Спорт
(Видео) Билбао ја посвети етапната победа на ТдФ на починатиот колега Мадер
Шпанскиот велосипедист Пелјо Билбао првпат во својата кариера победи на етапа на Тур де Франс триумфирајќи на 10. етапа во Исоар за да ја посвети на својот колега Џино Мадер, кој го загуби животот на Трката околу Швајцарија минатиот месец.
Билбао го победи Георг Цимерман во финишот во кој шест велосипедисти беа во групата која се бореше за триумф, по што заедно со неговиот тим „Бахреин викториус“ му одадоа почит на 26-годишниот Мадер, кој загина при паѓање во провалија на Трката околу Швајцарија.
„Сеќавањето на Џино беше единствена причина за оваа победа. Беше тешко да се подготвувам последните две недели со него во умот, но поминав време со моето семејство и тоа ми помогна. Сакав да победам на првите баскиски етапи, но тоа не беше возможно и затоа ја чекав мојата шанса. Прва победа на ТдФ по 13 години е нешто посебно и ова е само за Џино“, изјави Билбао по трката.
Во генерален пласман, главната група пристигна на целта по речиси три минути од победничката група, а Јонас Вингегард остана во жолтата маичка со 17 секунди предност пред Тадеј Погачар. Билбао се искачи на петтото место во генерален пласман.
⏪A final kilometer where everyone had its chance, but in the end, it was @PelloBilbao1990 who came out victorious.
⏪Un dernier kilomètre où tout le monde a eu sa chance, mais c'est finalement @PelloBilbao1990 qui est sorti vainqueur. #TDF2023 pic.twitter.com/mBSfK6Eykx
— Tour de France™ (@LeTour) July 11, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Питлик: Некој да им објасни на Хрватите дека вака не се игра ракомет
Ракометарот на Данска Симон Питлик имаше порака за хрватските колеги по победата во финалето на 29. Светско првенство.
Во мечот за титулата во Осло, Данците лесно ја совладаа Хрватска и победија со 32:26, со што четврти пат по ред станаа светски шампиони.
Хрватите го одиграа финалето доста грубо, а покрај директниот црвен картон на Марко Мамиќ имаше и многу фаули што го изнервираа Симон Питлик.
„Треба некој да им објасни на Хрватите дека вака не се игра ракомет. Ваков ракомет можат да играат само во Загреб, каде што судиите се на нивна страна. Правеа луди фаули. Само така можеа да не победат. Тоа не им успеа затоа што ние сме попаметни. Добиваа глупави исклучувања, внесоа премногу емоции“, истакна Питлик.
На Питлик не му пречеше премногу грубата игра на Хрватите, бидејќи мечот го заврши со четири гола. Питлик со 50 гола заврши на четвртото место на листата на најдобри стрелци.
За потсетување, Франција го освои бронзениот медал со тесната победа (35:34) против Португалија.
Спорт
Батлер ќе прифати трејд само во Феникс Санс
Кошаркарот на Мајами Хит Џими Батлер ја отфрли идејата да им се приклучи на Голден Стејт Вориорс и јасно стави до знаење дека сака да ќе прифати трејд само во Феникс Санс.
Впечаток е дека никогаш нема да заврши сагата со 35-годишниот кошаркар на Мајами Хит.
Според Шамс Чаранија од ЕСПН, Батлер сака да се пресели во Феникс Санс и да го продолжи договорот со нив откако ќе му истече договорот ова лето.
„Батлер ја отфрли идејата да им се приклучи на Голден Стејт Вориорс, предупредувајќи дека нема да остане таму ако тие го трејдуваат. Јасно е дека дека тој би сакал да оди во Феникс Санс и таму да остане долго време. Во последниве недели, Мајами преговара со Санс и Вориорс, тимови кои го сакаат Батлер“, пишува Чаранија.
Феникс е целосно фокусиран на овој трејд, намерата е да го спојат Батлер со Кевин Дурант и Девин Букер пред истекот на преодниот рок, кој во НБА лигата трае до 6.февруари.
Спорт
Уште една катастрофа за Манчестер јунајтед
Манчестер јунајтед доживеа нов пораз, седми оваа сезона на домашен терен во Премиер лигата. Вчера на „Олд Трафорд“ победија фудбалерите на Кристал Палас победија со головите на Матета со 2:0.
Покрај поразот, Манчестер јунајтед, се чини на шподолг период остана без Лисандро Мартинез.
Аргентинецот ја напушти играта во 82. минута, а првичните информации од Островот говорат дека коленото му е тешко повредено.
„Ќе знаеме се во следните неколку дена, но се чини дека повредата е многу сериозна. Лисандро не само што е одличен играч, туку човек, кој ни значи многу во соблекувалната“, изјави Рубен Аморим, тренерот на Јунајтед.
Лисандро оваа сезона одигра 20 натпревари за Јунајтед и постигна два гола. Во Јунајтед дојде од Ајакс во 2022 година за 57,4 милиони евра.