Спорт
(ВИДЕО) „Блиц криг“ на шпански начин за финале на ЕП
Шпанските фудбалери се првите финалисти на Европското првенство откако во финалето ја совладаа репрезентацијата на Франција со резултат 2:1. Ова е петто финале во историјата на ЕП за Црвената фурија.
Шпанците имаа одлична шанса во 8. минута од натпреварот. Од десната страна Јамал упати центаршут и топката падна врз главата на Фабијан Руиз, кој на втората статива од шеснаесетникот необјасниво погоди над голот.
Во својот прв опасен напад Французите не ја направија истата грешка. Мбапе ја прими топката по левата страна, испрати центаршут, а на вистинското место се најде Коло Муани, кој со глава ја смести топката во голот.
Наместо да биде шокирана од водството на противниците, Шпанија продолжи многу организирано да напаѓа и само 12 минути подоцна израмни.
Ламине Јамал ја прими топката на околу 20 метри, ја повлече во средината и со помош на стативата го совлада Маињан со најубавиот гол на ЕП.
Французите останаа во нокдаун, а четири минути подоцна Шпанија го искористи тој факт и целосно го смени резултатот. Дани Олмо направи хаос во францускиот шеснаесетник, го испрати Чоамени во празно, шутираше, а Жил Кунде беше тој што ја испрати топката во сопствената мрежа.
По вториот гол на Шпанците, темпото значително падна, а бројот на опасните можности до полувремето значително се намали.
Во 40. минута Французите имаа слободен удар од опасна позиција, Дембеле го пронајде Упамекано на далечната статива, но пред него се најде Навас.
Тоа беше се во првото полувреме.
Французите во вториот дел влегоа со желба што побрзо да постигнат гол. Тоа можеа да го остварат во 53. минута, кога Дембеле изведе корнер, Чуамени беше највисок во скокот, но тоа беше лесна задача за Унаи Симон.
Првиот дел од вториот дел не изобилуваше со убава игра, најмногу благодарение на Шпанците кои се обидоа да го контролираат поседот и да ја забават играта во транзиција и да не им дозволат на Дембеле и Мбапе да им побегнат на дефанзивците.
Во 60. минута сепак Французите се заканија, Дембеле нафрли но топката се најде во рацете на голманот Унаи Симон.
Следната шанса ја видовме во 76. минута. По гужва во шеснаесетникот, Тео Ернандез пропушти одлична прилика, шутираше со послабата десна нога од 16 метри, но топката заврши на трибините.
Нова шанса за триколорите дојде во 85. минута од натпреварот. Мбапе на левата страна ја повлече топката кон средината, шутираше од дваесетина метри, но таа отиде далеку над голот.
За повеќе од тоа немаше време ни простор, а Шпанија заслужено ги испрати Французите дома и го потврди билетот за финалниот меч во Берлин на 14 јули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милан со играч повеќе го победи Бриж, Монако со „петарда“ ја испрати Црвена звезда
Со победите на Милан и Монако започна третото коло во Лигата на шампионите. Милан го победи Бриж со 3:1, а Монако славеше над Црвена звезда со 5:1.
Милан на „Сан Сито“ ја отклуча одбраната на Бриж во 34.минута кога мајсторски погоди Пулишиќ. Репрезентативецот на САД го совлада ветеранот Мињоле директно од корнер. Во 40.минута Бриж остана со играч помалку, црвен картон доби Онједика.
Вториот дел добро започна за Бриж. Белгијците изедначија преку Сабе во 51.минута.
До крајот Рајнерс постигна два гола во 61. и 71.минута.
За Милан ова е прва победа и први бодови сезонава во Лигата на шампионите.
Во Монте Карло, Монако со добра игра во вториот дел славеше над Црвена звезда. Впечаток е дека играчите на српскиот шампион „сами“ си дадоа три гола, а еден беше спектакуларен во режија на Синго.
