаѓаат сè повеќе вести за новото натпреварување.
Во четвртокот, „Јурохупс“ дури објави и информации дека новото натпреварување би можело да започне веќе во 2027 година, дека ќе има 16 екипи, од кои 12 ќе имаат долгорочни договори, додека четири места ќе бидат отворени за квалификации.
НБА планира нови состаноци за следната недела во Лондон, кога треба да се сретнат со потенцијални инвеститори и партнери.
Спорт
(Видео) Дончиќ ја избра најдобрата атмосфера во Европа

Лука Дончиќ се подготвува за новата сезона со Лос Анџелес Лејкерс. Словенецот најде време да гостува во емисијата “First we feast”, каде што јадеше пикантни крилца.
Словенечкиот кошаркар добро се сеќава на атмосферата од Евролигата, играше во многу сали, но една му остави посебен впечаток.
Дончиќ сè уште се сеќава на лудилото што го создадоа навивачите на Панатинаикос кога го носеше дресот на Реал.
„Србија, Грција и Турција имаат најдобра атмосфера. Најжешката атмосфера во која играв беше кога му гостувавме на Панатинаикос. Не можев да ги слушнам моите соиграчи. Натпреварот започна и губевме со 20:0.“
Дончиќ ја освои Евролигата со Реал во својата последна сезона во Европа, а потоа беше прогласен за најмлад МВП во историјата на ова натпреварување. После тоа, тој отиде во Далас, а оваа година стана член на Лејкерс.
Luka says Panathinaikos has the best crowd he has ever played at
YT/firstwefeast pic.twitter.com/ys8GsJt9Ci
— Luka Updates (@LukaUpdates) October 9, 2025