Спорт
(Видео) Бесни се во Рајо Ваљекано: Секогаш истото се случува против нив

Серија несреќни околности или нешто повеќе, е прашањето што го поставува целата шпанска спортска јавност утрово, по ремито меѓу Рајо Вањекано и Барселона (1:1).
Поводот е пеналот што Ламин Јамал го претвори во гол во 40-та минута.
Не само што немаше основа за пенал по стартот на Чаварија токму врз Јамал, туку судијата Матео Бускетс немаше начин дополнително да ја провери својата одлука.
Причината е откажувањето на ВАР системот, со кој имаше проблеми од самиот почеток на натпреварот, што е мала утеха за домашните фудбалери.
Losing the ball to the defender?
Penalty for Barcelona! pic.twitter.com/zBI5Dr8ndN
— Hassan (@GreatWhiteNueve) August 31, 2025
Рајо успеа да израмни во второто полувреме и да стигне до бод, а победа на тимот од Мадрид спречи одличниот голман Џоан Гарсија, кој правеше чуда меѓу стативите.
По натпреварот, Иси Паласон, асистентот на голот на Рајо, рече дека судијата Бускетс им потврдил дека немало пенал.
„Судијата ни призна дека не беше пенал! Секогаш исто се случува против истиот тим“, беше бесен Паласон.
По три натпревари, Барса има седум бода и заостанува зад лидерите Реал и Атлетик Билбао, два тима имаат по три победи.
Фото/ Принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бретнфорд се согласи да го пушти Виса во Њукасл

Њукасл јунајтед веднаш ќе ги потроши парите од трансферот на Александер Исак. Швеѓанецот во рекорден трансфер, кога станува збор за Премиер лигата, се сели во Ливерпул. Сумата од 150 милиони евра, Њукасл ја вложи во Ник Волтемаде и Јоан Виса.
Напаѓачот на Штутгарт, Волтемаде пристигна во клубот пред неколку дена, а до крајот на денот, Виса ќе потпише договор со клубот од „Сент Џејмс Парк“.
Виса, во Њукасл доаѓа од Брентфорд во трансфер вреден 55 милиони фунти (околу 63,5 милиони евра). Клубовите се договориле, половина од сумата Њукасл да уплати веднаш, а половина наредната година. Во договорот постои клаузула која му гарантира на Брентфорд 25 отсто од наредната продажба на фудбалерот.
Виса, кој постигна 49 гола на 149 натпревари за Брентфорд, беше продаден откако во објава на Инстаграм го обвини клубот за прекршување на договорот и побара од сопствениците и директорите на клубот да го исполнат своето ветување и да му дозволат трансфер за да мопже да напредува во кариерата.
Напаѓачот од Конго јавно се пожали дека „клубот неоправдано му стои на патот и покрај низата фер понуди во текот на летото“, кои, како што тврдеше тој, биле договорени и ставени на хартија.
Виса во 2021 година дојде во Брентфорд од Лориен. Минатата сезона беше еден од најдобрите напаѓачи во Премиер лигата, постигна 19 голови.
Фото/ Принтскрин
Спорт
„Фармацевтите“ од Леверкузен му врачија отказ на Тен Хаг

Баер Леверкузен објави дека клубот ја прекинал соработката со тренерот Ерик Тен Хаг. Холандскиот тренер освои само еден бод во претходните две кола од Бундеслигата, неговите играчи пропуштија предност од два гола со играч повеќе во Бремен во последните 25 минути, а поранешниот стручњак на Ајакс и Манчестер јунајтед се најде на удар на јавноста.
Клупските ченици решија да му се заблагодарат на соработката и да се свртиат кон друг стручњак кој подобро ќе ја продолжи работата на Чаби Алонсо.
Проектот со Тен Хаг пропадна пред да започне и по само со три одиграни натпревари.
Леверкузен го победи само Гросаспах во Купот на Германија, беа поразени на „Бај Арена“ од не толку силниот Хофенхајм, додека во Бремен одиграа 3:3.
Холанѓанецот беше критикуван и за неговата игра и за изборот на нови играчи бидејќи малкумина ја оправдуваат инвестицијата на почетокот на сезоната.
Ерик Тен Хаг на клупата на Баер се задржа точно 62 дена, Баер го водеше 270 минути.
Во кариерата бил тренер на Го Ахед Иглс, Баерн „Б“, Утрехт, Ајакс и Манчестер јунајтед.
Foto/ EPA/HANNIBAL HANSCHKE
Спорт
Бен Сегир се пресели во Леверкузен

Мароканскиот фудбалер Елиес Бен Сегир потпиша петгодишен договор со Баер Леверкузен до 30 јуни 2030 година.
Висината на трансферот не е официјално објавена, но извори блиски до Монако наведуваат дека изнесува 32 милиони евра, со бонус од пет милиони евра и процент од следната продажба на играчот.
20-годишниот играч од средниот ред е продукт на младинската школа на Монако. Во „малото кнежевство“ во 2023 година ја започна професионалната кариера.
Спортскиот директор на Леверкузен, Симон Ролфес, истакна дека тој е „првокласен техничар, интелигентен и имагинативен во дриблингот, со прецизно и разновидно додавање“ и додаде дека „ќе внесе дополнителна енергија во офанзивната игра“.
Тренерот на Монако, Ади Хитер, исто така го пофали младиот фудбалер, истакнувајќи дека созреал во Монако и дека го очекува успешна кариера во Германија.
foto/ Bayer 04 Leverkusen