Минамино го отвори резултатот, откако во одбраната Силас заспа и не успеа да постави офсад стапица. Изедначи Црвена звезда преку Ндијае од пенал. Во 43.минута дискутабилна одлука пред голот на Монако, фаул имаше врз Олаинка од Закарија, но ВАР не се огласи. На истекот на првиот дел Емболо во 49.минута, повторно по грешка на одбраната на српскиот првск погоди за 2:1.
Во вториот дел уште три гола, Синго спектакуларно погоди од 25 метри, Минамино го постигна својот втор гол, а точка на мечот во 95.минута ги постави Аклиуш.
Црвена звезда последните 15 минути ги играше со играч помалку, Олаинка поради повреда го напушти теренот во ситуација кога беа извршени сите пет измени. Претходно исто така поради повреди теренот го напуштија Дуарте и Ндијае.
Монако по три рунди има седум бода, Црвена звезда се уште е без освоен бод.
Спорт
Фудбалската легенда на Уругвај ќе дебитира како тенисер
Диего Форлан, легендата на уругвајскиот фудбал, на 45-годишна возраст ќе дебитира во професионалниот тенис.
Како што пренесуваат медиумите во Монтевидео, поранешниот напаѓач на Манчестер јунајтед, Виљареал, Атлетико Мадрид и Интер е голем љубител на тенисот и наскоро ќе дебитира на АТП Челинџер.
На Светското првенство во Јужна Африка, Форлан ја подели титулата најдобар стрелец, го постигна најубавиот гол на турнирот и беше прогласен за најдобар играч на Светското првенство.
По фудбалот, Форлан најде нова страст, тенисот, а турнирот во Монтевидео, каде што ќе се појави, еднаш во 2005 година го освои шампионот на Ју-ес опен од 2009 година, Аргентинецот Хуан Мартин дел Потро.
„Внимание тениски и спортски фанови! Оваа година на на Уругвај опен имаме неверојатно дуо: аргентинскиот тенисер Федерико Корија и поранешниот уругвајски фудбалер Диего Форлан. Да, нашата „десетка“ е опсен тенисер. Оваа година Форлан се натпреваруваше на повеќе турнири во категоријата 40+ во Монтевидео, во Лима и на ИТФ мастерсот за ветерани. Форлан е леворак во тенисот, спротивно од тоа како играше фудбал. Што мислите за ова? Имате ли верба во ова дуо?“, порачаа организаторите на челинчерот во Уругвај.
Форлан има 45 години, а Корија 32. Аргентинецот моментално е 101. на АТП листата, а турнирот на кој ќе играат заедно започнува на 12 ноември.
Спорт
Мијатовиќ се врати во Партизан, но ќе работи од Шпанија
Предраг Мијатовиќ (55), легендарниот поранешен црногорски ас на Будуќност, Партизан, Валенсија и Реал, се врати во белградскиот клуб каде се прослави како играч. Мијатовиќ, напаѓач на Партизан од 1990 до 1993 година, е нов член на управата на белградскиот клуб, соопштено е по седницата на Собранието на Партизан.
Мијатовиќ доаѓа во Партизан во време кога српскиот гигант го тресе невидена резултатска, финансиска и организациска криза и кога долгот на клубот изнесува 60 милиони евра.
Партизан летово беше елиминиран од сите три европски натпреварувања во прелиминарните рунди. Во првенството по десет одиграни натпревари веќе заостануваат 11 бода зад актуелниот шампион и лидер Црвена звезда, од која сезонава како домаќини загубија со 4:0.
Мијатовиќ најави дека нема да се пресели во Белград. Ќе работи од Шпанија: „Искрено, се уште не знам како сум денес овде. Но, станува се појасно. Се сретнавме двапати, таа одлука ја донесовме завчера. Си реков: дали е можно дека сум овде. Тука дојдов без никаков финансиски интерес, едноставно нешто „одвнатре“ ме викна“, изјави Мијатовиќ.
Тврди дека го убедил новиот претседател на Партизан, Расим Љајиќ: „Му реков благодарам како успеа да ме „сршиш“ и дам е убедиш. Имв повици од многу луѓе, сега имам информации и кога Расим ме убедуваше, како ме убеди, можеби еднаш и ќе кажеме како било во некои посреќните времиња“.